AMTAW 13:14 - Khumi Common Language Bible

¹⁴ Na i py nichi ly Perka i dengdairei tako u veangveang i, Pisidia pri i Antiokei avang y tym; naibaly Anawn Kani y ly achura yhm y kun i ateh.

AMTAW 13:14 ပူးပေါင်းရင်းမြစ်များ

LUKA 4:16

Naibaly ni ly mymy i tleaungri aveang nai Nazaret avang y tym: naibaly mymy i sa reng nai kamta Anawn Kani y achura yhm y kun iy, phain ai nai angdo.

AMTAW 13:42

Naibaly nichi theu nai khala y Anawn Kani pa-nyh y ly huni leu thui bi ai nai takeng u.

AMTAW 13:44

Naibaly anawn kani pa-nyh y ly nichi avang theaungrei tanvi Tameuh i leu tangai ai nai achu;

AMTAW 13:46

Naibaly Pawla hawi Bernaba ly khri pa-rei vam parai naimy thui hawi i, “Tameuh i leu ly nangmychi teng y thui man ai nai tla. Na i py nangmychi my paka ali veng i, deungtasarei heng ai ataing y nai apalawn u veng nai deaungkho y, khen cham, kaini ly Cheng Takhrachi mang y hi vui ai.

AMTAW 13:5

Naibaly Salamisa avang y awm nai thym khala y Judachi i achura yhm y Tameuh i leu thui pi: Johan py myni ai sabawm ai nai abang teang.

AMTAW 14:19

Na i py Antiokei hawi Ikonion avang i nai Juda amichi mo hu y tym iy, khumi mipuichi ai ly parawi tanga bo; hunaibaly nichi ly Pawla ai lengseaung y aphi i dei ai nai athang khai nai deaungkho y avang i dengdairei ryh bo.

AMTAW 16:13

Naibaly kaichi ly Anawn Kani y ly apai pa-kho palem mang i tavo peang y chiu sa nai meingthym ne, nanai athang khai naira y chei; naibaly ateh i neampachy jeu achu naichi teng y leu thui pi.

AMTAW 17:2

naibaly Pawla ly mymy i reita kamta mymychi teng y kun iy Anawn Kani tlen thomrei Tameuh i cha-iu leu dengdairei hawihai palai ka-thui thui pi iy,

AMTAW 18:4

Naibaly mymy ly Anawn Kani tleirei achura yhm y leu hawihai ka-thui thui pi i, Judachi hawi Krikchi ai py parawi tanga bo.

AMTAW 19:8

Naibaly ni ly achura yhm y kun reng i, Tameuh i peang nai satang ka-thui thui pi nai hawi, parawi tanga nai hawi lo thom ryrei vam parai pa-rei leu thui.

AMTAW 9:20

Naibaly mymy ly Damaska avang i awm nai abangnaichi teng y ly kani majirei mo awm, naibaly achura yhm y Isu ly Tameuh i Chapo ne, nanai thui pi praw.

II TIMOTHEI 3:11

Antiokei avang y hawi Ikonion avang y hawi Lustra avang y py kai i tlang tleaung y atiti tym nai sai hawi, ana nai kai i patang naichi py nang ly hawihai palai pany; huni bawibawi y ly Areng my kai ai ang palawi nai bo.