AMTAW 15:22 - Khumi Common Language Bible

²² Naibaly amtaw thau naichi hawi, miteaung kehchi hawi, palau takhra kamkawm bawibawichi hawi ly mymychi i kamkawm theung i nai khumichi ai vawi iy, Pawla nini Barnaba hawi vanrei Antiokei avang y pato baly hawi, na u; Juda, Barsaba napi nai hawi Sila py, amjo amnauchi theung y miteaung keh kyh nai, nini ai vawi.

AMTAW 15:22 ပူးပေါင်းရင်းမြစ်များ

2 SAMUELA 3:36

Hina nai sa nai sai ai niu nai khala y, khumichi ly ngai hai u. Meitang khyp, nichi ly samrang i sa nai ngiereichi khrei u nai ne.

2 NENG SATANG 30:12

Samrang hawi miteaung kehchi i leu pei nai tangai u nai kamta, khumichi ly adyh adawi naimy leu atangai ai nai, Tameuh ly Juda khumichi i paleung amtlau hai nai ne.

2 NENG SATANG 30:4

Samrang hawi khumi mipuichi ly mymychi i ka-vo dawn yb nai ngai u nai deaungkho y,

AMTAW 1:23

Naibaly nichi ly leaung nyhrei ai vawi, leaungrei nai ly Josepha, Barsaba napi nai, amyn ka-reu Justa napi bi nai, naibaly leaungrei nai ly Matthia.

AMTAW 11:19

Naibaly Stephana molam y ana nai ahei naichi ly Phawiniki pri hawi, Kupra tlawn py, Antiokei avang y tym pa-rei chei iy Judachi teng y harei ny y baly ami teng y py leu thui y.

AMTAW 11:20

Na i py mymychi theung y phyreichi ly Kupra hawi Kurini khumichi ne, hunichi my ly Antiokei avang y tym iy Krikchi teng y py leu thui i, Areng Isu i satang thui pi teang bo.

AMTAW 11:22

Naibaly mymychi i satang ly Jerusalem y achu nai palau takhra kamkawmchi i kano y kun iy, nichi ly Bernaba ai Antiokei avang y khrairei pato bo.

AMTAW 11:27

Naibaly hunai thym khala y ly Tameuh i leu thui nai keung amichi mo Jerusalem i dengdairei Antiokei avang y chei kathiu.

AMTAW 15:23

Naibaly hina nai kamta myni i kiu y pa i, “Amtaw thau naichi hawi amjo amnauchi theung y miteaung kehchi ly Antiokei avang i hawi Suria pri hawi Kiliki pri i Cheng Takhra amjo amnauchi ai ang kawn ba.

AMTAW 15:25

Hunai deaungkho y kaichi ly leu vanrei adyh nai achu iy,

AMTAW 15:27

Hunaibaly Juda nini Sila ai kang pato nai he, nini my py hini satang ly leu y ang thui pi teang ai mang.

AMTAW 15:3

Hunaibaly palau takhra kamkawmchi my ly nichi ai pavum i, nichi my Cheng Takhrachi ly mo hi ali teang nai satang thui pi prei naimy Phawiniki pri hawi Samari pri y tako prei bo; hunaibaly amjo amnauchi ly khrikhri pa-rei kawn hai.

AMTAW 15:30

Hunaibaly nichi ai ly pato i Antiokei avang y tym kathiu bo; naibaly khumi mipuichi ai ly palau achu iy cha pei.

AMTAW 15:32

Naibaly Juda nini Sila ly Tameuh i leu thui nai keung py ne ryp i, amjo amnauchi ai neangneang leu pachei iy khaw hai.

AMTAW 15:40

Pawla my ly Sila ai vawi i, amjo amnauchi my ni ai Areng i pahenra y au nai bo y theu vui bo.

AMTAW 16:19

Naibaly yhmkeungchi ly mychi i kamran nga naira tama vui bo, nanai pany i, Pawla nini Sila ai patiu iy miteaung kehchi i mo y seng meingtym y ryh bo.

AMTAW 16:25

Na i py aneng hyh khala y Pawla nini Sila ly Tameuh teng y chiu py chiu sa, khulym py thui i, theaung tla naichi ly tangai u bo;

AMTAW 16:29

Naibaly typ nai keung my ly maiteaung palau hai i tlenrei my satla kathiu nai kun iy jei nai kaso theu naimy Pawla nini Sila i mo y ambeu; naibaly nini ai ly theu hai i,

AMTAW 17:10

Naibaly amjo amnauchi my ly vum aneng y my Pawla nini Sila ai ly Beroia avang y pato praw; nini ly hu y tym baly Judachi i achura yhm y kun hawi bo.

AMTAW 17:14

Hunaibaly amjo amnauchi my ly pangli y tym pa-rei chei ai nai Pawla ai ly pato praw veng bo: Sila nini Timothei naini hu y awm hawi jo rai.

AMTAW 17:4

Hunaibaly mymychi theung y phyreichi ai ly parawi pajau i, Pawla nini Sila hawi amkawm u bo; Tameuh ai tahm khai nai Krik khumi mipui neangneangchi hawi, neampachy miteaung keh nawi rawm naichi py amkawm teang.

AMTAW 18:5

Na i py Sila nini Timothei ly Makedonia pri i dengdairei tym kathiu kha ly Pawla ly paleung am-yh pajau y nai awm i, Isu ly Krista ne, nanai Judachi teng y thui pi pachai.

AMTAW 8:14

Naibaly Jerusalem y awm nai amtaw thau naichi ly Samari i awm naichi Tameuh i leu tangai bo, nanai thai i, mymychi teng y Petera nini Johan ai pato;

II KORINTH 1:19

Ati mana nai mo nabaly Tameuh i Chapo Isu Krista, mymy i satang kai hawi Silvana hawi Timothei py nangchi theung y kaichi my kang thui pi nai ly, Ne, nanai hawi, Ny y, nanai ly ne mei y leang, na i py mymy y ly Ne, nanai awm.

I THESALONIKA 1:1

Pawla nini Silvana hawi Timothei ly, Ampo Tameuh hawi Areng Isu Krista y awm nai Thesalonika avang i palau takhra kamkawm teng y ly: Pahenra hawi awmnem naira ly nangchi teng y awm sy.

II THESALONIKA 1:1

Pawla nini Silvana hawi Timothei ly Tameuh achi i Ampo hawi Areng Isu Krista y awm nai Thesalonika avang i palau takhra kamkawm teng y ly:

I PETERA 5:12

Achi i amjo amnau ka-ym awm parai nai, athang kakhai nai Silvana i kiu y ly nangchi ai pachei ai nai hawi, huni ly Tameuh i pahenra tatang ne, nanai pany hai ai nai py nangchi teng y cha kadawi pe chy katajiu nai ne: hunira y ly kahawi angdo u.