AMOS 9:15 - Khumi Common Language Bible

¹⁵ Kai ly kaimy i khumichi ai, kaimy pei nai pri y kaimy awm hai ai; ami py nichi ai taphra naira avum hai bi y ai,” napi. Hini ly nangchi i Areng Tameuh my leu pei nai ne.

AMOS 9:15 ပူးပေါင်းရင်းမြစ်များ

SAM 44:2

Nangmy naimy cheng takhra khumichi ai patheu vui iy, nang i khumichi ai hini pri y meingtym pala pi nai py, cheng takhra khumichi ai kamngo pajeng iy, nangmy i khumichi ai lo pa, nang chawn hai nai satang py thui pi bo.

SAM 80:8

Nang ly Aikupta pri i kreip keung syn iy, cheng takhrachi ai patheu pawn chum baly, nichi i pri y huni kreip keung ui bo.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

JEREMIA 16:15

Huna nai vaineng abeu ai nai tleaung y khumichi ly kai teng y Israela khumichi ai tosyh pri mang i dengdairei py, nichi ai kaimy ahei hai nai pri takhrachira i dengdairei py, pahawi ali teang nai Tameuh kangheng ne, nanai vaineng abeu u ai. Kai ly nichi ai mychi i pri, mychi i amsi pajochi teng y kaimy pei nai pri y pahawi ali teang ai,” napi. Hini ly kai Areng i thui nai leu ne.

JEREMIA 23:8

Nichi ly huna nai tleaung y kai ai ly Israela khumichi ai tosyh pri mang i dengdairei py, nichi ai ahei hai nai pri takhrachira i nai py, pahawi ali teang nai Tameuh kangheng palawn iy vaineng abeu u ai. Naibaly nichi ly mychi i saleaung khutengra y awm ai nai nga u ai,” napi.

JEREMIA 24:6

Nichi ai kry iy hini pri y kapahawi ali teang ai. Kai ly nichi ai taphra y naimy kapalum ai; akyn vui y naimy kaui ai.

JEREMIA 3:18

Israela ly Juda hawi amkawm iy khumichi hawi vanrei, nangchi i amsi pajochi teng y kaimy pei nai pri y, tosyh mang dengdairei ang jeu u ai,” nanai thui hai bo.

JEREMIA 32:15

Israela chengchi i Tameuh, ati cheaungkhang sa thai nai keung Areng my hini pri y yhmchi, lichi hawi kreip akhochi ai vai mo mang y ka-jo ka-van sa u bi ai, nanai leu pei bo,” napi.

JEREMIA 32:37

Kai ly khrikhri pa-rei kado theu nai y nichi ai ahei hai nai prichira i dengdairei, kapangym ali teang ai. Naibaly nichi ai hini meingtym y kapahawi ali teang iy, chymme naimy awm hai ai.

JEREMIA 32:41

Nichi teng y hawi naira pei ai naini kangai khyh; hini pri y awm jojo ai nai meingtym sa pi ai.

JEREMIA 33:7

Kai ly Israela pri hawi Juda pri y nang chawn hai ai. Huni prichi ai jangni i kamta, kasa pi palai teang ai.

Ezekiela 34:28

Khumi cheng cheaungkhangchi ly nichi ai mo mang y mana khala py tiu u bi ai ny y. Mawi kasichi my py kei bi ai ny y. Nichi ly chymme naimy awm u ai. Ami my py nichi ai pajei ai ny y.

Ezekiela 37:21

Hunaibaly sa thai naira angym nai kai Areng ly Israela chengchi ai, nichi tym nai khumi cheng cheaungkhangchi theung i nai pangym achu chum baly, mymychi i saleaung khuteng pri y kapahawi ai, nanai nichi teng y thui pi.

Ezekiela 37:25

Nichi ly mychi i amsi pajochi awm reng nai pri, kai i miseaung Jakob teng y kaimy pei nai pri y awm u ai. Nichi kamta nichi i cho chanauchi hawi, nichi i kangpreang bawibawichi py, huni pri y awm u jojo ai. Kai i miseaung Davida kamta samrang ly nichi ai peang jojo ai.

JOELA 3:20

Kai ly tleh naira avum nai khumichi i vui vawitheung tha ai. Khumi kamngochi ai tlamsa naira pei ai ny y. Na i py Juda pri hawi Jerusalem mary ai ly deungtasarei khumichi awm naira lawm hai ai. Kai, Areng my py Zion mawi salo y awm ai,” napi.

MIKHA 4:4

Khumi luteng ly mymychi i kreip akho, mymychi i thaidu keung akho theung y jei y naimy, tlamsa nai awm ai nai nga u ai. Hini ly ati cheaungkhang sa thai nai Areng my pei nai leu ka-deu ne.