2 SAMUELA 8:4 - Khumi Common Language Bible

⁴ Davida my keaungngo risa leaung 1,700 rei hawi tavaimi leaung 20,000 reichi ai patiu nai ne. Samrang ly ka-ri chungvairei i vui y, keaungngo chungvairei patiu iy, huni bo i keaungngochi ai ly kheu tabai hai pawn bo.

2 SAMUELA 8:4 ပူးပေါင်းရင်းမြစ်များ

ATITI AWM ANGCHEI NAI 49:6

Nini ly kado theu hawi i khumi ai tleh iy si kataichi i kheu ai pakhau peu atyhtyh nai deaungkho y, kai ly nini i sa pavui naira y abawi y ai; nini i leu ka-rumra y py abawi pi ai ny y.

1 ARENG KEH 10:26

Solomon ly tavai ka-ri 1,400 rei hawi keaungngo 12,000 rei awm nai tavaimi kamkawm py sa; phyreichi ai ly Jerusalem mary theung y khai iy, phyreichi ai ly mary takhra takhrachi mang y khai nai ne.

1 NENG SATANG 18:4

Davida ly huni samrang i tavai ka-ri sangrei, keaungngo atang nai risa leaung 7,000 rei hawi tavaimi risa leaung 20,000 reichi ai patiu nai ne. Ni ly tavai ka-ri chungvairei i vui aly ngai nai keaungngochi la vui chum baly, takhra keaungngochi ai ly kheu pakhaupe vui iy, kheu tabai hai vui bo.

SAM 20:7

Phyrei khumichi ly mychi i tavai ka-ri hawi keaungngochi ai a-ym u. Na i py achi ly achi i Areng Tameuh ai a-ym u nai ne.

Leu Thui Nai 17:16

Samrang ly my i tavaimichi i vui keaungngo neangneang khawn ai nai avo y. Areng my mymy i khumichi ai Aikupta pri mang y ali teang moh, nanai leu pei nai deaungkho y, samrang ly keaungngo van ai nai huni pri y khumi pato moh.

JOSUA 11:6

Areng my Josua teng y, “Nichi ai jei moh. Khawndam hini neng y kai ly nichi bawibawi ai, Israela chengchi i kiu y kadei au ai. Nang ly nichi i keaungngochi kheu athovui leu hai iy, tavai ka-richi ai mai leng pawn ai nai tla,” nanai leu pei bo.

JOSUA 11:9

Josua ly Areng my leu pei nai kamta, paleung ka-echi i keaungngo kheu athovuichi leu iy, tavai ka-richi ai mai leng pawn bo.