AMTAW 15:24 - Khumi Common Language Bible

²⁴ Achi i kamkawm theung i khumi amichi mo leu thui nai ang khrukhra hai i, nangchi ai paleung phra hai, nanai kaichi thai; kaichi ly nichi teng y ati sai py leu pei y leang.

AMTAW 15:24 ပူးပေါင်းရင်းမြစ်များ

JEREMIA 23:16

Ati cheaungkhang sa thai nai keung Areng my Jerusalem mary i khumichi teng y, “Amochi my nangchi ai athang khai hai atyhtyh nai deaungkho y, nichi i leu tangai u moh. Nichi ly mychi i paleung theung y dawn nai kamta thui u nai teu, kai i thui nai leu ny y leang.

AMTAW 15:1

Naibaly amichi mo Judai pri i dengdairei kathiu iy, Mosi i Reita kamta lengkhym takip y baly hengra ngo u pajau y leang, nanai amjo amnauchi ai patiu.

KALATIA 1:7

huni ly takhra ny y leang; nangmychi ai khrukhra hai nai, Krista i Satang Kahawi ai takhra hai ai ngai nai ami mo awm atyhtyh nai teu.

KALATIA 5:10

Nangchi i dawn nai ly takhra lawh y leang, nanai kai ly nangchi ai Areng y ly kang ym nai ne; na i py nangchi ai khrukhra hai nai keung ly ami py ne sy, mymy i tlang tleaung y leu atlym nai ly patang ai.

KALATIA 5:12

Nangchi ai khrukhra hai nai keungchi ly ataphra u tlam tlam i khyly kangai nai ne.

KALATIA 5:4

Nangchi Reita y eaung ai nai tau nai keungchi awi, nangchi ly Krista hawi amprei u bo: nangchi ly pahenra ai ly atlym pi u veng bo.

II TIMOTHEI 2:14

Huni atiti leu ly nichi ai dawn hai vau; ati sai py chawn y naimy, tangai nai keungchi ai taphra ai nai leu rumrang naira aei u y ai nai Areng i mei ka-niu y leu pei.

I JOHAN 2:19

Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.