AMOS 4:13 - Khumi Common Language Bible

¹³ Mawichi ai sa iy ali aho hai nai keung ly Tameuh ne. Mymy ly my i dawn naichi ai khumichi teng y pany hai bo; mymy ly kanithun ai vum mang y angpeang hai bo. Mymy ly kani khaileaung i asang keh nai mang aleaung nai ne. Mymy i nang parai nai amyn ly ati cheaungkhang sa thai nai Areng Tameuh ne.

AMOS 4:13 ပူးပေါင်းရင်းမြစ်များ

JOBA 9:7

Tameuh ly kani si hai y ai nai hawi, ka-si taukichi avang hai y ai nai sa thai naira awm.

SAM 135:7

Mymy ly khaileaung katem mang dengdairei khupanymchi sau hai i, alipui khupui aho ai nai i vui y, amlosadichi sa pi nai ne; ali ai py mymy i yhm theung i nai patheu bo.

SAM 139:2

Nang ly kai i sa nai ngiereichi pany; kai i dawn pasym nai ngiereichi ai kamlo mang my pany nai ne.

SAM 147:18

Hunaibaly mymy ly leu pei nai deaungkho y, tuikhichi ly tlawn veng na; ali ai aho hai nai deaungkho y, tui ly leaung na bo.

SAM 65:6

Nang ly sa thai naira hawimy mawichi ai meingtym tasyh iy, nang parai nai sa thai naira pateng bo.

THEU NAI 10:22

Mosi ly kani mang y kiu pheu i, Aikupta pri y kani thomrei veng cheng bo.

THEU NAI 14:20

Aikupta tavaimichi hawi Israela tavaimichi sala y awm pi khyp nai ne. Tamai angjawi ly Aikupta chengchi mang y veng hai cheng iy, Israela chengchi mang y angvang hai phang bo. Hunai deaungkho y nichi ly mang mang akai thai y nai ne.

ISAIA 40:12

Suida pangli tui ai kiu padawi hawi neh nai khumi, ti y baly kani khusang ai kiu hawi kah iy pata pajau nai khumi awm a? Khaileaung kathau ngiereichi ai khaura y khai pajau nai khumi, ti y baly mawi katheang kalenchi ai, sie khyry hawi neh pajau nai khumi awm a?

ISAIA 45:7

Kai ly kangvang hawi kaveng ai sa. Amtheaung naira hawi ka-jeira ai py sa. Kai, Areng ly hini bawibawichi ai sa nai ne.

ISAIA 47:4

Israela chengchi i chai parai nai Tameuh ly kaichi ai law tleaung hai bo. Mymy i amyn ly ati cheaungkhang sa thai nai Areng ne.

ISAIA 48:2

Huna nai ne teu i py, nangchi ly nangmychi my chai parai nai marychochi nanai py, ati cheaungkhang sa thai nai Areng napi nai Israela chengchi i Tameuh ai paleung pado u nai khumichi nanai py, amlyh u nai ne.

ISAIA 5:30

Huni neng khala nichi ly pangli tui amsau nai katyn kamta, raawi pajeng parai naimy Israela pri y aeu u ai. Huni pri ai khen u cham rai! Huni ly vengpam, ngari kamtang cheichei lawh ly! Kangvang ly kaveng theung y tama jo nai ne.

JEREMIA 10:13

Mymy leu pei nai khala y kani khusang salo i tuichi ly katyn amsau na bo. Mymy ly khuteng taki i dengdairei, khupanymchi sau hai nai ne. Kani nai thym khala amlosadichi theu hai iy, mymy paeaung naira i alichi ai py aho hai bo.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

JEREMIA 46:18

Ati cheaungkhang sa thai nai keung kai, Areng ly samrang ne. Kai ly heng nai Tameuh ne. Tabor mawi ly mawi cheaungkhangchi tleaung y asang keh nai kamta py, Karamela mawi py pangli sahawi y asang parai naimy awm nai kamta py, nangchi ai ang tiu ai nai khumi ly khri pa-rei atho awm ai.

JEREMIA 51:16

Leu pei nai khala kani khusang salo i tuichi ly katyn amsau nai ne. Mymy ly khaileaung katem mang dengdairei khupanymchi sau hai bo. Kani nai thym khala, amlosadichi theu hai iy, mymy i takunra i ali ai py aho hai bo.

JEREMIA 51:19

Jakob i Tameuh ly mynchi kamta ny y; mymy ly ati cheaungkhang sa nai keung ne iy, Israela chengchi ai mymy i khumi palawn ai nai vawi takhra bo. Mymy i amyn ly ati cheaungkhang sa thai nai keung Areng ne.

