AMOS 6:8 - Khumi Common Language Bible

⁸ Kani pri tavailuchi i Areng my, “Israela i kamlyh ly kapaso. Nichi i tlamsa naimy awm nai yhm puichi py kapaso. Nichi i mary pui hawi mary theung y awm nai cheaungkhangchi ai, paleung ka-echi teng y kapei vui ai,” napi.

AMOS 6:8 ပူးပေါင်းရင်းမြစ်များ

ATITI AWM ANGCHEI NAI 22:16

“Kai, Areng my leu kang pei; kai ly nang ai khri pa-rei amtheaung hai ai. Nang ly kaimy kang pei nai chapo leaungrei awm khyh nai ai malawn py, kai teng y talam ai nai pasai y nai deaungkho y,

SAM 106:40

Hunai deaungkho y Areng ly mymy i khumichi ai kado theu hai; nichi ai paso nai ne.

SAM 47:4

Mymy ly achi awm ai nai pri vawi takhra pi; huni pri ly mymy i tamen nai khumichi my amtym iy, tahm khai amlyh ai naira lawm bo.

SAM 50:12

“Kai kajeu alam lawh baly, nangchi teng i teicha teinei hnei ai ny y; ati mana nai mo nabaly khaileaung hawi khaileaung salo y awm nai ngiereichi ai kaimy peang nai deaungkho y ne.

SAM 78:59

Mymy i khumichi huna nai sa u nai niu nai khala y, Tameuh ly kado theu i, nichi ai nyn va vui bo.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

ISAIA 28:1

Israela pri ly taham si! Mychi i cha nei ala nai lu sa nai keungchi i adeung nai kaseaung lukhym kamta, huni pri i phum-ang ly rawm naimy awm nai ne. Huni lu sa nai keungchi ly amlyh am-e naimy, mychi i lu y mui kahawi rimui amthym teu i py, nei cha ala nai y atlym u na bo.

JEREMIA 12:8

Kaimy vawi takhra nai kai i yhmtheaung kamtymchi ly daichi theung i khrangsichi kamta, kai ai ang tiu u lawh bo. Nichi ly kai ai ang hang hai nai deaungkho y, kai ly nichi ai kaniu ngai y bo.

JEREMIA 22:14

Salo sambeura y takun puichi hawi kai ly kaimy awm ai nai yhm pui harei kasa ai, nanai thui nai khumi ly taham si. Ni ly huna nai thui chum baly my i yhm y thaibeng pa-khochi tleh bo. Saitleang keung hawi khangpuichi dang naira sa iy, an kamsen pathym nai ne.

JEREMIA 22:5

Na i py nangchi ly kai i leu tangai u y lawh ai nabaly, hini samrang yhm ly phra seaungkhrang ai, nanai nangchi teng y kang pasawi kheih bo. Hini ly kai, Areng i thui nai leu ne,” napi.

JEREMIA 44:26

Na i py Aikupta pri y awm nai Israela chengchi teng y kai, Areng ly kaimy i nang parai nai amyn y adeu nai ly vai nangchi tangai u. Nangchi vaineng asa u naira y, ‘Areng ly heng nai ne!,’ nanai kai i amyn thui ai nai mo mang y mana khala py nangchi ai kang pei ai ny y.

JEREMIA 49:13

Bozarah mary ly niu nai khumichi jei hyn ai hawi nai, khumi angso by y nai meingtym lawm hai ai nai py, khumichi ly huni mary ai panui hai iy, huni mary i amyn ai vaineng abeu naira y teaung ai nai py, kaimy kypkyp my vaineng abeu nai ne. Tengpang sahawi i avang bawibawichi ly phra seaungkhrang naimy awm jojo ai. Hini ly kai Areng i thui nai leu ne,” napi.

JEREMIA 51:14

Ati cheaungkhang sa thai keung Areng ly Babulon mary y tiu ai nai molam akhutama kanghu kamta, nawi parai nai khumichi ai kapalau ai, nanai mymy i amyn y vaineng abeu bo. Huni khumichi py eaung naira nga iy, aeu u sau ai.

TANGAM NAI LEU 2:5

Areng ly paleung ka-e kamta, Israela chengchi ai taphra bo. Nichi i amtangrachi hawi samrang i yhmchi py, phra seaungkhrang naimy awm hai bo. Mymy ly Juda pri khumichi i tlang tleaung y, paleung mawn naira tem y pa-rei tym hai na bo.

Ezekiela 24:21

mymy ly mymy i leu pei nai ai nangchi Israela chengchi teng y thui pi ai nai kai ai pato nai ne. Nangchi ly Achura yhm khaw nai ai amlyh u bo. Achura yhm khen ai nai ngai, Achura yhm y chei ai nai ngai; na i py Areng ly huni Achura yhm y chai hai y ai. Jerusalem mary y awm rai nai nangchi i yhm dengtheung cho chanauchi py, tavai keung y dei u ai.

HOSEA 11:6

Nichi i marychi ly tavai takai avum u iy, mary apai katheuchi ly phra ai. Kai i khumichi ly mychi i kangai sa u nai deaungkho y, tamyh nai avum u ai.

Levi 26:11

Kai ly kaimy i Tabynakora awm nai deaungkho y, nangchi hawi vanrei awm ai. Nangchi ai mana kha py kang khai su y leang mang.

Levi 26:30

Kai ly mawi aheungchira i, nangchi i chiu nai meingtymchi ai taphra pi pawn iy, mui katui leng patlum nai maichamchi py panawi pi pawn ai. Nangchi i veuchi ai anawi jawn nai mynchi salo y aphi chup ai. Kai ly nangchi ai kang paso nai deaungkho y,

AMOS 3:10

Areng my, “Nichi ly mychi i yhm puichi ai athorei my lawm nai hawi khrukhra hai iy nga nai vawnsaichi hawimy kawi hai na bo. Nichi ly leu meitang ai malawn py pany thai u y.

AMOS 3:11

Hunai deaungkho y paleung ka-e pri harei ly nichi i marychi ai katanmeuh iy, nichi i amtangrachi taphra vui ai. Nichi i yhm puichi ai py lawm iy taphra ai,” napi.

AMOS 4:2

Salo keh Areng ly chai parai nai deaungkho y, hina nai vaineng adeu bo. Areng my, “Nichi ly nangchi ai sakawi hawi athorei my ryh nai kanichi tym ai. Nangchi bawibawi ly sakawira man nai ngo kamta lawm u ai.

AMOS 5:21

Areng my, “Nangchi i reita pawichi ai kaniu ngai y. Huni pawichi ai khrikhri pa-rei kapaso.

AMOS 8:3

Huni kani y samrang yhm i khulym thui nai raawichi ly vo nai raawichi mang y lawm vui ai. Meingtym tleirei y kadei veuchi awm ai i, huni veuchi ai kangviu y aphi u ai,” nanai leu pei bo.

AMOS 8:7

Israela i Areng Tameuh my vaineng abeu nai ly: “Kai ly hini khumichi i hawi y sa naichi ai, mana khala py tami vui pajau y leang.

ZEKHARIAH 11:8

Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.

Leu Thui Nai 32:19

“Areng my hunichi niu nai khala kado theu i, mymy i cho chanauchi ai khai su bo.