AMTAW 11:18 - Khumi Common Language Bible

¹⁸ Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 11:18 ပူးပေါင်းရင်းမြစ်များ

ISAIA 11:10

Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

Ezekiela 36:26

Kai ly nangchi ai paleung kangtha hawi ka-dawn kangtha kang pei ai. Nangchi theung i lengseaung kamta tang nai paleung la vui iy, leu tangai nai paleung kang pei ai.

Ezekiela 47:22

Huni khu ka-peang ly nangchi amtym u jojo ai nai khaileaung meingtym ne. Hunira y nangchi hawi vanrei awm iy cho chanauchi awm nai cheng takhra khumichi py, nangchi khaileaung meingtym amji u nai khala phy nga u ai. Nichi ai Israela cheng kacheng kamta palawn iy Israela chengchi hawi vanrei, khaileaung meingtym phy nga hai ai nai tla.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

MATTHAI 9:8

Naibaly khumi mipuichi ly huna nai niu i jei u, naibaly khumichi teng y hunai kamta sa thai naira pei nai keung Tameuh ai palo u bo.

AMTAW 11:1

Nabaly Judai pri y awm nai amtaw thau naichi hawi, amjo amnauchi my ly Cheng Takhrachi py Tameuh i leu patawm bo, nanai thai bo.

AMTAW 14:27

Naibaly nini ly tym nai bo y palau takhra kamkawmchi ai palau achu i, Tameuh my nini ai teaung iy atiti sa naichi bawibawi hawi, Cheng Takhrachi i vui y ym naira katheu paeaung pi nai saichi py thui pi.

AMTAW 15:3

Hunaibaly palau takhra kamkawmchi my ly nichi ai pavum i, nichi my Cheng Takhrachi ly mo hi ali teang nai satang thui pi prei naimy Phawiniki pri hawi Samari pri y tako prei bo; hunaibaly amjo amnauchi ly khrikhri pa-rei kawn hai.

AMTAW 20:21

Judachi hawi Krikchi teng y py Tameuh mang y uikhei nai leu hawi, achi i Areng Isu Krista mang y ym ai nai leu kang thai hai reng nai ly.

AMTAW 21:20

Naibaly amjo amnauchi ly huni leu thai baly Tameuh ai palo, naibaly nichi ly ni teng y, “Be awi, Judachi theung y ym naichi i khri pa-rei nawi nai sai ly nang niu i, nichi bawibawi ly Reita y hawihai palai dawn;

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

AMTAW 3:26

Tameuh my mymy i Miseaung ai khai pi i, nangchi bawibawi ai nangchi i kamngo i dengdairei hi vui iy amtheaung hai ai nai, nangmychi teng y ang pato pi manme nai bo he,” napi.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

ROM AVANGCHI TENG Y PAWLA I CHA PA NAI 9:30

Tumbaly achi ly mana thui ai mo? Hawi naira hui y nai Cheng Takhrachi ly hawi naira ai kai nai bo, huni ly ym nai deaungkho y hawi naira ne.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II KORINTH 7:10

Ati mana nai mo nabaly Tameuh i ngai nai kamta paleung mawn naira my ly hengra nga ai nai pa-rei uikhei naira sa; huni my ly adawn ali naira tym hai y leang, khaileaung pri i paleung mawn naira naini dei naira sa nai teu.

KALATIA 1:24

Naibaly kaimy deaungkho y Tameuh ai palo u bo.

JOSUA 22:30

Pathyp pi nai keung Phineha hawi vanrei, Israela cheng theaung miteaung kehchi napi nai, nupai lu sa nai leaung horeichi ly Ruben theaung, Kad theaung, nisi Manase theaungchi i thui nai ngierei thai nai khala amo theu u bo.