AMOS 9:14 - Khumi Common Language Bible

¹⁴ Kai ly kaimy i khumichi ai, mychi i pri y kapahawi ali teang ai. Nichi ly phra nai marychi sa teang iy, huni marychira y awm ai nai nga u teang ai. Kreip akhochi sa iy kreip hang nei ai nai nga u ai. Akho baichi sa u iy amy i pati nai amti amjangchi ai amychi my cha ai nai nga u ai.

AMOS 9:14 ပူးပေါင်းရင်းမြစ်များ

SAM 107:37

Nichi ly li hlau sa u iy, kreip keungchi py ui u; Nichi ly amti amjangchi neangneang pakym u bo.

SAM 53:6

Israela chengchi ai atleu nai pahenra ly Zion mawi dengdairei theu hai ai nai, kai ly paleung apei parai naimy chiu kasa bo. Tameuh ly Israela chengchi ai nang chawn hai ali teang nai khala, nichi ly khri pa-rei amo theu u ai.

ISAIA 60:4

Nang i tengpang y ati mana awm mo, nanai khen cham; Nang i khumichi ly mychi i pri y vawi teang ai nai akachu u bo! Nang i chapochi ly kamlo i nai ang jeu u ai. Nang i chaniuchi ai tapawm naimy ang jeu u ai.

ISAIA 61:4

Nichi ly phra seaungkhrang nai sai kra parai nai marychi ai sa palai iy, kangtha palum u ai.

ISAIA 65:21

Khumichi ly yhmchi sa iy mymychi kypkyp awm ai nai nga u ai. Huni yhmchira y ly amtawn abi y naichi awm ai nai nga u ai ny y. Khumichi ly kreip akhochi sa u iy, kreip athaichi cha ai nai nga u ai.

JEREMIA 12:15

Na i py kai ly nichi ai huna nai atleu chum baly, kapahen ai. Huni khumi cheng bawibawichi ai, mychi i khu ka-peang mang y hawi, mychi i pri y kapahawi teang ai.

JEREMIA 16:15

Huna nai vaineng abeu ai nai tleaung y khumichi ly kai teng y Israela khumichi ai tosyh pri mang i dengdairei py, nichi ai kaimy ahei hai nai pri takhrachira i dengdairei py, pahawi ali teang nai Tameuh kangheng ne, nanai vaineng abeu u ai. Kai ly nichi ai mychi i pri, mychi i amsi pajochi teng y kaimy pei nai pri y pahawi ali teang ai,” napi. Hini ly kai Areng i thui nai leu ne.

JEREMIA 23:8

Nichi ly huna nai tleaung y kai ai ly Israela khumichi ai tosyh pri mang i dengdairei py, nichi ai ahei hai nai pri takhrachira i nai py, pahawi ali teang nai Tameuh kangheng palawn iy vaineng abeu u ai. Naibaly nichi ly mychi i saleaung khutengra y awm ai nai nga u ai,” napi.

JEREMIA 24:6

Nichi ai kry iy hini pri y kapahawi ali teang ai. Kai ly nichi ai taphra y naimy kapalum ai; akyn vui y naimy kaui ai.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 30:18

Areng my, “Kai ly kaimy i khumichi ai nang chawn hai teang iy, kapahawi ali teang ai. Jerusalem mary ai palum teang iy samrang yhm py palum teang ai.

JEREMIA 30:3

Ati mana nai mo nabaly kai i khumi Israela chengchi hawi Juda chengchi ai, kaimy palum teang ai nai neng tym ai nai deaungkho y ne. Kai ly nichi ai, mychi i amsi pajochi teng y pei nai pri y pahawi ali teang ai i, nichi ly huni pri amtym u ali teang ai. Hini ly kai, Areng i thui nai leu ne,” napi.

JEREMIA 31:23

Israela chengchi i ati cheaungkhang sa thai nai keung Areng Tameuh my, “Hini khumichi ai mychi i pri y kaimy pahawi ali teang nai khala, ‘Areng ly mymy i awm nai meingtym kachai,napi nai Jerusalem mawi kachai ai amtheaung hai sy,’ nanai nichi ly Juda pri marychira y thui u taleang bi ai.

JEREMIA 31:28

Kai ly nichi ai akyn, panawi, taphra, paleang patlau, phra hai nai kamta, vai ly kapalum kapachai ali teang ai.

JEREMIA 31:5

Nangchi ly Samari mawichi saleung y kreip akhochi sa u teang ai i, huna nai sa nai khumichi ly huni akhochira i theu nai athaichi cha u ai.

JEREMIA 32:15

Israela chengchi i Tameuh, ati cheaungkhang sa thai nai keung Areng my hini pri y yhmchi, lichi hawi kreip akhochi ai vai mo mang y ka-jo ka-van sa u bi ai, nanai leu pei bo,” napi.

JEREMIA 32:37

Kai ly khrikhri pa-rei kado theu nai y nichi ai ahei hai nai prichira i dengdairei, kapangym ali teang ai. Naibaly nichi ai hini meingtym y kapahawi ali teang iy, chymme naimy awm hai ai.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

JEREMIA 33:7

Kai ly Israela pri hawi Juda pri y nang chawn hai ai. Huni prichi ai jangni i kamta, kasa pi palai teang ai.

Ezekiela 16:53

Areng my Jerusalem mary ai leu pei nai ly “Sodom mary hawi huni mary i chaniuchi, Samari mary hawi huni mary i chaniuchi ai kai ly sareaung hawi hai ali teang ai. Nang ai py sareaung hawi hai ali teang ai.

Ezekiela 28:26

Nichi ly huni meingtym y chymme naimy awm u ai. Nichi ly yhmchi sa iy kreip akhochi sa u ai. Nichi ai mei aniu y sa nai pri deaungpa bawibawichi ai kaimy pajeng nai khala, nang ly chymme ai. Israela pri ly tlamsa naimy awm ai. Huna nai khala kai ly nichi i Areng Tameuh ne, nanai nichi pany u ai,” napi.

Ezekiela 37:21

Hunaibaly sa thai naira angym nai kai Areng ly Israela chengchi ai, nichi tym nai khumi cheng cheaungkhangchi theung i nai pangym achu chum baly, mymychi i saleaung khuteng pri y kapahawi ai, nanai nichi teng y thui pi.

Ezekiela 39:25

Sa thai naira angym nai Areng my, “Na i py vai kai ly Jakob i katu chanau ne nai Israela chengchi ai pahen iy, nang chawn hai ali teang ai. Kai i amyn kachai ai ama hai ai.

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

ZEPHANIAH 1:13

Khumi takhrachi ly huni khumichi i yhmtheaung katuichi lawm iy, nichi i yhmchi taphra u ai. Nichi ly mychi sa nai yhmchira y, mana khala py awm ai nai nga u ai ny y. Mychi i ui nai kreip akhochira i kreip hang py, nei ai nai nga u ai ny y,” napi.

ZEPHANIAH 2:7

Dei kamthum Juda khumichi ly nangchi i pri peang vui ai. Nichi ly huni meingtym y beram kanghuchi typ naimy, Asakelon mary i yhmchira y i u ai. Nichi i Areng Tameuh ly nichi hawi vanrei awm iy, nichi ai kahawi palum teang ai.