AMOS 6:1 - Khumi Common Language Bible

¹ Zion mary y tlamsa tlamja naimy awm u nai khumichi awi, Samari mawi salo y chymme naimy awm u nai khumichi awi, mipuichi my ahui amang nai khumichi awi, khumi chengchi theung y tahm asang nai Israela chengchi awi, nangchi i vui ka-jei awm nai neng kani lawm ai!

AMOS 6:1 ပူးပေါင်းရင်းမြစ်များ

1 ARENG KEH 16:24

Samari mawi ai Shemer napi nai khumi teng i tangkacho sang tariurei hawi van. Omari ly huni mawi y lengseaung apai tapang nai mary kakhaw sa i, huni mawi ai peang nai keung Shemer i amyn la iy Samari mary, nanai amyn pathi nai ne.

SAM 123:4

Kaichi ly khumi kanangchi i panui hai nai py, paleung len amlyh nai khumichi i mei aniu y nai py, avum nai ly kra bo.

LEU KACHENG 1:32

Pany nai sai angym y nai khumichi ly cheng naira ai khai u su nai deaungkho y dei u ai. Khumi hawi y naichi ly ati sai py dawndan y naimy heng u rumrang nai y tama u nai ne.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

JEREMIA 2:3

Aw Israela chengchi awi, nangchi ai kaimy kang peang khyh nai ne. Nangchi ly kaimy peang nai vang teng naichi ne. Kai ly nangchi i tlang tleaung y no patang hai nai khumi bawibawichi ai ka-jeira hawi ngari kamtang tym hai bo. Hini ly kai Areng i thui nai leu ne.”

JEREMIA 48:11

Areng my, “Moba pri i khumichi ly chymme naimy awm jo reng nai deaungkho y, pri pala naira avum u vai y nai ne. Moba pri ly laawm harei i nai laawm harei mang y patlai y; tahawi py tahawi y iy angdeang jo nai kreip hang hawi atawm; mui hawi kalum kathau phra y naimy, hawi veangveang nai ne.

JEREMIA 49:31

‘Jeu u! achi ly chymme naira awm bo, nanai dawn nai huni khumichi ai tiu u sina! Huni khumichi i mary ly apai katheu hawi atleangra py by y; chymme naira py by y nai mary ne,’ napi.

JEREMIA 5:5

Kai ly sa thai naira awm nai khumichi teng y chei iy, nichi teng y thui pi ai. Nichi ly Areng i kangai pany u ai. Tameuh i khai pi yb nai reitachi pany u nai ne,” nanai adawn u bo. Na i py nichi bawibawi ly Areng i sa thai naira khai su iy leu atangai u y nai ne.

JEREMIA 7:4

Achi ly chymme na a! ‘Hini Achura yhm ly Areng i Achura yhm ne, Areng i Achura yhm ne, Areng i Achura yhm ne!’ nanai thui naichi i tapawp nai leu ym u moh.

TANGAM NAI LEU 1:1

Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

AMOS 3:2

“Khaileaung pri verei y awm nai khumi cheng bawibawichi theung y, nangchi cheng harei ai naini kang pany iy, kang pahen nai ne. Hunaibaly nangchi i kamngo sa nai ngierei molam y, kai ly nangchi ai kang pajeng ai nai tla ai,” napi.

AMOS 3:9

Asadod hawi Aikupta pri samrang i yhmchi theung y awm nai khumi bawibawichi teng y hina nai thui. “Samari mary tengpang y awm nai mawi aheungchira y akachu u ly huni mary theung y sa nai kamngochi hawi khru-nganglang naichi ai khen u cham.”

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

AMOS 5:27

Kai ly nangchi ai Damaska mary vai mang y, langheng y kang hawi vui ai,” nanai kani pri tavai luchi i Areng Tameuh my leu pei nai ne.

AMOS 8:14

Samari tameuh mynchi napi nai, ‘Dan tameuh’ ai py, ‘Beraseba mary i tameuh’ ai py, tau iy vaineng abeu reng nai khumichi ly ang thau teang pajau y na pa-rei atlym u ai,” napi.

AMOS 9:10

Kai i khumichi theung i, ‘Tameuh ly achi ai kamtang pei ai ny y,’ nanai thui nai kamngo awm nai ngiereichi ly tavai keung y dei u ai.”

MIKHA 3:1

Israela chengchi ai lu sa naichi awi, tangai u! Nangchi ly leu meitang naimy tara chih ai nai khumichi ne i py,

ZEPHANIAH 1:12

“Huni neng khala y kai ly maisi yhm syn iy, Jerusalem mary theung y hau ai. ‘Areng ly hawi nai, hawi y nai, ati sai py so vai y,’ nanai athang khai iy thui nai khumichi, amychi ai tahm apasang iy paleung tienem naichi ai, kai ly pajeng ai.

JAKOB 1:18

Achi ly mymy i atiti sa naichi theung y athai man nai kamta lawn thai ai nai, mymy i ngaingai leu meitang i saho y achi ai ang tapen.

JAKOB 5:5

Khaileaung pri y tlamsa naimy awm u iy, pasum u atyhtyh bo, tleh nai kani y ly nangchi i paleung y saw ala nai apacho u bo.

I PETERA 5:7

mymy ly nangchi ai dawn hai reng nai deaungkho y nangchi i paleung bi naira bawibawi ly mymy tleaung y amtei u bebe.

TARA CHIH NAI KEUNGCHI 18:7

Naibaly huni khumi leaung pangreichi ly Laisa mary mang y chei u bo. Huni mary i khumichi ly Sidon mary i khumichi kamta, awmnem naimy awm u nai ne nanai py, ami hawi py ka-jo ka-thui awm vai y nanai py, nichi ngai nai ngierei nga u nanai py, nichi ly Sidon mary i khumichi hawi khri pa-rei palo naira y awm nai ne iy khumi takhrachi hawi py amkawm u y nanai py pany u bo.