AMTAW 10:36 - Khumi Common Language Bible

³⁶ Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

AMTAW 10:36 ပူးပေါင်းရင်းမြစ်များ

SAM 45:11

Nang i hawi parai nai mo-cha ly samrang my nang ai khrei hai keh ai mang. Samrang ly nang i areng ne nai deaungkho y, nang ly ni i leu tangai ai nai tla.

SAM 45:6

Nang ai Tameuh my pei nai atehra bailang ly deungtasarei awm ai. Nang ly nangmy i pri ai leu meitang adyh adawi naimy peang bo.

SAM 72:7

Samrang i deung y leu meitang adyh adawi naimy peang hai sy; lo my kangvang pei nai ryrei ly tlamsa naira awm sy.

ISAIA 55:12

Nangchi ly Babulon pri i dengdairei, amo theu parai naimy theu u ai. Mary theung i nai tlamsa naimy pahawi nai avum u ai. Mawi katheang kalenchi ly aeu naimy khulym thui u ai. Dengkeaung keungchi py, amo theu parai naimy aeu u sau ai.

ISAIA 57:19

Israela pri y awm nai paleung si paleung mawn naichi i labeaung mang, kawn nai leu thui u sy. Kamlo kang sa awm nai khumi bawibawichi teng y tlamsa naira kapei ai! Awmnem naira py kapei ai. Kai i khumichi ai no hawi kasa pi ai, nanai Areng my leu pei nai ne.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

MATTHAI 10:6

Samari khuhmichi i avang y py den py kun u moh; na i py Israela cheng, tama nai beramchi teng y phai chei u.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

LUKA 1:79

Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

AMTAW 10:37

huni leu ly nangchi my pany; huni ly Johan my baptisma satang thui pi pajau kha y Kalili pri i dengdairei amthang angchei i Judai pri bawibawi y amthang prei bo;

AMTAW 11:19

Naibaly Stephana molam y ana nai ahei naichi ly Phawiniki pri hawi, Kupra tlawn py, Antiokei avang y tym pa-rei chei iy Judachi teng y harei ny y baly ami teng y py leu thui y.

AMTAW 13:32

Naibaly kaichi ly amsi sangumchi teng y leu adeu nai ly satang kawn ai awm parai nai kang thui pi nai he,

AMTAW 13:46

Naibaly Pawla hawi Bernaba ly khri pa-rei vam parai naimy thui hawi i, “Tameuh i leu ly nangmychi teng y thui man ai nai tla. Na i py nangmychi my paka ali veng i, deungtasarei heng ai ataing y nai apalawn u veng nai deaungkho y, khen cham, kaini ly Cheng Takhrachi mang y hi vui ai.

AMTAW 2:36

Hunaibaly nangchi i tahen nai Isu ai ly Tameuh my Areng hawi Krista y palawn bo, nanai Israela cheng bawibawi my pany u khypkhyp sy,” napi.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

ROM AVANGCHI TENG Y PAWLA I CHA PA NAI 14:9

Huni deaungkho y khypkhyp Krista ly kadeichi hawi kanghengchi i Areng lawn thai ai nai dei py dei i, heng py heng teang bo.

ROM AVANGCHI TENG Y PAWLA I CHA PA NAI 5:1

Hunaibaly ym naira deaungkho y eaung naira nga iy achi ly achi i Areng Isu Krista i saho y Tameuh hawi aly naira nga bo;

I KORINTH 15:27

Ni ly mymy i kheu anui y ati cheaungkhang ai khai veng. Na i py, “Mymy i anui y ati cheaungkhang ai khai veng,” nanai ly, anui y ati cheaungkhang khai pi nai keung ly abawi y leang, nanai amny bo.

I KORINTH 15:47

Angchei i khumi ly khaileaung i khumi ne, khaileaung hawi sa nai ne; pa-nyh i khumi ly kani mang i ne.

PHILIPI 2:11

Tameuh my ni ai ly khri pa-rei palo i, amyn bawibawi y amyn asang keh nai ly pei bo.

KOLOSA 1:20

mymy y ly ati cheaungkhang amy hawi aly hai nai ly Ampo i paleung ngai nai tatang ne; mymy kypkyp y ly khaileaung pri y atiti awm naichi ai hawi, kani mang y atiti awm naichi ai py aly hai nai ly.

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.

AMTENG HAI NAI 19:16

Naibaly mymy i kanih hawi phai tleaung y ly, “Samrangchi i Samrang, Arengchi i Areng,” nanai amyn tajiu angchi ne.