AMOS 3:14 - Khumi Common Language Bible

¹⁴ Kai ly Israela chengchi ai pajeng nai kani y, Bethela maichamchi ai taphra vui ai. Maicham tleirei i takichira y awm nai taki kamsuichi tameang iy, khaileaung y tla hai ai.

AMOS 3:14 ပူးပေါင်းရင်းမြစ်များ

2 ARENG KEH 23:15

Samrang Joseah ly Israela chengchi ai kamngo lam mang y pahawi nai keung, Neba i chapo samrang Jeroboam i Bethela meingtymra y sa nai chiu naira meingtymchi py, taphra pawn. Joseah ly maichamchi panawi pawn iy, Aser tameuh nu teng y talam nai tamkhawn py mai leng vui bo.

2 NENG SATANG 31:1

Pawi lui nai bo y Israela cheng bawibawichi ly Juda pri mary tleirei y chei iy, lengseaung leungchengchi hawi tameuhnu Asherah i tamkhawnchi taphra u. Maichamchi hawi myn chiu nai maichamchi py panawi u bo. Nichi ly Juda khu ka-peang, Benjamin khu ka-peang hawi Manase khu ka-peangchira py, hina nai kamta sa u chum baly, mymychi i yhm mang y vawi u nai ne.

THEU NAI 32:34

Vai chei iy nang teng y kang thui pi nai meingtym y tym pa-rei nichi ai pahawi; kai i angel my nang ai lam patei ai; na i py hini khumichi i kamngolai kapajeng ai nai neng tym ai mang,” napi.

AMOS 2:8

Chiu naira meingtym tleirei y khumi kamawnchi teng i kalai atheu nai kanihchi bai iy, i u nai ne. Nichi ly kalai awm nai khumichi teng i kalai atheu nai kreip hang ai, mychi i chiu nai Tameuh i achura yhm y nei u bo.

AMOS 4:4

Sa thai naira angym nai Areng my leu pei nai ly “Aw Israela khumichi awi, Bethela i kachai meingtym mang y chei iy, kamngo so u! Kilakala mary mang y chei iy khri pa-rei kamngo so u! Apathyp ai nai tawnbawichi khawn tleirei syn u. Kani thomrei y kanirei, nangchi i ko nai horei y harei syn u.

AMOS 7:10

Naibaly Bethela i pathyp pi nai keung Amaziah my Israela samrang Jeroboam teng y, “Amo ly samrang nang ai ka-awi sa ai nai khumichi theung y dawn paviu bo. Ni i thui nai leuchi molam y pri phra ai.

AMOS 7:13

Bethela mary y jeu iy amo leu thui bi moh jau. Hini meingtym ly samrang mymy kypkyp i chiu nai, cheng theaung achura yhm ne,” napi.

AMOS 7:9

Isaka i kangpreangchi chiu nai meingtymchi phra ai. Israela pri i meingtym kachai ngierei ai, khaileaung ka-keu naini lawm hai ai. Kai ly samrang Jeroboam i samrang kangpreang deung tlum hai ai,” napi.

AMOS 9:1

Kai ly maicham sahawi y angdo nai Areng ai niu bo. Mymy i leu pei nai ly “Achura yhm verei ahyn kanangkang na pa-rei ahyn hai ai nai Achura yhm i yhmmawm meaung pakhau peu. Hunichi ai pakhau peu iy khumichi i lu tleaung y tlo hai. Huni bo i khumichi ai ly tavai keung y kapadei ai. Ami py tleaung ai ny y, mani khumi py law tleaung pajau y ai.