AMTAW 10:4 - Khumi Common Language Bible

⁴ Naibaly Kornelia ly mymy ai khen ryry, naibaly jei i, “Areng, ati mo?” napi. Naibaly ni my ly mymy teng y, “Nang i chiu sa nai hawi nang i atiti pei reng naichi ly pany jo naira lawn ai nai Tameuh i mo y tym kalau bo.

AMTAW 10:4 ပူးပေါင်းရင်းမြစ်များ

2 NENG SATANG 32:24

Huni neng thym thang khala y samrang Hezekia ly deivi pa-rei no nai deaungkho y, chiu sa nai ne. Areng ly ni i no hawi ali teang ai nai ka-ma-ra pei pi bo.

2 NENG SATANG 6:33

nangmy awm nai kani pri mang dengdairei tangai iy, huni khumi i hnei nai kamta so pi ba. Huna khala naini khaileaung pri y awm nai khumi bawibawichi ly nang i khumichi kamta, nang ai pany iy nang i leu tangai u ai. Naibaly nichi ly nang i vui kai i sa nai Achura yhm ly nang ai chiu nai meingtym ne, nanai pany u ai.

SAM 141:2

Kai i chiu sa nai ly dym mang y kapathypra talam nai kamta kawn pi kyh ba.

SAM 20:3

Mymy ly nang i katalamra ngiereichi ai kawn pi iy, leng patlum nai kapathypra bawibawichi ai py kawn pi sy.

ISAIA 43:26

“Tara jeung y achi chei u sina; nangchi i neng hai nai jeu hai u! Nangchi mang i teng, nanai pany hai naira patei pi ai nai, nangchi i ka-jo ka-thui amti pi u.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

DANIELA 10:11

Kani pri amtaw thau naimy, “Daniela awi, Tameuh ly nang ai tamen. Angthau iy kai i thui nai leu tangai hawihai ba. Mymy ly kai ai nang teng y ang pato bo,” napi. Hini leu thai nai khala y kai ly anghyn thlyhthlyh naimy angdo nai ne.

Levi 2:2

Aron i chapo pathyp pi nai keungchi teng y syn pi ai nai tla. Kalop amsi nai pathyp pi nai keung ly tako dei angsorei, asitui hawi mui kahawichi syn iy, maicham salo y leng patlum ai nai tla. Huna nai kapathyp ly Areng ai pany jo nai katalamra ne. Hini talam nai mui kahawi ai ly Areng my kawn pi nai ne.

MALAKHI 3:16

Naibaly Areng ai jei kaji naimy tahm khai nai khumichi, mychi tengtawi arum u nai leuchi ai Areng ly tangai nai deaungkho y thai bo. Areng ly mymy ai jei kaji naimy tahm khai nai khumichi i amynchi ai, mymy mo i cha-iura y tajiu typ bo.

MATTHAI 26:13

Meitang khyp kang thui pi khaileaung pri verei y ma y py hini satang kahawi thui pi naira tleirei y hini neampachy i sa nai py mymy ai pany jo ai nai thui jojo teang ai,” napi.

LUKA 1:29

Naibaly huni leu thui nai deaungkho y mymy ly khrikhri pa-rei paleung bi i, ati mana nai y kai ai kawn ba napi nai mo? nanai adawn.

LUKA 24:5

naibaly jei nai mymychi i meimai khaileaung y byh nai thym khala y, nini my ly nichi teng y, “Ati mana nai khumi kadei theung y khumi kangheng ai hau u lawh?

AMTAW 10:31

“Kornelia, nang i chiu sa nai ly tangai bo, naibaly nang i ami teng y atiti pei reng naichi py Tameuh i mo y pany jo naira lawn ai nai tym na a.

AMTAW 14:9

Huni khumi ly Pawla i leu thui nai tangai; naibaly Pawla my ly mymy ai khen jo iy, no hawi ai nai ym naira awm, nanai pany i athorei my, “Nang i kheu y kataw angdo,” napi.

AMTAW 22:10

Naibaly kaimy, ‘Areng, kai mana sa ai mo?’ kanapi. Naibaly Areng my ly kai teng y, ‘Angthau ly, Damaska avang y kun:atiti bawibawi nang i sa ai nai khai rym nai ngierei ang thui pi ai mang,’ napi.

AMTAW 3:4

Naibaly Petera nini Johan ly ni ai khen jo i Petera my, “kaini ai khen rai he,” napi.

PHILIPI 4:18

Na i py kai ly ati cheaungkhang awm i, awm mamang bo; Epaphrodita i kiu y kai ai nangchi i atiti pa naichi ly kanga i, angym bo. Huni ly atiti mui katui, apathyp naira kawn ai ataing nai, Tameuh i ka-kawn ne.

PHILIPI 4:6

Ati sai py paleung bi u moh; ati cheaungkhangra y chiu sa nai hawi hnei nai ly kawn nai leu thui nai abawi iy, nangchi i ngai nairachi ly Tameuh teng y pany hai nai awm sy.

HEBRAI 13:16

Na i py atiti kahawi sa ai nai hawi, atiti paawh y naimy tami u moh, hunai kamta apathyp naira y ly Tameuh ly khrikhri paleung hawi na.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

AMTENG HAI NAI 8:4

Naibaly hini rimui i khyh nai ly kani pri i amtaw thau nai kiu i nai khumi kachaichi i chiu sa naira hawi, Tameuh i mo y amhui kalau bo.

1 SAMUELA 3:10

Areng ly jeu i Samuela sahawi y angdo iy, “Samuela! Samuela!” nanai vaichi khala i kamta palau bi bo. Samuela my, “Areng thui ba, nang i miseaung tangai mang,” napi.