AMTAW 13:32 - Khumi Common Language Bible

³² Naibaly kaichi ly amsi sangumchi teng y leu adeu nai ly satang kawn ai awm parai nai kang thui pi nai he,

AMTAW 13:32 ပူးပေါင်းရင်းမြစ်များ

ATITI AWM ANGCHEI NAI 12:3

Nang ai amtheaung hai nai khumichi ai ly kaimy amtheaung hai ai, Na i py nang ai pasawi nai khumichi ai ly kaimy kapasawi teang ai. Naibaly nang i saho y khumi cheng cheaungkhangchi ly amtheaung naira nga u ai,” napi.

ATITI AWM ANGCHEI NAI 22:18

Nang ly kai i leu tangai nai saho y, nang i kangpreangchi ai amtheaung hai nai kamta, khaileaung pri y awm nai khumi cheng cheaungkhangchi my py, amtheaung naira nga ai nai kai teng y takeng u ai,” napi.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

ISAIA 11:1

Samrang Davida i kangpreang ly paliu vui nai dengkeaung keung hawi atawm. Na i py dengkeaung miukhiura i chethe kangpho pati nai kamta, Davida kangpreang theung i, samrang kangtha leaungrei amthawn ai.

ISAIA 40:9

Aw Jerusalem mary, mawi ka-sang y lyn iy, satang kahawi amthang hai ba! Aw Zion mawi, raawi pajeng parai naimy satang kahawi amthang hai ba! Jei moh, paleung theung y khai y naimy katheu keng ba. Juda marychi teng y nichi i Tameuh jeu ai,” nanai thui pi!

ISAIA 41:27

Zion mary i satang kahawi thui man nai keung ly kai, Areng ne. Kai ly Jerusalem mary y savai leaungrei pato iy, “Nangchi i chengchi ly vawi u ali teang ai! Nichi ly mychi i pri y vawi u ali teang ai!” nanai thui hai bo.

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

Ezekiela 34:23

Nichi i vui beram typ nai keung leaungrei lawm ai nai, kai i miseaung Davida ka-tawm samrang khai pi ai. Ni my ly nichi ai kry ai.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

HAKAI 2:7

Khumi cheng cheaungkhangchi ai taphra pawn ai. Huni khumichi i muku tangka, yhmtheaungchi ai, hini meingtym y khumichi ai syn hai ai. Achura yhm py muku tangka, yhmtheaungchi hawi kawi naimy awm ai, nanai ati cheaungkhang sa thai nai Areng my leu pei bo.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,

ZEKHARIAH 6:12

Ati cheaungkhang sa thai nai Areng my, “Sai kadeu” nanai amyn nga nai khumi ly mymy i awm naira y nang chawn iy, Areng i Achura yhm sa palum teang ai.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

LUKA 1:19

Naibaly kani pri i amtaw thau nai my ly pathang i mymy teng y, “Kai ly Kabriela, Tameuh i mo y angdo reng nai ne: nang hawi arum ai nai hawi, hini satang kahawi kang thui pi ai nai ang pato nai he.

LUKA 2:10

Naibaly kani pri amtaw thau nai my ly mychi teng y, “Jei u moh; khen cham, khumi cheaungkhang i vui Satang Kahawi khri pa-rei kawn ai awm nai kang tym hai nai teu.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

AMTAW 13:23

Huni khumi i kangpreangchi theung i nai Tameuh my leu adeu nai kamta Israelachi teng y Paheng Keung, Isu napi nai ai ang tym hai bo;

AMTAW 13:38

Hunaibaly amjo amnauchi awi, hini khumi i saho y kamngo pahen naira leu nangchi teng y thui pi nai he;

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.

AMTAW 26:6

Naibaly Tameuh my achi i amsi sangumchi teng y leu adeu nai athang khai nai leu y vai hi y tara ang chih pi ai nai kai angdo nai he;

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

AMTAW 5:42

Naibaly nichi ly kani tleirei achura yhm kalen pui y hawi, mymychi i yhm tleirei y py Isu ly Krista ne, nanai patiu nai hawi thui pi nai ly anawn lawh y leang.

ROM AVANGCHI TENG Y PAWLA I CHA PA NAI 1:2

huni Satang Kahawi mymy i Chapo achi i Areng Isu

ROM AVANGCHI TENG Y PAWLA I CHA PA NAI 10:15

Naibaly pato nai ny y baly leu ly mana thui u ai mo? “Atiti Satang Kahawi kawn ai awm nai tym hai nai keungchi i kheu ly khri pa-rei apu na ly, nanai tajiu nai kamta.

ROM AVANGCHI TENG Y PAWLA I CHA PA NAI 4:13

Reita deaungkho y Abraham hawi mymy i kangpreangchi teng y ly khaileaung pri amtym ai nai keung ne ai, nanai leu ly adeu nai ny y leang, ym naira deaungkho y nga nai hawi naira i saho y teu.

ROM AVANGCHI TENG Y PAWLA I CHA PA NAI 9:4

Nichi ly Isaelachi ne; chanau lawn naira py, tahm asang naira py, leu maikawm bawibawi py, Reita peinai py, Tameuh ai chiu ai nai py, leu adeu nai bawibawichi py mymychi i ne;

Leu Thui Nai 18:15

Areng ly nangchi cheng theaung theung i, kaimy ka-tawm amo leaungrei pato pi ai i, ni i leu phai tangai u.