2 SAMUELA 6:14 - Khumi Common Language Bible

¹⁴ Davida ly ateaung kanem harei naini amthyp iy, Areng i nang parai nai sai palo nai, ham parai naimy lam.

2 SAMUELA 6:14 ပူးပေါင်းရင်းမြစ်များ

2 SAMUELA 6:15

Naibaly samrang hawi Israela cheng bawibawichi ly amo theu nai aeu iy, bawchi eng naimy Leu Maikawm Pawm ai, Jerusalem mary mang y angjeaung u nai ne.

2 SAMUELA 6:20

Naibaly Davida ly mymy i yhm dengtheungchi ai kawn ai nai yhm mang y vawi nai khala y, Sawla i chaniu Mikhala ly ni ai lamchung ai nai theu. Mikhala my, “Kangji by y nai khumi ka-khum i ateaung alei nai kamta, miteaung kehchi i miseaung neampachychi i mo y, amy i ateaung alei nai Israela samrang ly vaini, phum-ang len parai na ly!” napi.

1 NENG SATANG 15:27

Samrang Davida ly khri pa-rei apu parai nai kanih mai ka-syn amthyp. Hunai kamta katyn kapau beu kawp naichi, nichi i lu Khenania hawi Pawm angjeaung nai Levi theaungchi py amthyp u nai ne. Davida ly apathyp nai ateaung py amthyp.

SAM 149:3

Lam nai hawimy mymy i amyn palo u; atymchi hawi tarochi beu naimy mymy ai palo u.

SAM 150:4

Atymchi beu iy lam naimy mymy ai palo u. Tarochi, byhlyhchi hawi mymy ai palo u.

SAM 30:11

Nang ly kai ai paleung mawn naira i nai amo theu naimy lam hai bo. Kai i paleung si nai ka-ma-ra paisiu aleng iy, amo theu nai ka-ma-ra ateaung amthyp ai nai pei bo.

SAM 87:7

Huni khumi bawibawichi ly lam naimy, “Zion mawi ly achi nga nai amtheaungra bawibawi i sangum ne,” nanai khulym thui u nai ne.

THEU NAI 15:20

Aron i tuicho amo Miriam ly atym tava iy beu bo; takhra neampachy bawibawichi py atym beu iy lam naimy, ni i nithun abang u nai ne.

THEU NAI 15:21

Mariam my, “Areng ai ly palo u, ati mana nai mo nabaly mymy i nang parai nai hawi eaung naira nga hai nai ne; mymy ly tavai keaungngochi hawi keaungngo atang nai risachi ai pangli tui y anum hai chauchau bo,” nanai khulym adi iy thui nai ne.

THEU NAI 19:6

Nangchi ly kai i vui khai takhra nai khumi cheng, kai i kalop sa pi ai nai pathyp pi nai keungchi lawm u ai, nanai Israela chengchi teng y thui pi,” napi.

Parip nai leu 9:10

Nang i sa ai nai kalopchi bawibawira y atho angai naimy so; ati mana nai mo nabaly nang i chei ai nai tavau pri y ly kalop sa nai by y, adawn pasym nai by y, cheng naira by y, pany thai naira py by y nai deaungkho y ne.

Ezekiela 46:10

Samrang ly khumichi kun nai khala kun iy, nichi theu nai khala theu ai nai tla.

LUKA 15:25

“Naibaly chapo miteaung keh nai ly hlau y awm; naibaly ni ly yhm y tym ai nai khala ly lam nai hawi, atiti beu nai katyn py thai bo.

Leu Thui Nai 6:5

Nangchi i Areng Tameuh ai ly nangchi i paleung verei hawi, nangchi i phailo verei hawi, nangchi i atho bawibawi hawi tamen ai nai tla.

KOLOSA 3:23

Mymy i tavawi tha nai, yhmtheaung amtym ai nai ly Areng teng i dengdairei nga ai nai pany u iy, nangchi i sa nai ngierei ly khumi i vui kamta so y naimy,

TARA CHIH NAI KEUNGCHI 11:34

Jephetha ly Mizapa mary, mymy i yhm y vawi teang nai khala, my i chaniu ly atym beu iy, lam naimy lamchung ai nai theu bo. Ni ly chaniu harei awm khyh nai ne.

TARA CHIH NAI KEUNGCHI 21:21

ajeng u jo. Siloh mary i neampachychi ly pawi y chei ai nai, lam naimy ang jeu u ai. Huna nai khala y kreip akhochira i nai theu u iy, nangchi hawi apom ai nai khrei nai neampachy ai patiu ly Benjamin pri mang y hawi u.

1 SAMUELA 2:18

Huna nai thym khala y deaungdi Samuela ly kanih mai ka-syn baichu kangjiu amchiu iy, Areng i kalop sa.

1 SAMUELA 2:28

Kai ly Israela cheng theaung bawibawichi theung i, ni i yhm dengtheungchi ai kai i maichamra y apathyp nai, rimui patawi nai, kai i kangai pany ai nai Ephod amchiu nai kalopchi sa ai nai, kai i pathyp pi nai keung kalop sa ai nai kaimy vawi yb nai ne. Huni bo y maicham y leng patlum nai kapathyp mawichira i phy nga ai avo nai py, nichi ai kaimy vui pi bo.

1 SAMUELA 22:18

Hunai deaungkho y Sawla ly Doka teng y, “Nang ly nichi ai tleh!,” napi baly Doka ly pathyp pi nai keung bawibawichi ai padei bo. Huni kani y Doka ly ephod amchiu nai Areng i pathyp pi nai keung leaung 85 reichi ai padei nai ne.