AMTAW 16:14 - Khumi Common Language Bible

¹⁴ Naibaly amyn Ludia, kanih kamsen jeaung jo nai keung, Thuatira avang i khumi, neampachy leaungrei ly kaichi i leu thui nai ly tangai bo, naibaly ni ai ly Pawla i leu thui nai patawm ai nai Areng my mymy i paleung paeaung bo.

AMTAW 16:14 ပူးပေါင်းရင်းမြစ်များ

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

Solomon i khulym 5:4

Kai i khrei nai keung ly katheu ai amkhaw nai khala y, kai ly paleung anghyn na bo.

ISAIA 50:5

Areng ly kai ai pany thai naira pei nai deaungkho y, kai ly mymy ai tiu ai ny y. Mymy teng i nai py amphri vui y ai.

LUKA 24:45

Naibaly Tameuh i cha-iu leu sai pany thai ai nai mychi i paleung cheng hai bo.

JOHAN 12:20

Naibaly pawira y Tameuh ai chiu ai nai chei naichi theung y Krikchi amichi mo awm;

AMTAW 10:2

Tameuh ai py dawn parai nai khumi, mymy hawi mymy i dengtheungchi bawibawi py Tameuh ai tahm khai, amichi teng y py mymy ly atiti neangneang pei reng, Tameuh teng y py chiu sa jojo.

AMTAW 11:21

Naibaly Areng i kiu my mymychi ai sabawm i, khumi neangneang ym iy Areng mang y hi lengleang.

AMTAW 13:43

Naibaly achu naichi ly amprei nai bo y Judachi hawi, mymychi i suibang kammeaung Tameuh ai tahm khai parai nai khumi neangneangchi ly Pawla hawi Bernaba teng y abang; nini ly nichi hawi arum i, Tameuh i pahengra y awm jo ai nai pachei.

AMTAW 13:50

Na i py Judachi ly tahm asang nai hawi Tameuh ai tahm khai nai neampachychi ai hawi, avang miteaung kehchi ai py pachei i, Pawla hawi Barnaba nini ai ly ana hai piupa iy, mymychi i meingtym dengdairei nini ai patheu bo.

AMTAW 16:40

Naibaly nini ly theaung i nai theu hawi iy Ludia i yhm y kun bo; naibaly nini ly amjo amnauchi hawi avum hawi i, nichi ai paleung awm hai nem iy chei hawi bo.

AMTAW 18:7

Naibaly hu i nai ly chei iy khumi leaungrei, amyn Tita Justa napi nai i yhm y kun, mymy ly Tameuh ai chiu reng, mymy i yhm py achura yhm hawi kamtawm ryp.

AMTAW 8:27

Hunaibaly ni ly angthau i tako bo. Naibaly khen cham, Ethiopia pri i khumi leaungrei Ethiopia samrang nu Kandak i anui i tli chum nai khumi, areng tahm asang parai nai, ni i yhmtheaung bawibawi kry nai keung ly Jerusalem y Tameuh ai chiu ai nai chei bo;

ROM AVANGCHI TENG Y PAWLA I CHA PA NAI 9:16

Hunaibaly huni ly ami i ngai nai hawi angpreng nai deaungkho y ne y leang, pahen nai keung Tameuh deaungkho y teu.

PHILIPI 2:13

Ati mana nai mo nabaly nangmychi ai mymy i kawn ai naira vui y ngai ai nai hawi sa ai nai, nangmychi ai sa hai nai keung ly Tameuh ne.

AMTENG HAI NAI 1:11

“Nang i atiti niu nai ly cha-iu y tajiu iy, palau takhra kamkawm saryhrei, Ephesi avang hawi, Smurna avang hawi, Perkamon avang hawi, Thuatira avang hawi, Sardisa avang hawi, Philadelphia avang hawi, Leiodikeia avang teng y py pa,” nanai kathai.

AMTENG HAI NAI 3:20

Khen cham, kai ly katheu ahawi y angdo i katakhei: ami py kai i raawi thai iy katheu paeaung pi baly, kai ly mymy teng y kun iy mymy teng y biu cha ai i, mymy py kai teng y cha teang ai.

AMTENG HAI NAI 3:7

“Naibaly Philadelphia avang i kani pri i amtaw thau nai teng y hinai kamta tajiu: Chai naira awm nai hawi, meitang awm nai keung, Davida i saw awm nai, paeaung iy ami py kho pajau y nai, kho iy ami py paeaung pajau y nai i leu thui nai ly hini ne he: