AMTAW 15:17 - Khumi Common Language Bible

¹⁷ Kai ali teang ai i, Davida i taichy anawi nai ly kaimy sa bi ai, Phra naira ngierei py kaimy sa bi ai i, Padyh teang ai, nanai

AMTAW 15:17 ပူးပေါင်းရင်းမြစ်များ

ATITI AWM ANGCHEI NAI 22:18

Nang ly kai i leu tangai nai saho y, nang i kangpreangchi ai amtheaung hai nai kamta, khaileaung pri y awm nai khumi cheng cheaungkhangchi my py, amtheaung naira nga ai nai kai teng y takeng u ai,” napi.

ATITI AWM ANGCHEI NAI 48:16

Kai ai vaini khrairei ang typ nai keung Tameuh, rai naira cheaungkhang i nai kai ai atleu nai keung Angel my nini ai amtheaung hai sy! Nichi ly kai i amyn hawi, amsi Abraham, kai i ampo Isaka nini i amyn khaw hai jo sy! Nini ly chanau neangneang sa iy, kangpreang neangneang peung u sy,” napi.

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

ISAIA 11:10

Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 43:7

Nichi ly kaimy peang nai khumichi, kai i nang parai nai amthang hai ai nai, kaimy sa nai khumichi ne,” napi.

ISAIA 63:19

Nang ly kaichi i samrang ny y vui lawh nai kamta py, kaichi ly nang i khumichi ny y vui lawh nai kamta py, nang ly kaichi ai sa lawh bo.

ISAIA 65:1

Areng my, “Kai ly kaimy i khumichi i chiu sa nai tangai ai nai angveirym i py, nichi ly chiu so u y. Kai ly nichi hau lawh baly niu ai nai ajeng rym teu i py, nichi ly kai ai hau ai nai atho so u y. ‘Kai ly hi y awm, Kai ly sabawm pi ai,’ nanai leu pathang pi ai nai angchi yb teu i py, Israela chengchi ly kai teng y hnei u y.

JEREMIA 14:9

Ati mana nai y nang ly mynkym vui nai kamta py, sabawm ai nai sa thai naira by y nai tavaimi risa kamta py, lawm lawh mo? Aw Areng, nang ly kaichi hawi vanrei awm khyp na a! Kaichi ly nang i khumichi ne i, khai su moh kyh ba,’ nanai takeng u bo”

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

DANIELA 9:19

Aw Areng, tangai pi kyh ba. Aw Areng, kaichi i kamngo pahen pi kyh ba. Aw Areng, kaichi i hnei takeng nai tangai iy, kawn pi kyh ba. Aw kaichi i Areng, paniu moh ba. Huna khala y nang ly Tameuh ne nanai khumi luteng my pany u ai. Hini mary hawi hini khumichi ai nangmy peang nai ne,” nanai chiu sa bo.

HOSEA 2:23

Kai ly kaimy i khumichi ai pri theung y awm hai iy, nichi ai nang chawn hai ai. Kai ly “tamen y” nanai amyn angam nai khumichi ai tamen ai. “Kai i khumichi ny y” nanai amyn angam nai khumichi ai kaimy ‘Nichi ly kai i khumichi ne’ nanai thui iy, nichi my, “Mymy ly kaichi i Tameuh ne,” nanai thui u ali teang ai.

JOELA 2:32

Na i py Areng teng y kasabawmra hnei nai khumi bawibawichi ly atleu naira nga u ai. Areng my leu pei nai kamta, ‘Jerusalem mary y awm nai khumi phyreichi ly deira i nai tleaung u ai; kai i vawi takhra nai khumichi ly dei y naimy awm u jo ai,’ napi.”

AMOS 9:12

Hunai deaungkho y Israela chengchi ly awm jo rai nai Edom pri ai py, vaichi khala y kaimy peang nai pri tleirei ai py, peang ali teang ai nai nga ai,” nanai tym hai ai nai Areng my ang thui pi bo.

MIKHA 5:7

Dei kamthum Israela chengchi ly Areng my tla hai nai kadam kamta, pri neangneangchi ai atho awm hai ai. Thengthai keungchi salo y, nai hai nai kanitui kamta lawm ai. Hunichi ly khumichi i leu tangai y i, Tameuh i leu naini tangai khyh nai ne.

ZEKHARIAH 2:11

Huni neng khala y khumi cheng cheaungkhangchi ly Areng teng y ahihawi u iy, mymy i khumichi lawm u ai. Mymy ly nangchi theung y awm ai. Kai ai mymy pato nai ne, nanai py, nangchi pany u ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

Kati Nai 24:23

Balam ly hina nai kamta amo leu thui bi nai ne: “Tosyh ngan mang y akachu u nai khumichi ly amichi mo?

Kati Nai 6:27

Naibaly Areng my, “Pathyp pi nai keungchi ly kai i amyn y Israela chengchi ai amtheaung hai baly, kai ly nichi ai py amtheaung hai teang ai,” napi.

Leu Thui Nai 28:10

Naibaly nangchi ly Areng my vawi takhra nai khumi ne, nanai khaileaung pri i khumi cheng bawibawichi my pany nai deaungkho y, nangchi ai ang tarym u ai.

JAKOB 2:7

Nichi ly nangchi ai pathi nai amyn kahawi ai ly thui tamawn y a?