AMTAW 10:47 - Khumi Common Language Bible

⁴⁷ Naibaly Petera ly thui bi i, “Hini, kaimychi kamta Phailo Kachai nga teang naichi ai baptis so y ai nai tui teaung ai nai ami my ang paka thai mo?” napi.

AMTAW 10:47 ပူးပေါင်းရင်းမြစ်များ

AMTAW 10:44

Naibaly Petera my huni leu thui nai thym khyp khala y, leu thai nai bawibawichi i tlang tleaung y ly Phailo Kachai tym ryp bo.

AMTAW 2:4

Naibaly nichi bawibawi ly Phailo Kachai my kawi bebe i, Phailo my leu katheu hai nai ka-tawm leu takhra takhra katheu u amteaung bo.

AMTAW 8:12

Na i py nichi ly Tameuh i peang nai hawi Isu Krista i amyn Satang Kahawi py Philipa my thui pi nai ym u khala ly, neampacho py neampachy py baptisma nga u bo.

AMTAW 8:36

Naibaly lam y chei hawi nai thym khala y ly mani tui awm naira y mo tym i, tli chum nai khumi my ly, “Khen cham, hi y tui awm, kai baptisma nga ai nai ly ati my ang paka rai mo?” napi.

ROM AVANGCHI TENG Y PAWLA I CHA PA NAI 10:12

Juda hawi Krik hawi ly atira y py takhra lawh y leang, leaungrei ly nichi bawibawichi i tlang tleaung y Areng ne; naibaly mymy ai palau nai ngiereichi i tlang tleaung y mymy i neaung hawi nai sai ka-teng ny y.

ROM AVANGCHI TENG Y PAWLA I CHA PA NAI 4:11

Hunaibaly mymy ly lengkhym takip y nai awm nai thym khala y ym naira deaungkho y hawi naira awm, nanai pajawp typ nai ka-ma-ra lawn ai nai, mymy ly lengkhym takip nai ka-ma-ra nga; huni sa nai ly ati mana nai mo nabaly, lengkhym takip y nai, ym nai deaungkho y mymychi i vui y hawi naira palawn naichi i ampo lawn thai ai nai sa nai ne.