AMOS 5:15 - Khumi Common Language Bible

¹⁵ Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

AMOS 5:15 ပူးပေါင်းရင်းမြစ်များ

2 SAMUELA 16:12

Areng ly kai i patang nai niu nai deaungkho y, huni khumi i pasawi nai jeng y, amtheaung naira ang pei tang ang pei lym ai,” napi.

1 ARENG KEH 20:31

Ni i miteaung kehchi ly ni teng y jeu u iy, “Israela samrangchi ly tamen naira awm, nanai kaichi thai; hunai y kaichi ai Israela samrang teng y chei ai nai pei ba. Kaichi ly akeng y paisiu apam iy, kaneaung y vuinawnchi api naimy chei u ai; ni ly nang ai padei y naimy ang khai lym ai,” napi u.

2 ARENG KEH 13:7

Suria samrang i khaileaung spryh kamta taphra naira avum nai deaungkho y, Jehoaha teng y keaungngo risa leaung vuipangrei, tavai ka-ri horei hawi tavaimi leaung 10,000 rei naini awm khyh bo.

2 ARENG KEH 15:29

Samrang Pekah my peang nai thym khala, Asuria empara samrang Tiklath Pilesa ly Ijon mary, Abelbet Maaka mary, Janoah mary, Kedesh mary, Hazo mary hawi Kilead pri, Kalili hawi Naphtali prichi ai peang vui iy, khumichi ai py Asuria pri mang y langheng y hawi pawn nai ne.

2 ARENG KEH 19:4

Asuria empara samrang ly tavailu areng keh ai pato iy, Tameuh kangheng ai thui tamawn nai leu thui hai bo. Nang i Areng Tameuh ly huni leu thai iy, huna nai thui nai khumichi ai kamngo pajeng na sy. Hunai deaungkho y dei kamthum khumichi i vui Tameuh teng y chiu so pi ba,” napi.

SAM 119:104

Kai ly reita leuchi theung i cheng naira nga nai deaungkho y, amhi amtlau nai sai hawi y nai ngiereichi ai, kaniu ngai y bo.

SAM 34:14

Hawi y nai ai en vui iy, hawi nai so u; tlamsa naira nga ai nai ham parai naimy atho so u.

SAM 36:4

Ni ly ira tleaung y aseaung nai thym khala, hawi y naichi dawn tau reng; ni i sa nai ngierei ly hawi y nai cheichei ne. Ni ly hawi y nai ai mana khala py khai su y.

SAM 37:27

Hawi y nai ai en vui iy kahawi phai so; hunaibaly nang i katu chanauchi ly pri y awm ai nai nga u jojo ai.

SAM 80:1

Israela chengchi i beram typ nai keung awi, kaichi i hnei takeng nai tangai pi kyh ba. Beram kanghuchi ai pahawi nai keung awi, kaichi i hnei takeng nai tangai pi kyh ba. Kheruben salo y awn nai keung awi,

SAM 97:10

Areng ly hawi y naira ai niu ngai y nai khumichi ai tamen; mymy i khumichi nang chawn nai ai ama hai; mymy ly nichi ai khumi hawi y naichi kiu i nai atleu bo.

THEU NAI 32:30

Kani pa-nyh y Mosi my Israela chengchi teng y, “Nangchi ly khri pa-rei kamngo sa tamang u bo. Vai, kai ly Areng awm nai mawi salo y lyn kalau ai; nangchi i kamngo lawira nga ai nai takeng pi ai i, nga tan nga lym ai,” napi.

JEREMIA 18:8

huni khumi chengchi ly uikheih u lawh baly, kai ly paleung amtlau ai i, vaichi khala thui naichi kaso y naimy awm ai.

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

JEREMIA 31:7

Areng my, Khumi cheng cheaungkhangchi theung y len keh nai Israela chengchi i vui amo theu parai naimy khulym thui u. ‘Areng ly mymy i khumichi ai atleu nai ne. Israela cheng theung i heng rai naichi ai atleu bo,’ nanai palo nai khulym thui u.

Ezekiela 45:9

Sa thai naira angym nai Areng my, “Israela samrangchi awi, nangchi i kamngo sa nai ly kra bo! Nangchi i khrukhra naira hawi kamjau kamteang sa nai ly anawn u. Kataw kateng hawi adyh adawi nairachi so u. Nangchi ly kai i khumichi ai mymychi pri i nai mana khala py patheu bi reng moh. Hini ly nangchi teng y sa thai naira angym nai kai, Areng my pei nai leu ne.

