AMOS 8:13 - Khumi Common Language Bible

¹³ Huni kani y no-na by y iy atho awm nai thawndeang hawi anglochi malawn py, tui ahai phi nai deaungkho y atlym u ai.

AMOS 8:13 ပူးပေါင်းရင်းမြစ်များ

SAM 63:1

Aw Tameuh, nang ly kai i Tameuh ne nai deaungkho y, kai ly nang ai kadeaung nai ne. Kai ly tlang hawi paleung verei, nang ai ajeng naimy kadeaung bo; kai i phailo ly tui by y iy jengha nai khaileaung kamta, nang ai kadeaung bo.

ISAIA 40:30

Saneng nau nai khumichi malawn py paha, akawm reng nai ne. Khumi ka-cheangchi ly atho bai iy atlym u bo.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 48:18

Dibon mary y awm nai khumichi awi, nangchi ly tahm awm nai meingtym i nai satla iy, spryh tleaung y ateh u. Moba pri ai phra hai nai keung ly hini meingtym y tym iy, nang i amtangrachi taphra veng bo.

TANGAM NAI LEU 1:18

“Na i py Areng ly leu meitang adyh adawi nai ne. Kai ly mymy i leu pei nai tangai y. Meingtym tleirei y awm nai khumichi awi, kai i leu tangai u; kai i patang nai khen u cham. Kai i chapo thawndeangchi hawi chaniu anglochi ly langheng y hawi nai avum u bo.”

TANGAM NAI LEU 2:10

Jerusalem mary i miteaungchi ly paisiu kanih akhiu naimy mymychi i lu tleaung y spryhchi aprawn iy, khaileaung y tynteng y naimy ateh u bo. Mary i anglochi py khaileaung y lu meung naimy awm u nai ne.

TANGAM NAI LEU 2:21

Miteaung deaungdichi ly lam y atlym iy dei u. Thawndeang anglochi ly paleung ka-echi i haisau tamo y dei u. Nang ly kado theu nai kani y pahen y naimy, nichi ai tleh chauchau bo.

HOSEA 2:3

Huni kalopchi anawn y baly, kai ly ni i ateaung leng vui iy, ni ai tapen nai kani khala i kamta, tlang ka-keu awm hai ai. Ni ai ly jengha iy teaung ai ngo y nai adym kamta, lawm hai nai deaungkho y, ni ly tui ahai naimy dei ai.

ZEKHARIAH 9:17

Hini pri ly ati mana tanrei apu parai na mo ly! Thawndeang deaungdichi ly hini pri i theu nai chohpui chomaw hawi kreip hangchi cha nei iy atho awm u ai.

Leu Thui Nai 32:25

Tavai takai deaungkho y khumichi ly lamchira dei u ai; yhmchira y ka-jei awm naichi avum ai. Thawndeangchi anglochi py dei u ai; deaungdicho kanu nei thym naichi hawi miteaung maichochi py tleaung y ai.