AMOS 9:13 - Khumi Common Language Bible

¹³ Areng my, “Choh tyn ai nai apho y na pa-rei, choh keung keu hawi nai neng hawi, kreip hang nip leila y na pa-rei, kreip athai pasu nai kanichi tym ai. Mawi katheang kalenchi mang i dengdairei, kreip hang katui leaung nai neng tym ai.

AMOS 9:13 ပူးပေါင်းရင်းမြစ်များ

ATITI AWM ANGCHEI NAI 49:11

Ni ly my i keaungngo kano kasau cho ai kreip angjyn keung kahawi kehra y pakheng bo. Ni ly my i ateaungchi ai kreip hang thi kamsen hawi pasiu nai ne.

SAM 97:5

Khaileaung pri ai peang nai keung napi nai Areng i mo y, mawichi ly samdai kamta tlawn vui bo.

ISAIA 16:10

Vai ly pa-tiu khuta hawi nai lichira y amo theu nai khumi by y; kreip akhobaichi ra y khulym thui aeu nai khumi by y. Kreip athaichi ati iy kreip hang sa nai khumi py by y veng bo. Amotheu aeu nai khumichi ly tama pawn bo.

ISAIA 55:13

Vai, aleng keungchi prau nai meingtymra y saitleang keungchi prau ai. Aleng phreungchi awm nai meingtymra y preaungmui keungchi prau ai. Hini atitichi ly kai, Areng i kuchi pany jo ai nai, deungtasarei khaw jo nai ka-ma-ra harei lawm ai,” napi.

Ezekiela 28:26

Nichi ly huni meingtym y chymme naimy awm u ai. Nichi ly yhmchi sa iy kreip akhochi sa u ai. Nichi ai mei aniu y sa nai pri deaungpa bawibawichi ai kaimy pajeng nai khala, nang ly chymme ai. Israela pri ly tlamsa naimy awm ai. Huna nai khala kai ly nichi i Areng Tameuh ne, nanai nichi pany u ai,” napi.

Ezekiela 36:35

Vaichi khala teaung ai ngo y nai, daichi ka-vym lawm nai khaileaungchi ly Eden akho lawm bo nanai py, vaichi khala taphra nai hawi tiu naira avum iy phra seaungkhrang nai marychira py, vai ly khaw parai nai tavai amtangrachi sa naimy khumichi awm teang bo, nanai khumi lutengchi my thui u lengleang ai.

JOELA 2:24

Choh atyhra meingtymchi ly chohpui chomawchi hawi kawi meng ai. Thengthai atyhra angawmchi py, kreip hang, olive asituichi hawi lem phraiphreaung na ai.

JOELA 3:18

Huni neng khala mawichi ly kreip akhochi hawi kawi na ai. Mawi aheungchira py sichi tlai nai niu ai. Juda pri verei y tui hawihai palai nga u ai. Tavo micheaung tui ly Areng i Achura yhm mang dengdairei leaung ai i, Akasia leaunghawi ai am-i hai ai.

JOELA 3:20

Kai ly tleh naira avum nai khumichi i vui vawitheung tha ai. Khumi kamngochi ai tlamsa naira pei ai ny y. Na i py Juda pri hawi Jerusalem mary ai ly deungtasarei khumichi awm naira lawm hai ai. Kai, Areng my py Zion mawi salo y awm ai,” napi.

Levi 26:5

Nangchi i amti amjangchi khri pa-rei thawn nai deaungkho y, nangchi ly choh tyn nai pajau y khala my, kreip athai jaw nai neng tym ai. Kreip athaichi jaw nai pajau y khala my, choh pati nai neng tym ryp ai. Nangchi ly kajeu kawi pa-rei cha ai nai nga iy, chymme naimy awm ai nai nga u ai.

AMOS 9:5

Kani pri tavailuchi i Areng ly khaileaung y abi nai deaungkho y, kaleih pui theu bo; khaileaung y awm nai bawibawichi py vo ai. Khaileaung pri verei ly Aikupta pri i Naing tavo kamta, anem lawh, asang lawh ai. 1

JOHAN 4:35

Nangchi ly, ‘Choh tyn ai nai ly lo palyhrei awm rai,’ na u mo kana? Khen u cham, kang thui pi, angdeang u ly, hlau y khen u cham, vai py tyn ai nai aau jawn bo.

TARA CHIH NAI KEUNGCHI 5:5

Mawichi ly Sinai mawi i Areng Israela chengchi i Areng Tameuh i mo y ahyn na bo.