AMOS 8:11 - Khumi Common Language Bible

¹¹ “Kaimy pri verei tahum takang pui theu hai nai neng kani tym dudu bo. Teicha alam nai py ny y, tui ahai nai py ny y. Areng teng i leu alam nai ne ai. Kai, sa thai naira angym nai Areng my kang thui pi bo.

AMOS 8:11 ပူးပေါင်းရင်းမြစ်များ

2 NENG SATANG 15:3

Israela chengchi teng y Tameuh meitang awm pi jo y, thui parip ai nai pathyp pi nai keungchi by y, reita py by y.

SAM 74:9

Kaichi i reita leaungsai ka-ma-ra bawibawichi py by y bo; amochi py by y pawn bo; huna nai tym nai ly mana tanrei kra ai mo, nanai ami py pany khyp pajau y.

LEU KACHENG 29:18

Tameuh i lam patei nai ai tangai y baly, huni pri ly phra seaungkhrang reng nai ne. Tameuh i leu pei nai ai atyp nai khumi ly khri pa-rei taham hawi na a!

ISAIA 5:6

Kai ly huni akhobaira y acha keungchi beng hai kha ai. Kreip changpichi tangam pi y iy, khaileaung py taipi pui ai ny y. Aleng keungchi neangneang prau hai ai. Huni akhobaira y kani nai hai y ai nai, khupanymchi ai kaimy paka vui ai,” nanai thui bo.

Ezekiela 7:26

Patang nairachi ly harei bo y harei ang tym ai i, nangchi ly satang hawi y nai avawrei thai u jojo ai. Nangchi ly amochi teng y nichi i paleung mei y niu naichi thui pi ai nai takeng u ai. Pathyp pi nai keungchi py khumichi ai thui parip ai nai ati sai py nga ai ny y. Miteaungchi py ati sai py tau pei u thai ai ny y.

HOSEA 2:3

Huni kalopchi anawn y baly, kai ly ni i ateaung leng vui iy, ni ai tapen nai kani khala i kamta, tlang ka-keu awm hai ai. Ni ai ly jengha iy teaung ai ngo y nai adym kamta, lawm hai nai deaungkho y, ni ly tui ahai naimy dei ai.

MIKHA 3:6

“Amochi awi, nangchi i vui neng kani ly dym en bo, kani ly dym ai bo. Nangchi ly atiti amteng hai naichi niu ai ny y leang bo. Mo mang i satang thui thai nai sa thai naira awm ai ny y,” napi.

MATTHAI 9:36

Na i py mymy ly khumi mipuichi ai niu iy typ nai keung by y nai beramchi kamta patang nai hawi ahei nai deaungkho y khrikhri pa-rei pahen bo.

1 SAMUELA 28:15

Samuela ly Sawla teng y, “Nang ly ati mana nai kai ai khrukhra hai lawh mo? Ati mana nai kai ai palau teang lawh mo?,” nanai deng. Sawla my, “Kai ly khri pa-rei patang naira avum nai ne. Philistia chengchi ly kai hawi tavai atiu bo. Areng my py kai ai khai su bo. Mymy ly amochi hawi py, amang mang py, kai ai pathang pi y. Hunai deaungkho y kai ly nang ai palau nai ne. Kai ly ati mana sa ai mo, nanai leu pei ba,” napi.

1 SAMUELA 28:6

mymy ly mana sa ai mo, nanai Areng teng y deng bo. Na i py Areng ly amang mang py, Urim hawi Thummim hawi py, amochi hawi py, pipi pathang pi y.

1 SAMUELA 3:1

Deaungdi Samuela ly Eli i pacheang nai anui y Areng i kalop sa naimy awm; huni neng khala ly Areng teng i amo leu thai nai py di parai, amteng hai naichi py khri pa-rei di parai nai ne.