AMTAW 10:22 - Khumi Common Language Bible

²² Naibaly nichi my ly, “Kornelia, tavaimi chungvaiei lu, khumi kahawi, Tameuh ai tahm khai nai, Juda cheng bawibawi theung i amyn kahawi awm nai, ni teng y kani pri i amtaw thau nai kachai leaungrei ly nang i leu thui nai pany ai nai hawi, mymy i yhm y nangmy ai palau ai nai py thui pi na a,” napi.

AMTAW 10:22 ပူးပေါင်းရင်းမြစ်များ

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

HABAKKUK 2:4

Pany hai nai leu ly ‘khumi hawi y naichi ly heng pajau y leang; khumi kahawichi ly Tameuh ai ym nai deaungkho y heng u ai.’ ” napi.

MATTHAI 1:19

Hunaibaly mymy i juvo Josepha ly khumi kahawi ne i, amthang hai leaung ai nai ngai y nai kangviu y anaw veng ai nai tau bo.

MATTHAI 2:12

Naibaly Heroda teng y ali teang y ai nai Tameuh my nichi i amang mang y thui pi nai deaungkho y, mymychi i pri y lam takhra mang y vawi u bo.

MARKA 6:20

ati mana nai mo nabaly Heroda ly Johan ai khumi kahawi hawi, khumi kachai ne, nanai pany nai deaungkho y ni ai jei i, kry jojo. Naibaly ni i leu tangai nai khala y mymy ly khri pa-rei paleung bi na; na i py ni i leu kawn parai naimy tangai lawh.

MARKA 8:38

Ami py vai deung kangthau pajang sa nai hawi kamngo sa reng naichi theung y kaimy ai hawi kai i leu ai py kaji hai nai ngierei ly, Khumi i Chapo ly kani pri i amtaw thau naichi hawi mymy i Ampo i nang parai naira apu naimy ang jeu nai neng khala y ly, huni khumi ai ly ang kaji hai teang ai”, napi.

LUKA 2:25

Naibaly khen cham, Jerusalem y ly amyn Simeon khumi leaungrei awm: huni khumi ly khumi kahawi hawi, Tameuh ai dawn parai nai khumi ne: Israelachi ai awm hai nem nai keung ai ly ajeng: mymy teng y Phailo Kachai awm.

LUKA 23:50

Naibaly khen cham, khumi leaungrei amyn ly Josepha, tara chih nai keung, khumi meitang hawi khumi kahawi awm.

LUKA 9:26

Ami py kaimy ai hawi kai i leu ai py kaji hai nai ngierei ly, Khumi i chapo ly mymy i nang parai naira hawi, Ampo i nang parai naira hawi, kani pri amtaw thau nai kachaichi i nang parai naira py apu naimy ang jeu nai neng khala y ly, huni khumi ai ly ang kaji hai teang ai.

JOHAN 13:20

Meitang khypkhyp kang thui pi, ami py kai i pato nai ai kawn nai ngierei ly kai ai kawn nai bo:amipy kai ai kawn nai ly kai ai pato nai keung ai py kawn nai bo,” napi.

JOHAN 17:20

“Ngaai, nang ly kai teng y awm iy, kai ly nang teng y awm nai kamta ly, nichi py ani teng y awm teang iy, nangmy kai ai pato nanai khaileaung prichi my ym thai ai nai,

JOHAN 17:8

nangmy kai ai leu pei naichi ly kaimy nichi teng y thui pi bo; hunichi ly nichi tangai iy, kai ly nang teng i theu, nanai pany tatang bo, nangmy kai ai pato, nanai py ym u bo.

JOHAN 5:24

“Meitang khypkhyp kang thui pi, ami py kai i leu thai iy, kai ai pato nai keung ai ym nai ngierei ly deungtasarei hengra nga bo, sum py sum y ai, na i py dei naira i nai theu iy heng naira y kun bo.

JOHAN 6:63

Phailo ly paheng nai keung ne, tlang ly ati sai py kamran by y leang; hini nangchi teng y kai i leu thui nai ly phailo py ne, hengra py ne.

JOHAN 6:68

Simon Petera ly ni teng y, “Areng, kaichi ly ami teng y chei ai mo? Deungtasarei hengra leu ly nang teng y awm chy bo.

AMTAW 10:2

Tameuh ai py dawn parai nai khumi, mymy hawi mymy i dengtheungchi bawibawi py Tameuh ai tahm khai, amichi teng y py mymy ly atiti neangneang pei reng, Tameuh teng y py chiu sa jojo.

