AMOS 9:11 - Khumi Common Language Bible

¹¹ Areng my, “Anawi nai yhm hlau kamta lawm nai Davida i pri ai, kaimy palum teang nai neng kani tym ai. Ako nai lengseaung apaichi ai kaimy palum teang ai. Jangni i awm nai kamta, kaimy palum teang ai.

AMOS 9:11 ပူးပေါင်းရင်းမြစ်များ

JOBA 1:10

Nang ly ni hawi ni i yhm dengtheungchi ai py, ni i nang nai yhmtheaung katuichi ai py ama hai iy kry pi bo. Ni i sa nai ngiereichi ai amtheaung hai i, si painochi py kati leila pajau y na pa-rei, neangneang peung hai bo.

SAM 143:5

Kai ly lawm veng nai neng kanichi ai tami pajau y; kai ly nang i sa nai ngiereichi ai dawn pasym bo; nang i sa nai kuchi bawibawichi ai py dawn pasym nai ne.

SAM 80:12

Huni keung kamki akawm nai apaichi ai, nang ly ati mana nai y aphrei vui lawh mo? Vai ly huni sahawi mang aki aleaung nai khumi luteng ly kreip athaichi paviu ai nai nga bo.

SAM 89:40

Nang ly ni i mary pui apaichi ai taphra iy, ni i amtangrachi py panawi pi pawn bo.

ISAIA 16:5

Huna nai khala y Davida katu chanau theung i leaungrei naini samrang lyn iy, mipuichi ai ka-ymra, ka-tamenra hawi peang ai. Ni ly kahawi sa ai nai patyh ai ny y; leu meitang naimy tara chih pi ai.)

ISAIA 5:5

“Kai ly huni kreip akhobai ai hina nai kasa ai. Huni akhobai apai taphra vui iy, lengseaung apai py panawi vui ai. Daichi mawichi tlai hai iy chiu hai piupa ai.

ISAIA 58:12

Nangchi i khumichi py, phra seaungkhrang joja nai yhm hlauchi ai langdeng kangngymchi salo y sa u teang ai. Nangchi ly phra seaungkhrang nai mary apaichi sa palai iy, anawi seaungkhrang nai yhm hlauchi hawi lamchi py, sa palai teang nai khumichi, nanai palau nai avum u ai,” napi.

ISAIA 63:11

Hunaibaly nichi ly jangni y Areng i miseaung Mosi i deung y adawn u vau i, “Mymy i khumichi i lu sa naichi ai pangli i nai atleu pi nai Areng ly ma y mo? Mosi ai sa thai naira pei patyp keh nai Areng ly ma y mo?

ISAIA 65:9

Juda chengchi ai amtheaung naira pei ai. Juda kangpreangchi ly mawi tleaung pri napi nai kai i pri amtym u ai. Kai i miseaung, kai i khumichi ly huni pri y awm iy amtym u ai.

JEREMIA 18:9

Na i py kai ly hina nai khumi cheng, ti y baly hini pri y kapalum kapachai ai, nanai thui lawh teu i py,

JEREMIA 30:9

Ti y naimy nangmychi i Tameuh kai, Areng i kalop ai py, nichi i samrang y kaimy khai nai samrang Davida i kangpreangchi i kalop ai py, sa u ai nai tla ai.

JEREMIA 46:26

Nichi ai padei ai ngai nai Babulon samrang Nebukhadnezar hawi, tavaimichi i kiu y au ai. Na i py mo mang y khumichi ly jangni khala i kamta, Aikupta pri y awm u ali teang ai. Hini ly kai Areng i thui nai leu ne,” napi.

TANGAM NAI LEU 5:21

Aw Areng, nangmy teng y jeu ali teang ai nai pei kyh ba. Kaichi ai pahawi ali teang kyh ba! Jangni i kamta kaichi ai phum-ang haiho len hai kyh ba.

Ezekiela 17:24

Kai ly Areng ne, nanai hini pri y awm nai dengkeaung bawibawichi my pany ai. Kai ly dengkeaung ka-sangchi paliu iy dengkeaung lochi asang hai ai. Dengkeaung ngam heng-up nai keungchi ai ly ngam ajawi hai iy, ngam ajawi rawm nai keungchi ai ly heng-up hai ai. Hini ly kai, Areng i leu pei nai ne. Kai ly kaimy i leu kamta kasa ai,” napi.

Ezekiela 36:11

Kai ly khumi hawi tawnbawichi peung hai ai. Nangchi ly cho chanauchi neangneang sa u ai. Jangni i kamta awm ai nai kang pei ai. Jangni tleaung y nang chawn hai ai. Huna nai khala kai ly Areng ne, nanai nangchi pany u ai.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

OBADIA 1:17

“Na i py Zion mawi salo y tleaung nai khumi phyrei awm ai; hini mawi ly meingtym kachai lawm ai. Jakob i kangpreangchi ly mymychi i vui amtym ai nai nga ai. Pri amtym ai nai nga u ai.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

MIKHA 7:11

Jerusalem mary i khumichi awi, mary apaichi ai kangtha sa palai nai neng tym bo. Huna nai khala y nangchi i khu ka-peang ly kau ai.

MIKHA 7:14

Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

MIKHA 7:8

Kaichi i paleung ka-echi ly kaichi i kamngo nai molam y amo theu ai nai lam by y. Kaichi atlym i py, ang thau teang ai. Vai i neng y kaichi ly kaveng theung y awm i py, Areng ly kaichi i tlang tleaung y kangvang sangso tym hai ai.

ZEKHARIAH 12:7

“Kai, Areng ly Juda tavaimichi ai eaung naira pei manme ai. Hinai kamta Davida i katu chanauchi hawi, Jerusalem mary i khumichi nga ai nai tahm awm nai ly takhra Juda chengchi i tahm awm nai tleaung y asang ai ny y.

ZEKHARIAH 14:10

Tosyh mang y awm nai Keba mary dengdairei, tokalawi mang y awm nai Rimon mary y khrairei, Jerusalem mary tengpang sahawi i khaileaungchi adyh ai nai padyh u ai nai tla. Jerusalem mary py tengpang sahawi i khaileaungchi tleaung y asang naimy awm ai. Hini mary ly Benjamin apai katheu dengdairei, katheu kangngym awm nai mary taki i apai katheu khrairei py, Hananela yhm ka-sang dengdairei, samrang i yhm, kreip athai nipra angawmchira y khrairei py awm ai.

ZEKHARIAH 6:12

Ati cheaungkhang sa thai nai Areng my, “Sai kadeu” nanai amyn nga nai khumi ly mymy i awm naira y nang chawn iy, Areng i Achura yhm sa palum teang ai.

Kati Nai 24:18

Ni ly Edom pri i paleung ka-echi ai tiu nai pajau iy, nichi i pri peang vui ai. Israela pri ly eaung naira nga jojo ai.