AMOS 5:11 - Khumi Common Language Bible

¹¹ Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

AMOS 5:11 ပူးပေါင်းရင်းမြစ်များ

JOBA 20:19

Ni ly khumi kamawnchi ai ana iy tahm khai y naimy, ami i sa yb nai yhm hlauchi lawm vui nai deaungkho y, my i yhmtheaung katui amtym ai ny y.

ISAIA 16:10

Vai ly pa-tiu khuta hawi nai lichira y amo theu nai khumi by y; kreip akhobaichi ra y khulym thui aeu nai khumi by y. Kreip athaichi ati iy kreip hang sa nai khumi py by y veng bo. Amotheu aeu nai khumichi ly tama pawn bo.

Ezekiela 26:12

Paleung ka-echi ly nang i yhmtheaung katuichi hawi vawnsaichi la u pawn ai. Nang i lengseaung apaichi panawi iy, nang i apu parai nai yhmchi taphra u ai. Nangchi i lengseaungchi, dengkeaungchi hawi yhm kaphrachi ai, pangli theung y aphi ai.

Ezekiela 34:21

Nangchi ly no nai beramchi ai tengpang mang y ie vui iy, beram kanghu theung i nai, taki hawi deng u phro bo.

HOSEA 9:2

Na i py kra y nai sala y nangchi ly choh bai palo, olive asitui hawi kreip hangchi cha nei ai nai nga ai ny y.

Levi 26:16

kai ly nangchi ai kang pajeng ai; asi sa iy hawi thai y nai no-na mo, mei paju hai nai hawi atho di hai nai no-na mo, nangchi teng y kang tym hai ai. Nangchi ly amti amjangchi pati i py, kamran by y ai; ati mana nai mo na baly nangchi i paleung ka-echi ly nangchi ai tiu nai pajau ai i, nangchi i pati nai amti amjangchi cha u pawn nai deaungkho y ne.

AMOS 2:6

Areng my, “Israela khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kalai pe pajau y nai khumi kahawichi hawi, phainai makengrei vang malawn py kalai pe pajau y nai khumi kamawnchi ai, miseaung y jo u bo.

AMOS 2:7

Nichi ly atho di nai khumi hawi jeaungmang nai khumichi ai chiu iy, khumi kamawnchi ai nui u pawn nai ne. Ampo hawi chapo ly miseaung neampachy leaungrei hawi i ahawi mei naimy, kai i amyn kachai ai tahm anem hai bo.

AMOS 3:15

Kai ly kanipui yhm ka-jeaungchi hawi kaseih neng i yhmchi py taphra pawn ai. Kasai nuh hawi ka-pu sa nai yhmchi py anawi iy, yhm pui ka-jeaung ngiereichi py phra ai,” napi.

AMOS 3:9

Asadod hawi Aikupta pri samrang i yhmchi theung y awm nai khumi bawibawichi teng y hina nai thui. “Samari mary tengpang y awm nai mawi aheungchira y akachu u ly huni mary theung y sa nai kamngochi hawi khru-nganglang naichi ai khen u cham.”

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

AMOS 6:11

Areng my leu pei nai deaungkho y, yhm katheang kalenchi ly phra seaungkhrang ai.

AMOS 6:12

Keaungngochi ly lengseaung salo y angpreng reng a? Khumi ly si katai hawi pangli salo y li thawn vai sai a? Tuteu i malawn py nangchi ly adyh adawi naira ai dei asi kamta py, kateng ai teng y naira mang y py, tamang hai nai ne.

AMOS 8:4

Nangchi i pri theung y kajeu alam naichi ai chiu piupa iy, khumi kamawnchi ai ana nai khumichi awi, hini leu tangai u.

AMOS 9:14

Kai ly kaimy i khumichi ai, mychi i pri y kapahawi ali teang ai. Nichi ly phra nai marychi sa teang iy, huni marychira y awm ai nai nga u teang ai. Kreip akhochi sa iy kreip hang nei ai nai nga u ai. Akho baichi sa u iy amy i pati nai amti amjangchi ai amychi my cha ai nai nga u ai.

MIKHA 1:6

Hunai deaungkho y Areng my, “Kai ly Samari mary ai daichi theung y mary kaphra kamta, kreip keung ui nai meingtym kamta, lawm hai ai. Kai ly mary kaphrachira i lengseaungchi ai, leaunghawi mang y adi heu vui iy, mary langdeng ai py kapatheaung phro vui ai.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

MIKHA 6:15

Nangchi ly amti amjang pati u i py, pateung achu ai nai ngo y ai. Nangchi ly olive asitui nip i py, cha ai nai ngo y ai. Kreip athai ati i py, kreip hang nei ai nai nga ai ny y.

ZEPHANIAH 1:13

Khumi takhrachi ly huni khumichi i yhmtheaung katuichi lawm iy, nichi i yhmchi taphra u ai. Nichi ly mychi sa nai yhmchira y, mana khala py awm ai nai nga u ai ny y. Mychi i ui nai kreip akhochira i kreip hang py, nei ai nai nga u ai ny y,” napi.

HAKAI 1:6

Nangchi ly chohpui chomaw neangneang pati u teu i py, maidenreichy naini pakym u khyh. Nangchi teng y teicha teinei awm i py, bym pa-rei cha ai nai aleu y, kreip hang awm i py pavui na pa-rei nei ai nai aleu y, baichu ateaungchi awm i py bi-um na pa-rei ateaung ai nai alawn y, kalop sa keung py kajeu ka-rei kawi pa-rei, sa nai vang ngo y.

MALAKHI 1:4

Esaw i katu chanau Edom khumichi my, “Kaichi i mary ly phra pawn teu i py, hunichi ai kaichi my palum teang ai,” nanai thui u lawh teu baly, ati cheaungkhang sa thai nai Areng ly” Nichi so u palai teang teu sy; huni marychi ai kaimy taphra teang ai. Khumichi ly huni khumichi ai “Kamngo chochi” nanai py, Areng my kado theu hai jojo nai chengchi, nanai py palau ai,” napi.

Leu Thui Nai 28:30

“Nang hawi apom ai nai angam yb nai neampachy ai takhra khumi leaungrei my pom vui ai. Nang ly yhm sa i py, huni yhm y awm ai nai ngo y ai. Nang ly kreip akho sa i py, athai cha ai ny y.

JAKOB 2:6

Na i py nangchi ly khumi kamawn ai tapheaung lawh. Khumi kanangchi ly nangchi ai ana, naibaly tara chih naira yhm y ang ryh reng nai ny y a?