AMTAW 13:38 - Khumi Common Language Bible

³⁸ Hunaibaly amjo amnauchi awi, hini khumi i saho y kamngo pahen naira leu nangchi teng y thui pi nai he;

AMTAW 13:38 ပူးပေါင်းရင်းမြစ်များ

SAM 130:4

Na i py nang ly kaichi i kamngochi palawi pi bo; hunaibaly kaichi ly nang teng y ahui kajeaung kaji nai ne.

SAM 130:7

Aw Israela, Areng i tamen naira ly khaw parai nai ne i, mymy ly atleu ai nai neng tleirei awm yb nai deaungkho y, mymy ai ym u.

SAM 32:1

Amy i kamngochi lawira nga iy, sa tamang naichi molam y, law tleaung naira nga nai khumi ly taham hawi.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

Ezekiela 36:32

Israela chengchi awi, kai ly nangchi ai kang dawn hai nai molam y hinichi sa nai ny y, nanai nangchi ai pany hai ai nai ngai. Vai, nangchi i sa nai molam y kangji nga hai ai nai ngai. Hini ly sa thai naira angym nai kai, Areng i pei nai leu ne.”

DANIELA 3:18

Atleu y lawh teu i py, kaichi ly nang i tameuh ai chiu y, nang i muku myn pui ai py, lu meung ai ny y, nanai pany ba,” nanai pathang u.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

MATTHAI 1:21

Mymy ly chapo tapen ai i, nang ly amyn Isu pathi ai nai tla; ati mana nai mo nabaly ni ly mymy i Khumichi ai nichi i kamngo i nai palawi ai,” napi.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

JOHAN 1:29

Naibaly mymy ly khawn mang y Isu ai ni teng y jeu ai tau nai niu i, “Khen cham, Tameuh i Beram Cho, khaileaung pri i kamngo la pi veng nai keung ho!

AMTAW 10:43

Ami py mymy ai ym nai ngierei ly mymy i amyn deaungkho y, kamngochi pahen naira ng ai, nanai hini satang ly amo bawibawichi my pany hai ly,” napi.

AMTAW 2:14

Na i py Petera my holai hareichi hawi angdo iy ni ly tao pajeng parai naimy nichi teng y, “Nangchi Judai pri i khumichi awi, Jerusalem y awm nai bawibawichi awi, hini ly pany u ly, kai i leu py tangai u.

AMTAW 2:38

Naibaly Petera ly nichi teng y, “Uikhei u ly, nangchi i kamngo pahen ai nai Isu Krista i amyn y baptisma ngo u bawibawi, hunaibaly Phailo kachai pei nai ly nangchi py ngai ai.

AMTAW 28:28

Hunaibaly Tameuh i paheng nai leu ly Cheng Takhrachi teng y taviu bo, nanai pany u, nichi ly tangai py tangai ai,” napi.

AMTAW 4:10

Nazaret Isu Krista ai nangchi my kraws tleaung y tahen nai ly, Tameuh my ni ai kadeichi theung i dengdairei pathau bi nai ly, mymy i amyn kypkyp y hini khumi ly hi y nangchi i mo y hawi naimy angdo nai bo he.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

EPHESI 1:7

achi ly mymy y ly mymy i thi deaungkho y atleu naira nga, mymy i pahen nai nang parai nai sai kamta achi i taphra nairachi ang pahen nai bo.

EPHESI 4:32

Naibaly ako leungtang nai neaung hawi nai awm u ly, Tameuh my Krista y ang pahen nai kamta ly apahen u.

KOLOSA 1:14

achi ly mymy y ly atleu naira nga nai ne, huni ly achi i kamngochi pahen nai ne.

HEBRAI 8:6

Vai naini mymy ly sa nai sai hawi keh nai nga bo; ati mana nai mo nabaly mymy ly leu adeu naira hawi keh naichi salo y sa nai leu maikawm hawi ra hawi ra nai i savai aleaung bo.

HEBRAI 9:22

Naibaly Reita y ly ati cheaungkhang thi y pachai ai nai tla lawn reng, nanai kathui pajau ngaw khyh, naibaly thi theu nai ny y baly pipi pahen naira by y leang bo.

I JOHAN 2:12

Bechi awi, mymy i amyn deaungkho y nangchi i kamngochi pahen chum nai y, nangchi teng y katajiu nai he.