AMTAW 12:7 - Khumi Common Language Bible

⁷ Naibaly khen cham, Areng i kani pri amtaw thau nai leaungrei ly mymy i ahawi y angdo, mymy ai paeung naira y py ati mo kangvang angvang. Naibaly mymy ly Petera i pana y tabeang i, ni ai palawi iy, “Angthau kaliki jau,’ napi. Naibaly sengkry ly mymy i kiu i nai tla vui bo.

AMTAW 12:7 ပူးပေါင်းရင်းမြစ်များ

2 SAMUELA 22:29

Aw Areng, nang ly kai i kangvang ne iy, kai i veng naira ai angvang hai bo.

1 ARENG KEH 19:5

Ni ly dengkeaung keung anui y aseaung iy i bo. Kani pri amtaw thau leaungrei ly ni ai kiu hawi tabi i, “Angthau ly cho ba,” napi.

1 ARENG KEH 19:7

Kani pri amtaw thau nai ly pa-nyh jeu bi iy, “Nang i chei ai nai khuleaung ly palo nai deaungkho y, ang thau ly cho ba,” napi.

SAM 107:14

Mymy ly nichi ai kaveng my khiu nai theung i patheu iy, nichi ai pakheng nai sengkrychi leu hai pawn bo.

SAM 116:16

Aw Areng, kai ly nang i miseaung ne; kai i amhm sa nai kamta, kai ly nang i kalop sa pi ai. Nang ly kai ai deira i nai atleu pi bo.

SAM 146:7

Mymy ly ana naira avum nai khumichi ai meimai khen iy tara chih pi i, kajeu alam naichi ai pacho panei pi bo. Areng ly theaung tla naichi ai lawi hai iy, mei kamjuchi ai mei angvang hai.

SAM 34:7

Areng ai jei kaji nai khumichi ai, mymy i kani pri amtaw thau my kry iy, ka-jeira i nai atleu bo.

SAM 68:6

Mymy ly bengtlairei awm nai khumichi ai yhmtheaung sa ai nai pei iy, theaung tla nai khumichi ai kawm cheng naira i lawi hai bo; na i py mymy ai tiu nai khumichi ly tui by y nai meingtym y awm u ai nai tla ai.

ISAIA 37:30

Naibaly Isaia ly samrang Hezekia teng y, “Mo mang y tym ai nai atitichi i ka-ma-ra ly hini ne. Nang ly vaineng py, amlo py choh karam naini cha ai khyh. Na i py amlo bi khala ly choh pati iy tyn u ai. Kreip keungchi py ui iy, kreip athaichi cha ai.

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

JEREMIA 40:1

Tavai lu areng Nebuzaradan ly Ramah mary y kai ai kawmchengra i nai su pi chum nai khala, Areng ly kai teng y leu ang pei nai ne. Kai ly Babulon mary y langheng hawi nai takhra Jerusalem mary i khumichi, Juda khumichi hawi vanrei huni mary y abang nai ne.

Ezekiela 43:2

hu y ly Israela chengchi i Tameuh i kangvang nang parai nai ly nisi mang dengdairei theu nai kaniu. Tameuh i raawi ly pangli tui kamsau katyn hawi atawm. Khaileaung pri py mymy i nang parai nai hawimy angvang na bo.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

DANIELA 6:22

Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

HABAKKUK 3:11

Khri pa-rei rang nai thailiho chynchi ly angvang thlithlup iy, tivichi ly kangvang sadi nai khala y, kanito hawi lo ly anawn veng bo.

HABAKKUK 3:4

Mymy ly kanito kangvang kamta sangso angvang teaung naimy ang jeu bo. Sa thai naira awm nai kiuban i nai kangvang sangso theu nai ne.

MATTHAI 2:13

Naibaly nichi vawi nai bo y khen cham, Areng i kani pri i amtaw thau nai leaungrei ly Josepha teng y amang mang y amteng i, “Angthau ly, deaungdicho hawi amhm ai py hawi ly, Aikupta pri y preang la, kang thui pi ali y ryrei ly hu y awm veangveang; Heroda ly deaungdicho ai padei ai nai hau ai bo,” napi.

LUKA 2:9

Naibaly Areng i kani pri i amtaw thau nai leaungrei ly mychi ahawi y angdo iy, Areng i nang parai nai ly mychi ahawi y angvang, hunaibaly nichi ly khri pa-rei jei.

LUKA 24:4

Khumi leaung nyhrei, kanih kangvang alaukau nanai akhiu iy, nichi ahawi y angdo;

AMTAW 10:30

Naibaly kornelia my ly, “Vaini kani palyhrei awm bo, vai hini neng khala y khrairei kaimy i yhm y choh amang neng kha y chiu sa i, khen cham, khumi leaungrei kanih angvang parai nai akhiu i kai i mo y angdo iy,

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

AMTAW 12:6

Naibaly Heroda my ni ai hawi ai nai khala y, huni vum y ly Petera ly sangkry nyhrei pachu naimy tavaimi leaung nyhrei sala y i, typ nai keungchi py katheu pa-kho ahawi y awm i theaung y typ.

AMTAW 12:8

Naibaly kani pri i amtaw thau nai my ly mymy teng y, “Neina akyn ly, nang i phainai py pachu,” napi. Naibaly mymy ly huna nai sa. Naibaly kani pri i amtaw thau nai my ly mymy teng y, “Kanih adan ly, kai teng y abang,” napi.

AMTAW 16:26

naibaly tlenrei khyh my kaleih khri pa-rei theu, hunaibaly theaung lengseaung leng nai mang y ahyn bo; katheu bawibawi py am-eaung praw iy, khumi leaung leaungrei i pakheng naira ly akheaung bebe veng.

AMTAW 2:24

Mymy ai ly deira my patawn pajau ai nai ly aveng nai deaungkho y, deira my kawm naichi ly Tameuh my su pi i pathau bo.

AMTAW 5:19

Na i py vum y Areng i kani pri i amtaw thau nai leaungrei my theaung katheu paeaung i nichi ai theu hai iy,

AMTAW 9:3

Naibaly chei nai thym khala y Damaska ahawi y tym ai nai kha y, tlenrei khyh my kangvang ly kani mang i dengdairei mymy i ahawi y angvang hai phang na;

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

AMTENG HAI NAI 18:1

Hunai bo y ly kani pri i amtaw thau nai takhra leaungrei aly peang naira len parai nai awm nai ly kani pri mang i dengdairei satla kathiu nai kaniu: naibaly mymy i nang parai nai sai deaungkho y khaileaung pri ai ly angvang hai be bo.