AMOS 5:14 - Khumi Common Language Bible

¹⁴ Nangchi ly tlang heng ai nai molam y hawi y naichi khai su iy, kahawi naini hau ly so u. Hunaibaly nangchi thui nai kamta, kani pri tavailuchi i Areng Tameuh ly nangchi hawi vanrei awm takengkei ai.

AMOS 5:14 ပူးပေါင်းရင်းမြစ်များ

ATITI AWM ANGCHEI NAI 39:23

Theaung kry nai keung ly Josepha teng y kalop au nai bo y, mymy ly sai py dawn ai nai ngai bi y leang bo; ati mana nai mo nabaly Areng my Josepha ai awm hai nai deaungkho y, mymy i sa nai tleirei y eaung naira nga hai nai ne.

1 NENG SATANG 28:20

Samrang Davida ly chapo Solomon teng y, “Nang ly ka-ym awm iy vam nai paleung awm ba. Kalop so amteaung ba. Atiti my py nang ai paka moh sy. Kai i chiu nai Areng Tameuh ly nang hawi vanrei awm ai. Mymy ly nang ai khai su ai ny y. Achura yhm i vui ngai nai atiti sa naichi pajau pa-rei, nang hawi vanrei awm hai ai.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 97:10

Areng ly hawi y naira ai niu ngai y nai khumichi ai tamen; mymy i khumichi nang chawn nai ai ama hai; mymy ly nichi ai khumi hawi y naichi kiu i nai atleu bo.

THEU NAI 3:12

Tameuh my, “Kai ly nang hawi vanrei awm ai; kaimy nang ai kang pato nai ka-ma-ra ly nangmy huni khumichi ai Aikupta pri i dengdairei pahawi nai khala, nangchi bawibawi ly hini mawi y kai, Tameuh ai chiu u ai,” napi.

LEU KACHENG 11:27

Khumichi ly hawi naira athang khai nai khumi ai tahm khai u ai; patang naira kadeaung nai khumi ly patang naira naini avum ai.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

ISAIA 8:10

Nangchi sa ai naichi dawn pasym u! Na i py huni pasym yb naichi ly mana khala py eaung ai ny y. Nangchi thui ai ngai nai leuchi thui u. Na i py hunichi ly ati sai py ny y ai. Ati mana nai mo nabaly Tameuh ly kaichi hawi vanrei awm nai deaungkho y ne.

AMOS 3:3

Khumi leaung nyhrei ly adeu yb y naimy, khuleaung vanrei chei hawi thai na a?

AMOS 5:6

Areng teng y chei u; hunaibaly nangchi heng u ai. Huna ny y baly mymy ly Israela khumichi i tlang tleaung y, mai kamta ang tym ai. Mai ly Bethela mary i khumichi kang be iy, huni mai ai ami py pathym pajau ai ny y.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

ZEPHANIAH 2:3

Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

Kati Nai 16:3

Nichi bawibawi ly Mosi hawi Aron i mo y jeu achu u iy nini teng y, “Nangni i sa nai sai ly rawn ala bo! Israela cheng bawibawichi ai Areng my vawi iy, Areng ly khumi bawibawichi hawi vanrei awm nai ne. Huna nai y Mosi ly ati mana nai y Areng i khumi mipuichi theung y amymy ai tahm apasang lawh mo?” napi u.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

II TIMOTHEI 4:22

Areng ly nang i phailo teng y awm sy. Pahenra ly nangchi teng y awm sy.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.