AMTAW 15:11 - Khumi Common Language Bible

¹¹ Mymychi i kamta ly achi py Areng Isu i pahenra deaungkho y heng naira nga ai, nanai achi aym nai veng,” napi.

AMTAW 15:11 ပူးပေါင်းရင်းမြစ်များ

ROM AVANGCHI TENG Y PAWLA I CHA PA NAI 3:24

na i py Krista Isu y atleu naira awm nai deaungkho y, mymy i pahenra my nichi ai eaung naira jawm my nga hai bo;

ROM AVANGCHI TENG Y PAWLA I CHA PA NAI 5:15

Na i py huni atiti jawm pei nai ly kamngo naira hawi atawm y leang teang. Khumi leaungrei ly kamngo nai deaungkho y malawn py khumi neangneang dei baly, Tameuh i pahenra hawi, huni pahenra i pei nai khumi leaungrei Isu Krista py khumi neangneangchi i tlang tleaung y bawn nai awm khyp bo.

ROM AVANGCHI TENG Y PAWLA I CHA PA NAI 6:23

Ati mana nai mo nabaly kamngo vang ly dei naira ne; na i py Tameuh i jawm pei nai ly achi i Areng Isu Krista i saho y deungtasarei heng naira ne.

I KORINTH 16:23

Achi i Areng ly ang jeu mang. Areng Isu Krista i pahenra ly nangchi teng y awm sy.

II KORINTH 13:14

Areng Isu Krista i pahenra hawi, Tameuh i tamen naira hawi, phailo kachai i amkawm naira py nangchi bawibawi teng y awm sy.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

KALATIA 1:6

Nangchi ly Krista i pahen nai saho y ang palau nai keung teng i nai Satang Kahawi takhra mang y abi u praw vui nai ly kai ly rengrang tlai kana nai ne;

KALATIA 2:16

na i py Reita i atitichi sa nai deaungkho y ami my eaung naira ngo y leang, Isu Krista ai ym nai deaungkho y harei nga khyh, nanai achi py Reita i atitichi sa nai deaungkho y ny y i, Krista ai ym nai deaungkho y eaung naira nga thai ai nai, achi ly Krista Isu ai ym nai ne; khumi nanai ly Reita i atitichi sa nai deaungkho y eaung naira ha py ngo y leang.

TITA 2:11

Ati mana nai mo nabaly khumi bawibawichi teng y paheng naira tym hai ai nai, Tameuh i pahenra ly amteng bo.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;