AMOS 5:18 - Khumi Common Language Bible

¹⁸ Areng i neng kani ajeng nai khumi i vui ly khri pa-rei ka-jei hawi parai na ly! Huni neng kani ly nangchi ai ati kahawi ang sa pi thai ai mo? Kangvang by y naimy kaveng khiu nai neng kani naini tym ai.

AMOS 5:18 ပူးပေါင်းရင်းမြစ်များ

ISAIA 13:6

Ati cheaungkhang sa thai nai keung ly ka-jeira tym hai ai nai neng kani napi nai, Areng i tara chih nai neng kani ang tym hai ai mang.

ISAIA 24:18

Ka-jeira awm nai patangra i nai lawira nga ai nai atho sa nai khumi ly humra y tla ai. Humra i tleaung nai khumi ly deaungra y man ai. Kani mang dengdairei khri pa-rei kani nai iy, khaileaung i langdengchi anghyn ai.

ISAIA 5:19

Nangchi my, “Kaichi niu ai nai Areng ly mymy i leu pei nai kamta, so pi kaliki sy. Israela chengchi i chai parai nai Tameuh ly mymy i dawn tau naichi so pi takengkei na sy. Mymy i dawn tau nai achi khen u sina,” nanai thui lawh.

ISAIA 5:30

Huni neng khala nichi ly pangli tui amsau nai katyn kamta, raawi pajeng parai naimy Israela pri y aeu u ai. Huni pri ai khen u cham rai! Huni ly vengpam, ngari kamtang cheichei lawh ly! Kangvang ly kaveng theung y tama jo nai ne.

ISAIA 58:2

Nichi ly kai i reita sa patawm bo, nanai hawi, lam kateng sa bo, nanai py thui u iy, kai ai kani tleirei chiu u. Kai i parip nai saichi pany ai nai ngai u. Nichi ly kai ai chiu ai nai ngai u i, kai teng i leu meitang reitachi hnei u bo.

ISAIA 8:22

khaileaung y khen kathiu nai khala py, ngari kamtang hawi taham kasi veng nanai ny y baly, ati sai py niu u ai ny y. Huna nai jei hyn ai hawi nai taham kasi ly huni khumichi teng y tym ai.

ISAIA 9:19

Ati mana nai mo nabaly ati cheaungkhang sa thai nai Areng ly kado theu bo. Mymy i pajeng nai ly pri verei y mai kamta angveaung iy, khumichi ai tamyh pawn ai. Huna nai khala khumi luteng ly amy i vui tleaung ai nai atho sa u ai.

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

JEREMIA 17:15

Khumichi my kai ai, “Areng my kaichi ai pajei naichi ly ma mang y mo? Vaimy huni atitichi amteng hai sy!” napi u.

JEREMIA 30:7

Ka-jei awm nai neng kani ly ang tym dudu bo; takhra mani kani py, huni kani hawi ly pata pajau y. Huni kani ly Jakob cheng ngari kamtang avum ai nai kani ne. Na i py nichi ly dei y naimy heng u ai,” napi.

Ezekiela 12:22

Mymy ly “Nang khumicho awi, ati mana nai y Israela chengchi ly ‘Neng-tu naini khei jo iy leu pei naichi ly amcheang hai y,’ nanai thui achih nai leu ai avaw avawrei thui u tamyhtyh nai mo?

Ezekiela 12:27

“Nang khumicho awi, Israela chengchi my nang i paleung mei y niu naichi hawi, nang i amo leuchi ly palo parai nai mo mang i vui teu, nanai athang khai u bo.

JOELA 1:15

Areng i tara chih ai nai neng kani ly kasa bo. Huni neng khala, ati cheaungkhang sa thai nai keung my, khri pa-rei ka-jeira tym hai ai. Huni kani ly jei ai nai khri pa-rei hawi ai na a!

JOELA 2:10

Nichi ang jeu nai neng khala, kaleih theu. Kani khusang py amchyh neung na. Kanito hawi lo ly veng na bo i, ka-si taukichi py angvang y bo.

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

JOELA 2:31

Areng i ka-jei awm nai neng kani tym y rai khala, kanito ly veng ai. Lo py thi kamta pasen vui ai.

OBADIA 1:15

“Kai, Areng my khumi cheng cheaungkhangchi ai tara chih ai nai neng kani tym hai ai. Aw Edom pri awi, amichi ai nangmy i sa nai kamta amichi my nang ai ang sa u teang ai. Nang ly nangmy i pei nai kamta nga teang ai.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

Leu Thui Nai 32:24

Nichi ly kajeu kanglam hawi keaung nosora dei u ai; ka-jei awm nai no-na hawimy dei u bebe ai. Mawi kasichi ly nichi ai kei ai; pavui kangsochi my nichi ai patiu ai.

II PETERA 3:10

Na i py Areng i kani ly kangviu khumi kamta ang tym takengkei ai; huni neng y ly kani ly khrikhri pa-reityn naimy tama ai i, atiti pakeungchi ly khri pa-rei angngo nai mai y kang nai tama ai, khaileaung hawi huni theung y atiti sa naichi ly mai y kang hai bebe ai.

II PETERA 3:4

panui hai nai tarawi y ang tym iy, “Ni ly ang jeu bi ai nai leu adeu nai ly ma mang y mo? Amsi sangumchi i, i ngym veng nai kani i dengdairei khaileaung palum kha i nai kamta ly atiti bawibawichi ly awm veangveang chy bo,” nanai thui ai. Hini satang nichi ly tami akhikan :