DANIELA 2:28

Na i py thiu parai nai saichi ai pany hai nai Tameuh ly kani pri mang y awm. Huni Tameuh ly mo mang i neng y mana tym ai mo, nanai samrang nang pany ai nai pei bo. Samrang nang i nai thym khala y, niu nai amang ly vai, kaimy thui pi ai.

DANIELA 2:30

Tameuh ly huni thiu parai nairachi ai kai teng y pany hai nai ly kai ly takhra khumichi tleaung y, tau cheng nai deaungkho y ny y leang. Samrang nang ai amang i awm nai sai pany ai nai hawi, paleung theung y adawn pasym nai saichi pany hai ai nai ne.

HOSEA 12:6

Hunai deaungkho y Jakob i kangpreangchi awi, nangmychi i Tameuh ai ym iy mymy teng y vawi u teang ba, ka-ym awm u, kahawi so u, nangmychi i Tameuh ai paleung sau parai naimy ajeng u.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

AMOS 3:13

Kani pri tavailuchi i Areng my, “Kai i thui nai leu ai vaimy tangai ly Jakob i kangpreangchi teng y pany hai ai nai thui pi.

AMOS 5:27

Kai ly nangchi ai Damaska mary vai mang y, langheng y kang hawi vui ai,” nanai kani pri tavai luchi i Areng Tameuh my leu pei nai ne.

AMOS 5:8

Areng ly ka-si taukichi ai sa. Mymy ly ka-si niprawn hawi eupui eulo ka-jeaung ka-si ai py sa nai ne. Mymy ly kaveng ai kangvang lawm hai iy, kanithun ai py vum lawm hai bo. Mymy ly pangli tui bawibawichi ai palau iy, khaileaung salo y leih nai ne. Mymy i amyn ly Areng ne.

AMOS 6:8

Kani pri tavailuchi i Areng my, “Israela i kamlyh ly kapaso. Nichi i tlamsa naimy awm nai yhm puichi py kapaso. Nichi i mary pui hawi mary theung y awm nai cheaungkhangchi ai, paleung ka-echi teng y kapei vui ai,” napi.

AMOS 8:9

Kai ly huni kani y kanithun teng nai khala kani dym hai ai i, kanithun nai khala my khaileaung pri verei, kaveng my khiu hai ai, nanai kai sa thai naira angym nai Areng my leu pei bo.

AMOS 9:6

Areng ly kani mang y mymy i yhm sa nai ne. Khaileaung salo y alumkum nai kani khusang ai khai bo. Pangli tuichi ai palau iy khaileaung salo y leih bo. Mymy i amyn ly Areng ne!

MIKHA 1:3

Areng ly mymy i meingtym kachai mang ang jeu kathiu iy, mawichi saleung y aleaung ai.

HABAKKUK 3:19

Ati cheaungkhang sa thai nai keung Areng ly kai ai atho pei bo. Nang ly kai ai sitha kamta kheu khaw hai iy, mawichira y chymme naimy khai bo.

ZEKHARIAH 12:1

Hini leu pei nai ly Israela chengchi i vui Areng teng i tym nai leu ne. kani khusang ai khiu iy khaileaung ai sa chum baly, khumi angsochi ai hengra pei nai keung Areng my leu pei nai ly

MATTHAI 9:4

Naibaly Isu ly nichi i dawn nai ly pany i, “Nangchi ly ati mana nai nangchi i paleung y kamngo nai dawn u lawh?

JOHAN 2:25

ati mana nai mo nabaly mymy kypkyp ly khumi i paleung theung y awm nai ngierei pany.

JOHAN 3:8

Ali ly ma mang y py ngaingai ra y theu, tyn ly nang thai, na i py ma mang i dengdairei theu nai mo, ma mang y aho nai mo, nanai nang pany y; Phailo i tapen nai ngierei ly hunai kamta ne teang, “napi.

Leu Thui Nai 32:13

“Mymy ly mymy i khumichi ai mawitleaung prichi peang hai iy, li hlauchira i theu nai amti amjangchi cha hai bo. Nichi ly lengseaung ka-kochira i khawi hang py, leungchip khaileaung y prau nai olive keungchira i asituichi py nga u nai ne.

Leu Thui Nai 33:29

Israela chengchi awi, nangchi ly khri pa-rei taham hawi! Areng my nangchi ai atleu nai deaungkho y, nangchi ly asa takhra nai cheng ne. Nangchi ai ama hai ai nai hawi paleung ka-echi ai eaung ai nai Areng mymy kypkyp ly nangchi i khupui hawi haisau ne. Nangchi i paleung ka-echi ly pahenra nga ai nai ang jeu u ai, naibaly nangchi ly nichi ai chiu u piupa vui ai.