AMOS 1:14 - Khumi Common Language Bible

¹⁴ Hunai deaungkho y kai ly Rabah mary apaichi salo y mai kani nai hai iy, Rabah amtangra yhmchi ai maidym satlawi palawn vui ai. Naibaly tavai atiu nai kani y aeu nai katyn amsau nai thai iy, atiu nai ly ali kamchai kamta, khri pa-rei ho na ai.

AMOS 1:14 ပူးပေါင်းရင်းမြစ်များ

2 SAMUELA 11:1

Huni saneng nisa theu nai, samrangchi tavai atiu reng nai neng tym nai khala y, Davida ly Juaba ai my i tavai luchi hawi, Israela tavaimi kamkawmchi ai pato i, nichi ly Ammon khumichi ai tiu nai pajau iy Rabah mary ai taki meuh vui bo. Na i py Davida ly Jerusalem mary y awm jo nai ne.

2 SAMUELA 12:26

Huna nai thym khala y Juaba ly Ammon pri i mary pui Rabah mary ai tiu i, peang vui ai nai thym khala y,

2 SAMUELA 12:31

Huni mary i khumichi ai hawi i, rawchi, phalavachi, atiuchi hawi sa nai kalop py, iukhi sa nai kalop py sa hai bo. Samrang ly Ammon pri i takhra marychira i khumichi ai py, hina nai kamta sa hai. Naibaly mymy hawi mymy i khumichi ly Jerusalem mary y vawi u bo.

1 NENG SATANG 20:1

Saneng pa-nyh nisa katheu, samrangchi tavai amsa reng nai neng khala, Juaba ly tavaimichi ai lu sa iy, Ammon pri mang y tavai thau nai Rabah mary ai katanmeuh bo. Davida ly Jerusalem mary y awm nai ne. Juaba ly Rabah mary ai katanmeuh nai tiu iy taphra vui bo.

JOBA 39:25

Nichi ly baw katyn thai nai tleirei, noseng eng u reng; kamlo mang my tavai atiu nai katyn patawm thai; tavai luchi i aeu iy leu pei nai raawi thai u nai ne.

SAM 83:15

nangmy i ali kani hawi nichi ai kamlo mang y paryh pawn ba; nangmy i ali kamchai hawi nichi ai jei hai ba.

ISAIA 29:6

Ati cheaungkhang sa thai nai Areng ly ali pui khu puichi, kalei theu hai naichi hawimy katyn amsau iy nangchi ai atleu ai. Mymy ly ali kamchaichi hawi mai kadeu py pato ai.

ISAIA 30:30

Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

ISAIA 9:5

Tiu ai jeu nai tavaimi paleung ka-echi i phainaichi hawi thi akau nai ateaungchi ly mai leng pawn nai avum u ai.

JEREMIA 23:19

Mymy i kado theu naira ly khumi hawi y naichi i lu y aho nai ali kamchai hawi atawm nai ne.

JEREMIA 49:2

Na i py kai ly Rabah mary i khumichi ai tavai atiu nai katynchi thai ai nai neng tym hai ai. Huni mary ly phra naimy huni i avangchi py mai y kang ai. Huna nai khala y Israela chengchi ly mychi i pri peang vui nai khumichi kiu i, pri nga u ali teang ai.

Ezekiela 21:20

Taphra nai haisau tym ai nai ka-ma-ra harei ly Ammon pri Rabah mary mang y lam patei ai i, takhra ka-ma-ra harei ly Juda pri khaw parai nai Jerusalem mary mang y lam patei ai.

Ezekiela 21:22

Huna nai khala, ‘Jerusalem,’ nanai tajiu nai ka-ma-ra thaicheng ly ni i lamtang kiu y tym bo. Huni thaicheng ly ni teng y mary apai taphra ai nai dengkeaung beangpuichi tai iy tiu ai nai leu pei nai tavai kachyh nai katyn aeu ai nai py, katheu taphra ai nai dengkeaung beangpui ai py, abyhra khaileaungchi taphum nai hawi abyhra amkeuchi tai ai nai py thaicheng my patei ai.

Ezekiela 21:25

“Nang khumi aso y nai Israela samrang awi, nang i khym taham tla ai nai neng kani, nang ai kangkhym kangtem pajeng ai nai neng kani ly tym bo.

Ezekiela 25:5

Rabah mary ai kula-iu hai, Ammon pri verei y beramchi sui tlaira lawm hai ai. Hunaibaly kai ly Areng ne, nanai nangchi pany u ai.

Ezekiela 25:7

Ati mana nai mo na baly kai i kiu pheu iy nangchi ai tiu ai nai khumi takhrachi i kiu y kaimy pei ai. Kai ly nangchi ai tamyh pyn ai nai pa-rei kasa ai i, nangchi ly nangmychi i saleaung y awm ai nai nga u ai ny y. Khumi cheng harei kamta py angdo u pajau ai ny y. Huna nai khala kai ly Areng ne, nanai nangchi pany u ai,” napi.

DANIELA 11:40

“Suria samrang my peang nai deung tlum nai neng kasa nai khala y, Aikupta samrang ly huni samrang ai tavai tiu ai. Suria samrang my py keaungngo atang nai risachi hawi, keaungngochi, sampho neangneang teaung iy, atho sa naimy tiu teang ai. Ni ly lem heung nanai tavo tiu kamta, pri neangneangchira kun iy peang vui ai.

AMOS 2:2

Kai ly Moba pri salo y mai kani nai hai iy, Kerioth mary i amtangra yhmchi ai maidym satlawi palawn vui ai. Tavaimichi i aeu nai raawi, baw katyn hawi atiu nai katynchi amsau nanai neng khala y, Moba khumichi dei u ai.

ZEKHARIAH 7:14

Ali kamchai kamta aho hai iy, pri takhra mang y ahei hai pawn bo. Hini hawi nai pri py, khumi angso savai tlang nai meingtym lawm vui bo,” napi.

Leu Thui Nai 3:11

(Samrang Oka ly tleungtlang len nai Rephaim theaung theung i, kangkhym keh nai samrang ne. Ni i veu khai nai tlang ly lengseaunghawi sa nai ne i, kasau miu takawrei vi, ka-kalen ly miu palyhrei awm. Huni samrang i tlang ly Ammon khumichi i Rabah mary vaini khrairei niu pajau nai ne.)