AMTAW 14:17 - Khumi Common Language Bible

¹⁷ Na i py mymy i pany hai naira by y nai ly awm vai y leang, huna nai atiti kahawi ang sa pi reng, kani mang i dengdairei kani nai nai hawi, saneng pa-tiu kahawichi ang pei iy, cha ai nai hawi kawn naira hawi nangchi i paleung y ang kawi hai nai ly,” napi.

AMTAW 14:17 ပူးပေါင်းရင်းမြစ်များ

1 ARENG KEH 18:1

Huni bo kani kra kyh nai khala y, kani khang nai py saneng thomrei awm i, Areng my Elija teng y, “Nang ly chei iy samrang Ahab i mo y kun; kai ly kani nai hai ai,” napi.

NEHEMIA 9:25

Nang i khumichi ly amtangra marychi, paitiu khuta hawi nai pri, yhmtheaung katui cheaungkhang awm angym nai yhmchi, tai yb nai tuikanchi, olive keungchi, thengthai keungchi hawi kreip akhochi peang u nai ne. Nichi ly ngai nai ryrei cha nei u iy, veung hawi u; nang i pei nai hawi nairachi amtym u bo.

JOBA 36:31

Hina nai kamta mymy ly khumichi ai pacho. Nichi ai teicha teinei neangneang pei pi.

JOBA 37:6

Mymy ly kadam amaichi khaileaung salo y tla hai ai nai leu pei. Kani py khri pa-rei taawi hai nai ne.

JOBA 5:10

Mymy ly khaileaung y kani nai hai iy, li-prangchi salo y tui lei pi bo.

SAM 145:9

Mymy ly khumi luteng ai hawi hai iy, mymy i sa nai heng nai amjy bawibawichi ai pahen nai ne.

SAM 4:7

Na i py kai teng y nang i pei nai amo theu naira ly choh hawi kreip hang nang naichi i amo theu nai tleaung y typ keh.

SAM 52:1

Sathai naira haiho awm nai khumi awi, ati mana nai amy i hawi y nai amlyh lawh mo? Tameuh i ka-ym awm nai ly deungtasarei ne.

ISAIA 22:13

Nang ly huna nai sa ai nai jeng y, pawi sa lawh nai ne. Si, beramchi tleh, cha iy kreip hang nei bo. “Khawndam dei u ai bo i, vai ly achi cho nei u sina,” nanai nang ly thui nai ne.

ISAIA 40:21

Hini khaileaung pri ly mana lawm mo, nanai nangchi thai vai y a? Jangni khala i ka-so thui pi nai keung by y nai sai a? Nangchi thai vai y, pany vai y nai sai a?

ISAIA 5:6

Kai ly huni akhobaira y acha keungchi beng hai kha ai. Kreip changpichi tangam pi y iy, khaileaung py taipi pui ai ny y. Aleng keungchi neangneang prau hai ai. Huni akhobaira y kani nai hai y ai nai, khupanymchi ai kaimy paka vui ai,” nanai thui bo.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 5:24

Neng tleirei khuma kani hawi, kangkhym kani nai hai iy saneng tleirei, amti amjang pakym achu ai nai neng sa pi nai keung kai ai nangchi ly tahm khai u vai y.

Ezekiela 34:26

“Kai ly nichi ai amtheaungra pei iy kai i mawi kachai tengtang y awm hai ai. Aly aeang nai neng tym nai khala, amtheaung nai kani nai hai ai.

JOELA 2:23

“Aw Zion mary i khumichi awi, amo theu u; nangchi tlang tleaung y nangchi i Areng Tameuh my ang sa pi nai sai molam y amo theu u. Mymy ly nangchi ai kaseih kani angym pa-rei nai hai bo. Kaseih khei nai kani ai py, vaichi khala i kamta nai hai iy, kanipui kamteaung kani ai py, nangchi teng y nai hai bo.

Levi 26:4

kai ly neng tym nai khala kani kang nai hai nai deaungkho y, li hlauchira i amti amjangchi theu iy thengthai keungchi athai thawn ai.

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

LUKA 6:35

Na i py nangchi i paleung ka-echi ai tamen u ly, nichi i vui kahawi so u ly, dawn amcheng y naimy alai ai nai pei u; hunaibaly nangchi i kawn nai vang ly nawi ai i, Salo Kangteng i chanau lawn u ai; ni ly kawn ai naira pany y naichi ai hawi, khumi kamngochi ai py paheng nai keung ne.

AMTAW 14:18

Naibaly huni leu y ly nini teng y apathyp y ai nai mipuichi ai paka pajau tanga bo.

AMTAW 17:26

khaileaung salo verei y awm ai nai thi vanrei y my khumi cheaungkhang ai sa iy, mymychi i vui neng hawi awm naira jyh py khai pi;

Leu Thui Nai 11:14

Huna khala naini mymy ly nangchi i vui choh, kreip hang, olive asitui, nangchi i tawnbawichi i vui achachi prau ai nai kaseih kani, kanipui kani ly

Leu Thui Nai 28:12

Mymy ly kani katheu paeaung iy kanikhu hawi hai ai i, nangchi i sa nai tleirei eaung hai nai deaungkho y, nangchi ly pri neangneangchi teng y piu paseng ai; na i py nangchi ly mani pri i py piu la ai ny y.

I TIMOTHEI 6:17

Hini khaileaung pri y nang naichi ly am-e y ai nai hawi, khaw y nai yhmtheaung ai ny y naimy, atiti bawibawi kawn ai nai khri pa-rei ang pei reng nai keung Tameuh ai athang khai ai nai pachei.