2 SAMUELA 8:12 - Khumi Common Language Bible

¹² Hunai kamta mymy i eaung nai Edom, Moba, Ammon, Philistia hawi Amalek prichira i nga nai muku, tangkachi hawi Hadadeza teng i nga nai vawnsai phyreichi ai py, Tameuh teng y au nai ne.

2 SAMUELA 8:12 ပူးပေါင်းရင်းမြစ်များ

2 SAMUELA 10:11

Juaba my Abisai teng y, “Suria khumichi my kai ai pajau nai niu baly, nang ly kai ai sabawm ba. Ammon khumichi my nang ai pajau lawh teu baly, kai ly nang ai sabawm ai.

2 SAMUELA 10:14

Hina nai Suria khumichi angpreng u pawn nai ly Ammon khumichi my niu nai khala y, nichi ly Abisai teng i angpreng u i, mary theung y kun u teang bo. Huna nai khala y Juaba ly Ammon khumi hawi atiura i nai anaw iy, Jerusalem mary y vawi u teang bo.

2 SAMUELA 8:2

Naibaly Samrang ly Moba khumichi ai tiu nai pajau i, patiu naira i nga nai khumichi ai khaileaung y atlym hai iy, phy thomrei y phy nyhreichi ai padei hai bo. Hunai deaungkho y Moba khumichi ly Davida i anui y awm i, kahm pei u nai ne.

1 NENG SATANG 18:11

Samrang Davida ly huni vawnsaichi ai mymy i tavai eaung nai Edom pri, Moba pri, Ammon pri, Philistia pri hawi Amalek pri y awm nai khumi cheng cheaungkhangchi teng i nga nai muku, tangka hawi vanrei, chiu sa naira y teaung ai nai talam bo.

1 SAMUELA 15:8

Ni ly Amalek samrang Akad ai kangheng tang naimy patiu; khumi bawibawichi ai ly padei pawn nai ne.

1 SAMUELA 27:8

Hunanai neng thym khala y Davida hawi mymy i khumichi ly keshura cheng, Kirazi cheng hawi Amalek chengchi i khu ka-peangchi ai, Aikupta pri sahawi i Sura mary y khrairei, tiu u reng nai ne.

1 SAMUELA 30:17

Davida ly kani pa-nyh khawn khutawi mo dengdairei, dym tengsa ryrei nichi ai tiu i, kula-iu atang iy preang nai thawndeang leaung chungvai palyhreichi ny y baly, ami py tleaung y nai ne.

1 SAMUELA 30:20

Nichi ly beram kanghu, si kanghuchi ai py, nga aliteang nai deaungkho y, mychi i mo y hawi naimy, “Hini beram hawi sichi ly Davida i vawnchi ne,” nanai thui u.