AMTAW 11:26 - Khumi Common Language Bible

²⁶ Naibaly nini ly sanengrei cheng cheng palau takhra kamkawmchi hawi achu jojo i, khumi neangneangchi ai py patiu teang. Antiokei avang y ly abangnaichi ai Kristian, nanai amyn pathi manme nai ne.

AMTAW 11:26 ပူးပေါင်းရင်းမြစ်များ

ISAIA 65:15

Kai i vawi takhra nai khumichi ly nangchi i amyn ai, amsawira y teaung u ai. Kai, Areng my py nangchi ai kang padei ai. Na i py kai i leu tangai nai khumichi ai, kai ly amyn kangtha pei ai.

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

JOHAN 2:2

Isu hawi ni teng y abangnaichi ai py apom nai pawi y heang bo.

AMTAW 1:15

Hunai khala y ly (nichi bawibawi ly chungvai atlo leaung apomrei mo awm i) Petera ly amjo amnauchi theung y angdo iy,

AMTAW 11:20

Na i py mymychi theung y phyreichi ly Kupra hawi Kurini khumichi ne, hunichi my ly Antiokei avang y tym iy Krikchi teng y py leu thui i, Areng Isu i satang thui pi teang bo.

AMTAW 11:22

Naibaly mymychi i satang ly Jerusalem y achu nai palau takhra kamkawmchi i kano y kun iy, nichi ly Bernaba ai Antiokei avang y khrairei pato bo.

AMTAW 11:27

Naibaly hunai thym khala y ly Tameuh i leu thui nai keung amichi mo Jerusalem i dengdairei Antiokei avang y chei kathiu.

AMTAW 11:29

Hunaibaly abangnaichi leaung leaungrei ly mymy i kamjau ryrei Judai pri y awm nai amjo amnauchi teng y sabawm nai pa ai nai tau;

AMTAW 14:20

Na i py abangnaichi ly ni i ahawi y angdo nai thym khala y ni ly angthau i avang y kun teang bi bo; naibaly mymy ly khawn mang y Barnaba hawi Derbe avang y chei hawi bo.

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

AMTAW 14:23

Naibaly palau takhra kamkawm tleirei y miteaung keh khai pi i, biu hai nai tarawi y chiu sa nai pajau kha y mymychi i ym nai Areng teng y au hai.

AMTAW 14:27

Naibaly nini ly tym nai bo y palau takhra kamkawmchi ai palau achu i, Tameuh my nini ai teaung iy atiti sa naichi bawibawi hawi, Cheng Takhrachi i vui y ym naira katheu paeaung pi nai saichi py thui pi.

AMTAW 14:28

Naibaly nini ly abangnaichi teng y ly awm kra rawm bo.

AMTAW 18:27

Naibaly mymy ly Akaia pri y chei ai nai tau i, amjo amnauchi my ni ai pachei iy mymy ai kawn ai nai abangnaichi teng y cha py tajiu pi; naibaly mymy ly tym iy pahenra deaungkho y ym naichi ai ly khrikhri pa-rei sabawm;

AMTAW 19:9

Na i py phyreichi ly paleung apatang i ym ngai y nai, khumi mipuichi i mo y huni Lam thui tamawn khala ly mymy ly nichi ai tako pi vui, abangnaichi ai py khai takhra, kani tleirei Turana i cheaung y khumichi ai ka-thui thui pi.

AMTAW 20:1

Naibaly tukulula nai pajau baly, Pawla my ly abangnaichi ai palau hai i pachei iy, leu kahawi y my amprei i, Makedonia pri y chei ai nai theu bo.

AMTAW 20:30

Nangmychi theung i khumi kypkyp py abangnaichi ai nichi teng y abi hai ai nai thui thli nai awm ai mang.

AMTAW 21:4

Naibaly abangnaichi ai hau iy, hu y kani saryhrei ni awm; naibaly hunichi my ly Phailo i saho y Pawla teng y, “Nang ly Jerusalem y chei ai nai tlo y,” napi.

