AMTAW 16:17 - Khumi Common Language Bible

¹⁷ Huni anglo ly Pawla kaichi ai hui iy, “Hini khumi paheng nai lam ang thui pi nai keungchi ly Salo Keh i Tameuh i miseaungchi na a hi ly,” nanai aeu.

AMTAW 16:17 ပူးပေါင်းရင်းမြစ်များ

SAM 57:2

Kai i ngai nai ngiereichi ai pei nai keung tahm asang parai nai Tameuh teng y, kai ly kahnei bo.

SAM 78:35

Tameuh ly mychi ai ama hai nai lengseaung pui kamta lawm nai py, tahm asang parai nai keung ly mychi ai sabawm ai nai ang jeu, nanai py nichi pany u bo.

DANIELA 3:26

Hunaibaly samrang Nebukhadnezar ly khri pa-rei angveaung nai mai pui kangveaung pa-khora chei iy, “Tahm asang keh nai Tameuh i miseaung Sadraka, Meshaka hawi Abedanekochi awi, mai pui theung i nai theu u,” napi. Naibaly nichi ly vaimy theu u bo.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

DANIELA 4:2

“Tahm asang keh nai Tameuh my kai ai ang patei nai lyh ai hawi naichi hawi rengrang ka-ma-rachi tangai u.

DANIELA 5:18

“Tahm asang parai nai Tameuh ly ngampo samrang Nebukhadnezar teng y peang nai sa thai naira hawi tahm asang parai nai samrang leaungrei lawm hai iy, tahm awm nai hawi phum-ang angym hai bo.

DANIELA 5:21

Ni ly khumi kamkawm theung i nai patheu vui nai avum iy, amso tawnbawi paleung kun bo. Ni ly daichi keaungngo kano kasau karamchi hawi vanrei awm iy, si kamta acha cha nai ne. Abyhra by y naimy, kadam theung y i ai nai tla bo. Kangkhym y ly tahm asang parai nai Tameuh my khaileaung pri verei ai peang iy, mymy i ngai nai khumi ami ai py ne sy, huni prichi ai pei pajau, nanai samrang ly adawn vau nai ne.

DANIELA 6:16

Hunaibaly samrang i leu pei nai kamta, Daniela ai khrangsi paeung nai angawm y aphi u bo. Samrang my Daniela teng y, “Nang i ka-ym awm naimy chiu nai Tameuh ly nang ai atleu pi na sy,” napi.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

JONA 1:9

Jona my, “Kai ly Hebrai khumi ne; kacheng hawi pangli ai sa nai keung, kani pri tavailuchi i Areng Tameuh ai chiu nai khumi ne,” nanai pathang.

MIKHA 6:6

Kani pri mang y awm nai Areng Tameuh teng y chiu sa ai nai jeu nai khala y, kai ly ati kapathypra syn ai mo? Veung hawi nai si cho ai leng patlum ai nai kasyn ai a?

MATTHAI 22:16

Naibaly nichi ly mymychi teng y abangnaichi hawi, Heroda i kamkawmchi ai mymy teng y pato i hunichi my ly, “Sara awi, nang ly khumi meitang ne, Tameuh i lam y py leu meitang khyp naimy patiu iy, ami ai py meimai akhen y, nanai kaichi pany: ati mana nai mo nabaly nang ly ami ai py patle takhra lawh nai py by y.

MATTHAI 8:29

Naibaly khen cham, nini my ly, “Aw Tameuh i Chapo awi! Kaini hawi nang hawi ati amtawm naira awm mo? Neng tym y rai khala my kaini ai patang hai ai nai jeu nai a?” nanai aeu.

MARKA 1:24

“Nazaret Isu awi, kaichi hawi nang hawi ati amtawm mo? Nang ly kaichi ai tama hai ai nai jeu nai a? Nang ai ly kai pany mang, Tameuh i Khumi Kachai ne,” nanai aeu.

MARKA 12:14

Hunaibaly nichi ly tym u i mymy teng y, “Sara awi, nang ly khumi meitang ne, nang ly ami ai py meimai akhen y, nanai kaichi pany: ati mana nai mo nabaly nang ly khumi ami ai py patle takhra lawh y naimy Tameuh i lam y py leu meitang khyp naimy patiu reng. Kaisara teng y akeu pei nai ly pei ngau a pei ngau y a?

MARKA 5:7

naibaly tao pajeng parai pa-rei my aeu nai, “Isu, Salo Kangteng Tameuh i Chapo awi, kai hawi nang hawi ati amtawm naira awm mo? Kai ai patang hai y ai nai Tameuh i amyn y kang takeng nai he,” napi.

LUKA 1:77

Ati mana nai mo nabaly nang ly mymy i lam cheaungkhang sa rym ai nai hawi, Achi i Tameuh i pahen nai paleung awm nai saho y Mychi i kamngo pahen ai nai,

LUKA 1:79

Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.

LUKA 20:21

Nichi my ly mymy teng y, “Sara, nang ly leu meitang khyp naimy thui py thui, patiu py patiu, ami ai py patle takhra lawh y naimy, Tameuh i lam y py leu meitang khyp naimy patiu reng, nanai kaichi pany.

LUKA 4:34

“Aw, Nazaret Isu awi, kaichi hawi nang hawi ati amtawm mo? Nang ly kaichi ai tama hai ai nai jeu nai a? Nang ai ly kai pany mang, Tameuh i Khumi Kachai ne,” nanai aeu.

LUKA 4:41

Vawinamchi py, “Nang ly Tameuh i Chapo ne,” nanai aeu naimy khumi neangneangchi i taku theung i nai theu u. Naibaly mymy ly Krista ne, nanai nichi ly pany nai deaungkho y, ni my nichi ai jo i katheu ai nai pei y.

LUKA 8:28

Naibaly ni ly Isu ai niu baly aeu iy, ni i mo y ambeu i athorei my, “Isu, Salo Kangteng Tameuh i Chapo awi, kai hawi nang hawi ati amtawm naira awm mo? Hini kang takeng nai bo he, kai ai patang hai moh kyh jemjem ba,” napi.

JOHAN 14:6

Isu my ni teng y, “Kai ly lam py, leu meitang py, hengra py ne.

AMTAW 18:26

naibaly mymy ly achura yhm y vam parai pa-rei leu thui amteaung bo. Hunaibaly Priskila nini Akuila ly mymy i leu thui nai ly thai i, myni i yhm y pahawi iy mymy teng y ly Tameuh i reita chai tleaung y chai ra nai thui pi pachai bo.

AMTAW 19:13

Na i py atam kakawp ajau ryry nai Juda amichi mo ly, Pawla i thui pi nai Isu i amyn y kang ram he, nanai vawinam my nam naichi i tlang tleaung y Areng Isu i amyn palau u lawh veng.

I PETERA 2:16

Nangchi ly alaw nai ne, na i py nangchi i alaw nai ly kamngo ai khiu naira y teaung y naimy, Tameuh i miseaung y awm nai kamta teaung u.

II PETERA 2:2

Naibaly khumi neangneangchi ly mymychi i paleaung naira mang i atitichi ly abang u teang ai i, mymychi deaungkho y lam teng parai nai ai ly thui tamawn nai lawn ai.