AMOS 5:22 - Khumi Common Language Bible

²² Nangchi i leng patlum nai kapathyp, teicha teinei talam naichi ai kai aly ngai y. Veung hawi nai tawnbawichi hawi apathyp nai py, kai aly ngai y.

AMOS 5:22 ပူးပေါင်းရင်းမြစ်များ

SAM 116:17

Kai ly nang teng y kawn nai kapathypra talam ai; nang teng y chiu sa ai.

SAM 40:6

Nang ly apathyp nai hawi katalamrachi aly ngai y bo. Maicham tleaung y bom verei leng patlum nai tawnbawichi ai py, kamngo pahen nai kapathyprachi ai py, nang ly hnei y leang. Na i py nang ly nang teng i leu thai ai nai kai ai kano pei nai ne.

SAM 50:23

Kawn nai leu thui nai ly kai ai tahm khai nai ne. Kai i leu tangai nai khumi bawibawichi ai meitang khyp, kaimy atleu ai,” nanai leu pei bo.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 21:27

Areng ly khumi hawi y naichi i, apathyp nai tawnbawichi ai niu ngai y. Chai y nai paleung hawi apathyp nai khala, niu ngai y keh nai ne.

ISAIA 1:11

Mymy ly “Nangchi avaw avawrei talam nai kapathyprachi ai kai aly ngai,” nanai athang khai u a? Nangchi i leng patlum nai beramchi hawi tawnbawichi i thauchi paleih na bo. Si, beram, mi-ichi i thichi ai py, kai paleung no y leang bo.

ISAIA 66:3

“Khumichi ly mychi i kangai sa u reng nai ne. Mychi i vui si tleh iy apathyp nai ly khumi ai padei iy apathyp nai hawi atawm. Beram pathyp nai hawi ui pathyp nai py vanrei ne. Amti amjang talam nai ly eu thi talam nai hawi atawm. Mui katui leng patlum iy talam nai ly myn ai chiu nai hawi atawm teang. Nichi ly amso ngai ai hawi chiu sa naichira y amo theu u lawh nai ne.

JEREMIA 14:10

Areng ly nichi i molam y, “Nichi ly kai teng i nai preang ai nai ngai u; mychi i kheu kan pakym ai nai ngai u y. Hunai deaungkho y kai ly nichi ai kawn y. Nichi i sa tamang naichi kapany pi jo iy, nichi ai kapajeng ai,” napi.

JEREMIA 6:20

Seba pri i dengdairei nichi syn nai kathan py, pri kamlora i syn nai mui katui py, kai aly ngai y. Nichi i katalamrachi kai ngai y; nichi i kapathyprachi py kai ngai y,” napi.

JEREMIA 7:21

Hina nai kamta ati cheaungkhang sa thai nai keung Israela chengchi i Areng Tameuh my leu pei nai ne. “Kai i khumichi awi, nangchi ly nangmychi cha ai avo nai tawnbawichi awm nai kamta, maicham tleaung y theng iy, bom verei leng patlum nai tawnbawichi py awm. Huni tawnbawi amjy nyhrei ai cho u.

Levi 7:11

Hini ly Areng teng y talam nai, leunghawi kapathypra i vui reitachi ne.

AMOS 5:23

Tyn tukulu nai khulym raawi py anawn u; nangchi i taro beu nai katynchi py, kai ly thai ai nai ngai y.

MALAKHI 1:9

Nangchi pathyp pi nai keungchi awi, achi ai hawi naira pei ai nai vai, Tameuh teng y hnei u cham. Mymy ly nangchi i chiu sa nai tangai pi ai ny y. Huna nai tym nai py nangmychi i kamngo nai deaungkho y ne.

1 SAMUELA 15:22

Samuela my, “Areng ly leng patlum nai kapathypra, napi nai katalamrachi talam nai hawi, mymy i leu pei nai tangai naichi theung y, ati ai ngai keh mo? Leu tangai nai ly veung hawi keh nai beram hawi pathyp nai tleaung y vang teng keh nai ne.