AMTAW 26:28

Naibaly Akripa ly Pawla teng y, “Kai ai maiden chy parawi iy Kristian palawn ai tau nai na a hi ly,” napi.

AMTAW 6:1

Naibaly huni neng y abangnaichi peung dudu nai khala ly, kani tleirei atiti amji naira y mymychi i neampachy lumaichi ai dawn hai y lawh nai deaungkho y Krik pri i Judachi ly Hebraichi i tlang tleaung y josei u bo.

AMTAW 6:5

Huni leu ly khumi mipui bawibawichi ai kawn hai i, nichi ly Stephana, ym naira hawi Phailo Kachai my kawi nai khumi hawi, Philipa hawi, Prokora hawi, Nikanora hawi, Timona hawi, Parmena hawi, Nikola, Judachi i suibang kammeaung Antiokei avang i khumi py, nichi ai vawi; hunichi ai ly amtaw thau naichi i mo y angdo hai iy,

AMTAW 9:19

Naibaly biu cha i amcheng ali teang bo.

AMTAW 9:38

Naibaly Ludda ly Joppa kasa nai deaungkho y abangnaichi ly Petera hu y awm, nanai pany i, “Kra y naimy kaichi teng y jeu ba,” nanai takeng ai nai mymy teng y khumi leaung nyhrei pato.

I KORINTH 11:18

Angchei i naira y ly nangchi ly kamkawm kamta achu u iy, nangchi theung y akhawi takhra naira awm reng, nanai amichi i thui nai kathai; kai ly ym py kaym hup lawh.

I KORINTH 12:12

Tlang ly bomrei khyh, naibaly kangprei neangneang awm; naibaly tlang i kangpreichi bawibawi ly nawi iy py tlang ly bomrei khyh; Krista py hunai kamta ne teang.

I KORINTH 14:23

Hunai deaungkho y palau takhra kamkawm bawibawichi ly achu iy, leu athai y nai thui u bebe khyly, neangneang pany y naichi mo, ym y naichi mo kun u khyly, nichi my ly pathu ang tapi y ai a?

I KORINTH 4:17

Hunai deaungkho y Timothei, Areng y kai i chanau ngai parai nai hawi ka-ym awm nai ai ly nangchi teng y kang pato nai ne; ni ly Krista y kai i awm nai reita, meingtym bawibawi palau takhra kamkawm tleirei y kapatiu reng nai kamta ly nangchi ai ang pany hai bi ai mang.

EPHESI 3:15

Kirsta ly ym naira deaungkho y nangchi i paleung y awm hai thai ai nai py,

JAKOB 2:7

Nichi ly nangchi ai pathi nai amyn kahawi ai ly thui tamawn y a?

I PETERA 4:14

Krista i amyn deaungkho y nangchi ai ang jo nai ne baly nangchi taham hawi; ati mana nai mo nabaly nang parai nai Phailo hawi Tameuh i Phailo ly nangchi i tlang tleaung y awm.

I PETERA 4:16

na i py Kristian ne nai deaungkho y patang nai ne baly, kaji moh sy; huni i amyn deaungkho y Tameuh ai phai palo sy.

I JOHAN 2:27

Na i py nangchi ly mymy teng i dengdairei rimui paju nai nga nai ly nangmychi y awm jojo i, nangchi ai ly ami py patiu ai nai aly ngai y leang; mymy i rimui paju nai my ly atiti bawibawi ang patiu nai deaungkho y hawi, teng parai nai ne iy ka-chawi py ny y nai y, huni my ang patiu nai kamta ly mymy y awm u jojo.

AMTENG HAI NAI 3:18

Hunai deaungkho y nang ly nang naira nga thai ai nai, mai y pachai chum nai muku hawi, nang i beng tlairei awm nai kangji kangngai nai sai amteng y ai nai ateaung kangleungchi amthyp thai ai nai hawi, nang i mei y atamui nai rimui py kai teng y van ai nai kadawn hai.