DANIELA 2:49

Daniela my hnei takeng nai kamta samrang ly Sadraka, Mesheka hawi Abedanekochi ai, Babulon pri khu ka-peangchi peang nai keung kalopchira y au bo. Daniela ai ly samrang i yhm theung y kalop sa hai nai ne.

JOELA 2:14

Nangchi i Areng Tameuh ly paleung amtlau tan amtlau lym ai i, nangchi ai amti amjang neangneangchi hawi amtheaung hai ai. Huna nai khala nangchi ly mymy teng y chohpui chomaw hawi, kreip hang katalamrachi talam u pajau ai.

AMOS 5:10

Tara jeungchira y teng y nai ai thui tamawn iy, leu meitang katheu nai khumichi ai naini, nangchi ly niu ngai u y lawh.

AMOS 5:24

Adyh adawi naira ly micheaung tui kamta, hawi naira ly tui kang vai y nai tavo kamta leaung na sy.

AMOS 5:6

Areng teng y chei u; hunaibaly nangchi heng u ai. Huna ny y baly mymy ly Israela khumichi i tlang tleaung y, mai kamta ang tym ai. Mai ly Bethela mary i khumichi kang be iy, huni mai ai ami py pathym pajau ai ny y.

AMOS 6:12

Keaungngochi ly lengseaung salo y angpreng reng a? Khumi ly si katai hawi pangli salo y li thawn vai sai a? Tuteu i malawn py nangchi ly adyh adawi naira ai dei asi kamta py, kateng ai teng y naira mang y py, tamang hai nai ne.

AMOS 7:3

Areng ly paleung amtlau i, “Nang i niu naichi tym y leang mang,” napi.

JONA 1:6

Naibaly samphora y lu sa nai miteaung keh ly chei i ni teng y, “Nang ly ati mana nai y i ngym vui lawh mo? Angthau ly nangmy i tameuh teng y achi ai atleu ai nai chiu so bei. Mymy ly achi ai pahen iy atleu tan atleu lym ai,” napi.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

MIKHA 2:12

“Kai ly nangchi theung y awm rai nai Israela cheng bawibawichi ai pangym ai. Hai theung y vawi ali teang nai beram kamta, nangchi ai kapangym ai. Sui tlai naira y beram neangneang angym iy, teicha tlai nai kamta, nangchi i pri y khumi neangneang awm u teang ai,” nanai pathang pi teang bo.

MIKHA 3:2

hawi nai kalop ai niu ngai y iy, hawi y nai kalop ai ly khrei u. Nangchi ly kai i khumichi ai kangheng tang my peih lei iy, hiura i bawichi tli u bo.

MIKHA 5:3

Hunai deaungkho y Areng ly neampachy my chapo tapen nai neng tym pa-rei, mymy i khumichi ai paleung ka-echi teng y khai su ai. Naibaly pri palara avum nai khumichi ly mymychi i nupaichi hawi amkawm u teang ai.

ZEPHANIAH 2:3

Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

MALAKHI 3:18

Huni bo y kai i khumichi ly khumi kahawi hawi, khumi hawi y naichi i avum nai ka-dawn atawm y nai py, kai ai chiu nai khumi hawi chiu y nai khumichi i avum nai ka-dawn atawm y nai py pany u ai,” napi.

ROM AVANGCHI TENG Y PAWLA I CHA PA NAI 12:9

Tamen naira ly tapawp naira abawi y nai ne sy. Kamngo mang y ly niu ngai u moh ly; kahawi mang y ly hawihai apatawm u.

ROM AVANGCHI TENG Y PAWLA I CHA PA NAI 7:22

Kai i paleung tatang y Tameuh i Reita tleaung y kakawn lawh veng;

ROM AVANGCHI TENG Y PAWLA I CHA PA NAI 8:7

ati mana nai mo nabaly tlang i ngai nai ly Tameuh ai tiu nai ne; huni ly Tameuh i reita anui y akhai y leang, akhai py akhai thai y leang:

III JOHAN 1:11

Ngai parai nai awi, kamngo ly amtiu moh ly, kahawi phai amtiu. Atiti kahawi sa nai keung ly Tameuh teng i nai ne; atiti kamngo sa nai keung ly Tameuh ai niu vai y leang.