AMTAW 10:21

Hunaibaly Petera ly nichi teng y satla kathiu i mymychi teng y, “Khen cham, nangchi i hau nai ly kai he; ati leu jeu u nai mo?” nanai thui.

AMTAW 10:30

Naibaly kornelia my ly, “Vaini kani palyhrei awm bo, vai hini neng khala y khrairei kaimy i yhm y choh amang neng kha y chiu sa i, khen cham, khumi leaungrei kanih angvang parai nai akhiu i kai i mo y angdo iy,

AMTAW 10:33

Hunai deaungkho y nang teng y khumi kang pato praw nai na a; nang jeu nai deaungkho y avo parai. Hunaibaly Areng my nang teng y leu ang pei nai ngierei pany ai nai, vai Tameuh i mei ka-niu y kaichi bawibawi hi y awm nai bo,’ napi.

AMTAW 10:6

mymy ly mawipeih sa nai keung Simon teng y anga mang, ni i yhm ly pangli peang y mang,” napi.

AMTAW 11:14

huni leu ly nang ai hawi, nang i dengtheung bawibawichi ai py hengra nga hai ai,’ nanai py ang thui pi.

AMTAW 22:12

“Naibaly khumi leaungrei, Anania, Reita y Tameuh ai tahm khai nai hawi, hu y awm nai Judachi bawibawi teng y amyn kahawi amthang nai ly kai teng y ang jeu iy, kai i ahawi y angdo i, kai teng y,

AMTAW 24:15

naibaly khumi kahawichi py, hawi y naichi py angthau bi ai, nanai Tameuh teng y athang khai nai, hinichi py huni ly ym teang makho;

AMTAW 6:3

Hunaibaly amjo amnauchi awi, nangchi theung y Phailo hawi cheng naira my kawi nai khumi, amyn kahawi cheichei leaung saryhreichi ai vawi u, nichi ai ly hini atiti chih ai nai keung y kaichi my khai ai;

ROM AVANGCHI TENG Y PAWLA I CHA PA NAI 1:17

Naibaly ym naira veang ryh veang ryh ai nai, hunira y ly Tameuh i hawi nai sai amteng hai nai ne; “Khumi kahawi ly ym naira y heng ai,” nanai tajiu nai kamta.

II KORINTH 5:18

Na i py ati cheaungkhang ly Tameuh teng i theu nai ne; mymy ly Krista deaungkho y kaichi ai amymy hawi aly hai bo, naibaly aly naira krykeung kalop ang pei bo;

Leu Thui Nai 30:13

Nangchi my, ‘Kaichi ly reita patawm ai nai ami nai pangli suida vai angpeang iy kaichi teng y ang tym hai ai mo?,’ nanai deng ai nai pa-rei, huni reita leu ly pangli suida vai mang y awm nai ny y leang.

I TIMOTHEI 3:7

Huni ny y iy py mymy ly angam mang i khumichi my palo naira y awm ai nai tla, ti y baly preaung naira awm lawh iy, diabola i deaung y man lawh na.

HEBRAI 10:38

Na i py kai i khumi kahawi ly ym naira deaungkho y heng ai; Ni ly nithun mang y anaw baly Kai i paleung ly den py ni ai kawn y ai.”

HEBRAI 11:2

Hunira y ly miteaung kehchi my ly palo naira nga lawh veng.

HEBRAI 12:23

chanau chalau kani mang y amyn atheung nai palau takhra kamkawm teng y hawi, khumi bawibawichi ai tara chih nai keung Tameuh teng y hawi, angym hai chum nai khumi kahawichi i phailo teng y hawi,

II PETERA 3:2

huni nyhrei ra y ly nangchi ai adawn hai vau iy nangchi i paleung kachai amcheng hai nai ne.

III JOHAN 1:12

Demetria ly khumi bawibawi hawi, leu meitang khyp nai i palo naira nga bo; kaichi py palo bo; naibaly kaichi i palo nai ly teng, nanai nang ly pany mang.

AMTENG HAI NAI 14:10

huni khumi kypkyp my py Tameuh i kado theu naira kreip athai hang, ati sai py abawi y naimy mymy i kado theu nai khau y tui abawi y naimy katlen yb nai ly nei ai nai tla ai; naibaly kani pri i amtaw thau naichi i mei ka-niu y hawi, Beram Cho i mei ka-niu y py mai hawi kan y ni ai patang hai takengkei ai: