2 SAMUELA 7:6 - Khumi Common Language Bible

⁶ Israela chengchi ai Aikupta pri i nai pahawi nai dengdai vaini khrairei, kai ly Achura yhm y kaawm vai y. Kanih yhm y naini kaawm naimy, amki aleaung nai ne.

2 SAMUELA 7:6 ပူးပေါင်းရင်းမြစ်များ

2 SAMUELA 11:11

Uriah my, “Israela khumichi hawi Juda khumichi ly kamlo paraira y, tavai atiu naimy awm u nai ne. Leu Maikawm Pawm py nichi hawi vanrei awm. Kai i tavailu areng Juaba hawi tavai luchi py, angdym angdengra y tai u nai ne. Ati mana nai y kai ly yhm y vawi iy cha nei naimy, aju hawi amo theu i pajau ai mo? Kai ly huna nai so y ai, nanai vaineng abeu bo!,” nanai pathang.

1 ARENG KEH 8:16

‘Kai ly kai i khumi lawm nai Israela chengchi ai Aikupta pri i theu hai nai dengdairei, kai ai chiu nai Achura Yhm sa ai nai ly Israela pri y mani mary ai py vawi takhra y. Na i py kai ly kai i khumichi ai peang ai nai, nang ai vawi takhra bo,’ nanai kai i ampo Davida teng y thui pi bo,” napi.

AMTAW 7:44

“Mymy i myn niu nai ka-tawm sa ai nai Mosi ai thui pi nai keung i khai pi rym nai kamta ly, achi i amsisangumchi my daichi ka-vym y pany hai nai kanih yhm ly nga u bo;

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

Leu Thui Nai 23:14

Nangchi i tai naira ai ly nangchi ai ama hai iy, tavai eaung hai ai nai, nangchi i Areng ly tai theung y nangchi hawi vanrei awm nai deaungkho y, tai ai ly reita leaungsai y kachai khai ai nai tla. Areng my nangchi ai ang khai su y ai nai, chai y nai ngiereichi sa ai nai avo y.

JOSUA 18:1

Pri verei tavai tiu pajau nai bo y Israela chengchi ly Siloh mary y tym angym u i, Areng i awm nai Tabynako sa u bo.

AMTENG HAI NAI 2:1

“Ephesi avang palau takhra kamkawm i kani pri i amtaw thau nai teng y hinai kamta tajiu: ‘Lamtang mang i kiu y ka-si saryhrei syn nai, muku maisi khai naira theung y aleaung nai keung i leu thui nai ly hini ne he:

TARA CHIH NAI KEUNGCHI 20:27

Huni neng khala y Areng i Leu Maikawm Pawm ly Bethela mary y awm nai ne. Huni Pawm ai ly Aron i katu, Eleaza i chapo Phineha my kry. Khumi mipuichi my Areng teng y, “Kaichi ly kaimychi i amnau Benjamin cheng theaungchi ai vai, chei bi iy tiu ai a? tiu y ai bo a?” nanai deng u. Areng my, “Tiu u, khawndam ly kaimy nangchi ai, nichi i tlang tleaung y kang eaung hai ai,” nanai pathang.