AMOS 6:4 - Khumi Common Language Bible

⁴ Kasai nuh kadangchira y aseaung nai khumichi awi, beramcho, sichochi i ngan kanau cha iy, pangpaho nibai tleaung y aseaung naimy akeng anam pataw nai khumichi awi, nangchi i vui ka-jei awm nai neng kani lawm ai!

AMOS 6:4 ပူးပေါင်းရင်းမြစ်များ

ATITI AWM ANGCHEI NAI 37:25

Nichi ly biu cha u nai thym y, rimiu cheaungkhang hawi Murachi kula-iu tleaung y tang naimy Kilead pri dengdairei Aikupta pri mang y khuleaung chei nai Ismaela cheng kamkawm harei ai niu u nai ne.

ESTHER 1:6

Huni akho apai theung y tangka sengtleng tai nai leungtau kangleung yhmmawmchi ra y, kanih mai ka-syn kangleung kamngauchi ly kalang kangdauchi hawi thang iy ka-pu sa nai ne. Naibaly leungtau kangleung, leungtau kamsen, khawisaleng lengseaung, lengseaung kamngau-achi hawi mawi sa iy padai; samrang i akho apai theung y muku tangkachi hawi sa nai jawnrachi py khai pi.

SAM 73:7

Nichi i paleung dengdairei hawi y nairachi patheu iy, nichi i paleung ly kamngo nai katauchi dawn pasym u nai ne.

ISAIA 22:13

Nang ly huna nai sa ai nai jeng y, pawi sa lawh nai ne. Si, beramchi tleh, cha iy kreip hang nei bo. “Khawndam dei u ai bo i, vai ly achi cho nei u sina,” nanai nang ly thui nai ne.

ISAIA 28:1

Israela pri ly taham si! Mychi i cha nei ala nai lu sa nai keungchi i adeung nai kaseaung lukhym kamta, huni pri i phum-ang ly rawm naimy awm nai ne. Huni lu sa nai keungchi ly amlyh am-e naimy, mychi i lu y mui kahawi rimui amthym teu i py, nei cha ala nai y atlym u na bo.

JEREMIA 16:8

“Nang ly nichi cha nei pawi sa nai yhm y kun moh. Huni khumichi hawi vanrei ateh ahawi iy cho nei moh.

Ezekiela 16:49

Ni hawi ni i chaniuchi ly paleung len naimy kajeu kawi ala nai, ami ai py tahm khai y iy khumi kamawnchi hawi avaw nai khumichi ai sabawm u y.

Ezekiela 23:41

Nini ly myni i mo y sabawi khai hawi chum baly, apu parai nai ira kadang tleaung y ateh hawi; sabawi salo y naimy pei nai mui katui hawi olive asitui khai hawi bo.

AMOS 3:12

Areng my, “Beram typ nai keung ly khrangsi teicha lawm vui nai beram harei i kheu nyhrei, ti y baly kano makengrei, napi naichi ryrei akhui ai nga khyh nai kamta, Samari mary y awm nai khumichi i phangpho nibaichi salo y nei cha pavui naichi theung i, khumi maidenreichi naini tleaung u ai.

AMOS 8:3

Huni kani y samrang yhm i khulym thui nai raawichi ly vo nai raawichi mang y lawm vui ai. Meingtym tleirei y kadei veuchi awm ai i, huni veuchi ai kangviu y aphi u ai,” nanai leu pei bo.

MIKHA 6:12

Yhmtheaung katui nang nai khumichi ly khumi kamawnchi tlang tleaung y thi pajawp u bo. Nangchi bawibawi ly tapawp nai khumichi ne.

LUKA 16:19

“Naibaly khumi kanang ami mo leaungrei awm: mymy ly kanih kamsen jeaung hawi, kanih mai ka-syn akhiu i, kani tleirei tlamsa jojo.

JAKOB 5:5

Khaileaung pri y tlamsa naimy awm u iy, pasum u atyhtyh bo, tleh nai kani y ly nangchi i paleung y saw ala nai apacho u bo.