AMOS 5:21 - Khumi Common Language Bible

²¹ Areng my, “Nangchi i reita pawichi ai kaniu ngai y. Huni pawichi ai khrikhri pa-rei kapaso.

AMOS 5:21 ပူးပေါင်းရင်းမြစ်များ

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 21:27

Areng ly khumi hawi y naichi i, apathyp nai tawnbawichi ai niu ngai y. Chai y nai paleung hawi apathyp nai khala, niu ngai y keh nai ne.

LEU KACHENG 28:9

Reita leu pei naichi ai tangai y nai khumi i chiu sa nai ly Tameuh my paso ai.

ISAIA 66:3

“Khumichi ly mychi i kangai sa u reng nai ne. Mychi i vui si tleh iy apathyp nai ly khumi ai padei iy apathyp nai hawi atawm. Beram pathyp nai hawi ui pathyp nai py vanrei ne. Amti amjang talam nai ly eu thi talam nai hawi atawm. Mui katui leng patlum iy talam nai ly myn ai chiu nai hawi atawm teang. Nichi ly amso ngai ai hawi chiu sa naichira y amo theu u lawh nai ne.

JEREMIA 14:12

Nichi ly biu hai naimy kasabawmra hnei takeng teu i malawn py, kai ly khumichi i aeu nai raawi katangai pi ai ny y. Nichi ly kai teng y leng patlum nai kapathypra hawi katalamrachi talam i py, kai ly kawn pi ai ny y. Huna nai kakawn pi ai nai tleaung y ly tavai keung y dei hai ai. Takang theu hai iy no kanghawi y dei hai asi,” napi.

JEREMIA 6:20

Seba pri i dengdairei nichi syn nai kathan py, pri kamlora i syn nai mui katui py, kai aly ngai y. Nichi i katalamrachi kai ngai y; nichi i kapathyprachi py kai ngai y,” napi.

Ezekiela 23:18

Huni neampachy ly khumi mipuichi i mo y tlang ka-keu naimy awm iy, khumi lutengchi teng y, mymy ly kangji nang y nai bima ne, nanai apany hai bo. Kai ly ni i amjo ai paso nai kamta, ni ai py kapaso nai ne.

HOSEA 2:11

Ni i saneng tleirei sa nai pawi hawi lo tleirei sa nai pawi, anawn kani pawichi napi nai hawi, reita leu ka-rum bawibawichi kaimy anawn hai ai.

HOSEA 5:6

Mychi i beramchi hawi sichi ai Areng teng y apathyp ai nai syn u teu i py, atyhtyh teu. Mymy ly nichi ai khai su veng bo i, nichi ly mymy ai niu pajau u y leang bo.

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

Levi 26:31

nangchi i marychi kataphra pawn iy nangchi i chiu nai meingtymchi py phra hai ai. Nangchi i kapathyprachi py kang kawn pi ai ny y.

AMOS 4:4

Sa thai naira angym nai Areng my leu pei nai ly “Aw Israela khumichi awi, Bethela i kachai meingtym mang y chei iy, kamngo so u! Kilakala mary mang y chei iy khri pa-rei kamngo so u! Apathyp ai nai tawnbawichi khawn tleirei syn u. Kani thomrei y kanirei, nangchi i ko nai horei y harei syn u.

AMOS 4:5

Tameuh ai kawn nai leu thui nai tako talam u. Alyly naimy talam nai py nang Israela chengchi my thai hai iy amlyh u. Huna nai sa ai nai nangchi ngai, nanai leu pei nai ne.

AMOS 6:8

Kani pri tavailuchi i Areng my, “Israela i kamlyh ly kapaso. Nichi i tlamsa naimy awm nai yhm puichi py kapaso. Nichi i mary pui hawi mary theung y awm nai cheaungkhangchi ai, paleung ka-echi teng y kapei vui ai,” napi.

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

PHILIPI 4:18

Na i py kai ly ati cheaungkhang awm i, awm mamang bo; Epaphrodita i kiu y kai ai nangchi i atiti pa naichi ly kanga i, angym bo. Huni ly atiti mui katui, apathyp naira kawn ai ataing nai, Tameuh i ka-kawn ne.