AMOS 6:13 - Khumi Common Language Bible

¹³ Nangchi my Lodebarmary ai peang vui nai molam y, amlyh ai nai ngai u lawh. Nangchi ly atyhtyh naimy amlyh ai nai ngai u lawh. “Kaimychi atho hawi Karnaimmary ai peang vui nai ne,” nanai py thui u.

AMOS 6:13 ပူးပေါင်းရင်းမြစ်များ

2 ARENG KEH 13:25

Huni neng khala Israela samrang Jehoaha i chapo Jehoasa ly Benhada ai tlen thomrei tiu i, ampo Jehoaha deung y Benhada my peang vui nai marychi ai peang ali teang nai ne.

2 ARENG KEH 14:25

Ni ly tosyh mang y nabaly Hamath mawi aleaung lam, tokalawi mang y nabaly pangli kadei khrairei, vaichi khala i Israela pri khu ka-peang bawibawichi ai peang ali teang bo. Hini ly Israela chengchi i Areng Tameuh my, mymy i miseaung Kath Hepha mary y awm nai Amittai i chapo amo Jona dengdairei, leu pei nai kamta ne.

JOBA 31:25

Yhmtheaung katui nang mang nai molam py, amlyh am-e vai y.

JOBA 31:29

Kai ly kaimy i paleung ka-echi patang nai khala, amo theu nai awm vai y; nichi khrikhri pa-rei patang naira avum nai khala py, paleung ateng hai vai y.

JOBA 8:14

Nichi ly kalangvui hawi khanglo sanghang yhm ai a-ym nai khumichi ne.

JOBA 8:15

Nichi ly khanglo sanghang yhm ai abang hau lawh baly, huni khanglo sanghang yhm ly nichi i abang hau nai khaw pajau na a? Kalangvui ai kho sa iy amkhaw lawh baly, huni kalangvui ly nichi i amkhaw nai khaw hai pajau na a?,” nanai thui u bo.

SAM 2:2

Huni khumichi i samrangchi ly tiu u bo. Hunichi i samrangchi ly Areng hawi mymy i khai takhra nai samrang ai tiu ai nai kangviu y arum u nai ne.

SAM 75:4

Kai ly hina nai leu kang pei; khumi hawi y naichi awi, amlyh u moh.

SAM 75:5

Amlyh am-e u moh,” napi.

Parip nai leu 11:9

Nangchi thawndeang deaungdichi awi, hawi thym khala amo theu naimy awm u; saneng theang nai thym khala amo theu nai awm u; sa ai ngai naichi sa naimy, amy i paleung kangai su u. Na i py Tameuh ly nangchi i sa nai saichi molam y, nangchi i tlang tleaung y tara ang chih ai, nanai pany u jo ba.

ISAIA 7:1

Juda pri y Uzia i katu, Jotham i chapo Ahaz samrang lyn nai thym khala y, tavai atiu nai ne. Suria samrang Rezin hawi Israela samrang Remaliah i chapo Pekah nini ly Jerusalem mary ai tiu u teu i py, huni mary ai peang vui pajau y.

ISAIA 7:4

Ni ai tau awm ai nai, paleung khaw ai nai, kaso theu y ai nai hawi paleung khrukhra y ai nai thui pi. Samrang Rezin hawi vanrei Suria khumichi i kado theu nai hawi samrang Pekah i kado theu nai ly maisaku nyhrei mang theu nai maikhyh tanrei, ka-jeira pei pajau y leang.

ISAIA 8:6

Mymy ly “Hini khumichi ly leaung kajai nai Siloh tavo micheaungkhai su iy, samrang Rezin hawi samrang Pekah nini i mo y kaso theu nai deaungkho y,

JEREMIA 50:11

Areng my leu pei nai ly “Babulon mary i khumichi awi, nangchi ly kai i pri ai lawm u bo. Nangchi ly choh ati nai si nu kamta py, hang nai keaungngo kamta py, amo theu naimy aki aleaung u teu i py,

JEREMIA 9:23

Areng my, “Khumi kacheng ly my i tau cheng nai ai atho len nai khumi ly my i atho len nai ai, nang chawn nai khumi ly my i nang nai ai, amlyh ai nai avo y.

Ezekiela 29:3

Sa thai naira angym nai Areng my ati mana leu pei mo, nanai Aikupta samrang Pharao teng y amti pi ai nai ly: tavo theung i atho len parai nai satam pui awi, kai ly nang i paleung ka-e ne. Naing tavo ai ly nangmy peang, huni tavo ai nangmy palum nai ne, nanai nang ly thui bo.

Ezekiela 29:9

Aikupta pri ly khumi angso savai tlang nai meingtym lawm ai. Huna nai khala kai ly Areng ne, nanai nichi pany u ai. “Naing tavo ly nangmy i peang nai, nangmy i palum nai ne, nanai thui nai deaungkho y,

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

DANIELA 4:30

mymy ly angdeang i, “Babulon mary ly khri pa-rei len parai na ly! Hini mary y kaimy i sa thai naira, kaimy i nang parai naira patei ai nai, kaimy sa nai mary pui ne,” nanai thui bo.

JONA 4:6

Huna nai khala Jona teng y kani bi kangngo tym hai y ai nai Areng Tameuh my palang-uipo keung harei prau hai i, Jona i tlang tleaung y ka-khui akhui hai. Naibaly Jona ly huni keung prau nai deaungkho y, khri pa-rei amo theu.

ZEPHANIAH 3:11

Aw Kai i khumichi awi, huna nai khala nangchi ly kai ai tiu u nai molam y, kaji ai nai ngai y leang bo. Kai ly paleung len nai khumi, amlyh am-e nai khumi ngiereichi ai taphra pawn ai; nangchi ly mo mang y mana khala py, Jerusalem mary i chai parai nai mawi salo y, kai ai tiu u ai ny y.

ZEKHARIAH 1:19

Kai ly kaimy hawi vanrei leu arum nai kani pri amtaw thau nai teng y, “Hini taki palyhrei i awm nai sai ly ati mo?,” nanai kadeng cham bo. Huni kani pri amtaw thau nai my, “Huni takichi ly Juda khumi, Israela khumi hawi Jerusalem mary i khumichi ai ahei hai phro nai khaileaung pri i sa thai naira awm nai khumichi ai pata nai ne,” napi.

JOHAN 16:20

Meitang khypkhyp kang thui pi, nangchi ly mei katui tla ai i neangneang vo ai; khaileaung prichi naini kawn ai, na i py nangchi i paleung mawn naira ly kawn naira lawn ai.

JAKOB 4:16

Na i py nangchi i am-e nairachi ly nangchi kawn hai keh lawh ly: hunai kamta am-e nai bawibawi ly kamngo tla.

AMTENG HAI NAI 11:10

Naibaly khaileaung pri y awm naichi ly nini i tlang tleaung y khri pa-rei kawn ai i, amo py theu u ai, langseaung py ataviu u leungtang ai; ati mana nai mo nabaly huni leu thui nai keung nyhrei ly khaileaung pri y awm naichi ai patang hai veng bo.

TARA CHIH NAI KEUNGCHI 9:27

Nichi bawibawi ly kreip akhochi mang y chei u iy kreip athaichi jaw i, kreip hang sa chum baly, amo theu nai pawi harei sa u. Nichi ly mychi i tameuh yhm mang y chei u i, cha nei iy Abimelek ai panui hai u bo.

1 SAMUELA 4:5

Leu Maikawm Pawm tym nai khala y Israela chengchi ly amo theu nai deaungkho y, khaileaung amchyh na pa-rei aeu u bo.