AMOS 5:12 - Khumi Common Language Bible

¹² Nangchi ly mana tanrei kamngo sa tamang iy, nangchi i kamngo ly mana tanrei jei ai hawi na mo, nanai kai pany. Nangchi ly khumi kahawichi ai ana iy, un tangka cha u. Khumi kamawnchi ai kateng chih y naimy, nichi ai tara jeung i dengdairei patheu u nai ne.

AMOS 5:12 ပူးပေါင်းရင်းမြစ်များ

JOBA 20:19

Ni ly khumi kamawnchi ai ana iy tahm khai y naimy, ami i sa yb nai yhm hlauchi lawm vui nai deaungkho y, my i yhmtheaung katui amtym ai ny y.

JOBA 31:21

Kai ly tara jeng y eaung ai, nanai pany iy, nurocho leaungrei ai li-tapawp lawh teu baly,

SAM 127:5

Hunai kamta thailiho chyn neangneang awm nai khumi ly taham hawi; ni ly paleung ka-echi hawi tara chih nai jeung y avum nai khala sum y ai.

THEU NAI 23:3

Tara chih nai khala y khumi kamawn nai deaungkho y, khumi kamawn mang y teng y nai pany hai nai keung lawm moh.

THEU NAI 23:6

“Khumi kamawn ai tara chih nai khala y, tara lam teng y nai chih pi moh.

LEU KACHENG 17:8

Un langseaung ly mei amhyp patei pi nai kamta, eaung naira pei reng, nanai khumi phyreichi athang khai u. Un langseaung ly ati mora py sa hai pajau, nanai ym u nai ne.

LEU KACHENG 22:22

Khumi kamawn i kamawn nai molam y, ni i vawnsai lawm moh. Tara jeung y jeaungmang nai khumi ai ano moh.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 10:2

Hina nai kamta nangchi ly khumi kamawnchi ai mychi nga ai avo naichi ngo thai y ai nai, nangchi ly reita kateng tara chih ai nai so u y. Lumai cheaungtichi hawi nuro nukai chochi i vawnsaichi py la pi pawn nai ne.

ISAIA 29:21

Tameuh ly ami ai kangji pei naichi, reita taphra nai khumi ai pajeng naira avum y pa-rei sa vui naichi hawi, khumi kahawichi my ka-dyh ka-dawi tara chih nai lei amcheang y ai nai, ka-chawi naimy pany hai nai khumichi ai tamyh ai.

ISAIA 33:15

Nangchi ly leu kateng thui katheu u ai nabaly, dei y naimy awm pajau nai ne. Khumi kamawnchi ai li-tapawp ai nai, nangchi i sa thai naira teaung u moh. Un langseaungchi py talam u moh. Khumi ai padei ai nai, takhra hawi y naichi sa ai nai ka-dawn awm naichi hawi amkawm u moh.

ISAIA 47:9

Na i py nang ly kanirei y my, tanarei sala y my, hini amjy nyhrei avum ai. Atam kakawp bawibawichi ai teaung i py, cho chanauchi dei nai my lumai lawm ai.

ISAIA 5:23

Na i py nangchi ly un langseaung nga lawh teu baly, sa tamang nai khumichi ai pajeng y naimy patleaung vui iy, tamang y nai khumichi ai ly kataw kateng chih pi u y.

ISAIA 66:18

Nichi i sa nai, dawn naichi kai pany. Kai ly pri tlei tleireichira i khumichi ai kachu ai nai kang jeu ai. Nichi ly akachu u nai khala y kai i sa thai naira mana tanrei ham na mo, nanai niu u ai. Mymychi ai pajeng nai keung ly kai naini ne, nanai py pany u ai. Na i py kai ly phyreichi ai tlamsa naira pei ai. Kai ly nichi ai kai i satang thai vai y, kai i sa thai naira len parai nai niu vai y nai

JEREMIA 29:23

Hini ly nichi i vui khym taham lawm ai; ati mana nai mo nabaly khri pa-rei kamngo sa u nai deaungkho y ne. Nichi ly ami i aju chanauchi ai taphra u iy, Areng i amyn y ka-chawi leu thui u bo. Huna nai sa naichi ly Areng i kangai hawi amlau y. Mymy ly nichi i sa nai saichi ai chaipyn pa-rei pany nai keung ne. Hini ly kai, Areng i thui nai leu ne,” napi.

TANGAM NAI LEU 3:34

Achi theaung tla iy paleung ka-dawn phra nai thym khala py, mymy ly pany pi nai ne.

Ezekiela 13:22

“Nangchi ly kaimy paleung phra hai ai ngai y nai kai i khumichi ai leu ka-chawi teaung iy, paleung phra atho di hai bo. Nangchi ly khumi hawi y naichi ai, hawi y nairachi khai su y ai nai atho pei nai deaungkho y, nichi i hengra chau hai bo.

HOSEA 5:3

Kai ly Israela chengchi i satang pany nai deaungkho y, nichi i hawi y sa nai taphum ai nai ngo y. Nichi ly kai i tlang tleaung y ka-ym by y nai deaungkho y, kai hawi ataing y leang bo,” napi.

AMOS 2:16

Huni kani y sorai keh nai risachi malawn py, mymychi i tavai ateaungchi khai su iy, angpreng u pawn ai,” nanai Areng my thui nai ne.

AMOS 2:3

Kai ly Moba samrang ai kapadei ai; Moba pri i lu sa nai keung bawibawichi ai tleh pawn ai,” napi.

AMOS 5:10

Tara jeungchira y teng y nai ai thui tamawn iy, leu meitang katheu nai khumichi ai naini, nangchi ly niu ngai u y lawh.

AMOS 5:7

Khumichi i nga ai avo naichi ai athorei my paka iy, leu meitang taphra nai khumichi awi, nangchi ly taham kasi avum takengkei ai!” napi.

AMOS 8:4

Nangchi i pri theung y kajeu alam naichi ai chiu piupa iy, khumi kamawnchi ai ana nai khumichi awi, hini leu tangai u.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MIKHA 7:3

Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

AMTAW 7:52

Nangchi i amsi sangumchi my amochi theung y ano y nai ly ami awm mo? Khumi Kahawi jeu ai nai satang thui pi rym nai keungchi ai py nichi padei; ni ai ly patiu hai nai keungchi hawi, padei nai keungchi py vai nangmychi lawn u bo;

Leu Thui Nai 16:18

“Nangchi i Areng Tameuh my pei nai mary tleirei y, tara chih nai keungchi hawi takhra miteaung kehchi khai ai nai tla. Nichi ly meimai khen y naimy, tara chih ai nai tla.

Leu Thui Nai 31:21

ka-jei awm nai patangrachi khri pa-rei avum u ai. Na i py nichi i pany nai ka-ma-ra lawm ai nai hini khulym ly thui u ai nai tla. Kaimy pei ai adeu nai pri y kapahawi y rai khala my, nichi i paleung theung y dawn naichi kapany,” napi.

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.

JAKOB 5:6

Khumi kahawi ai ly nangchi my pasum iy padei i, ni my ly nangchi ai paka y leang.

RUTHI 4:1

Boaza ly mary apai pa-kho leu arum nai meingtym y chei i hu y ateh bo. Naibaly Elimeleka i amjo amnau yhmtheaung kamtym kypkyp ly tym i, ni ly vaichi khala Boaza my thui nai khumi ne. Boaza my ni ai palau i, “Amjo amnau ngai parai nai awi, hi mang y jeu ly ateh rai,” napi. Naibaly mymy ly chei tapai i hu y ateh bo.

1 SAMUELA 8:3

Na i py nini ly ampo i lawi hui y; paisa tangka nga ai nai mang y naini paleung apei khyh; hunai deaungkho y unchi talam i, leu meitang tara chih pi vai y leang bo.