2 SAMUELA 5:2 - Khumi Common Language Bible

² Vaichi khala Sawla samrang lawm nai thym khala y, nang ly Israela cheng theaung bawibawichi ai lu sa iy, tavai thau nai ne. Areng my py ‘Nang ly kai i khumichi ai lu sa iy, nichi ai peang ai nai tla ai’ nanai nang ai leu ang pei bo,” napi u.

2 SAMUELA 5:2 ပူးပေါင်းရင်းမြစ်များ

ATITI AWM ANGCHEI NAI 49:24

Na i py Jakob i ati cheaungkhang sa thai nai Tameuh i sa thai naira hawi py, Israela ai ama hai nai beram typ nai keung i sabawm nai saho y py, ni i thailiho ly amchyh y iy, ni i kiubanchi py ham nai ne.

2 SAMUELA 6:21

Davida my, “Kai ai nang i ngampo hawi katu chanauchi ai katlen hai vui iy, Israela chengchi i lu lawm ai nai vawi takhra pi nai, Areng i nang parai nai ai palo nai ka-lam nai teu. Areng i tahm awm nai palo ai nai, mo mang py lam ai i,

2 SAMUELA 7:7

Huna nai kamta kaimy i khumichi hawi amki aleaung nai khala y mana khala y py, kai ly kaimy i vawi takhra nai miteaung kehchi teng y, ‘Nang ly ati mana nai kai i vui Seda keung Achura Yhm so pi y lawh mo?’, nanai deng vai y.

2 SAMUELA 7:8

“Na i py ati cheaungkhang sa thai nai keung kai, Areng ly kai i miseaung Davida teng y, ‘Kai ly nang ai kai i khumi Israela chengchi i samrang lawm ai nai, beram typ nai prang i dengdairei, kang palau nai ne.

2 ARENG KEH 20:5

kai Areng i khumichi ai peang nai Hezekia teng y ali teang ly ni teng y, “Nang i amsi pajo Davida i Tameuh, kai Areng ly nang i chiu sa nai thai i, nang i meikatui py niu bo. Kai ly nang i no nai hawi hai ai i, nang ly kani thomrei bo baly Achura yhm y chei pajau ai.

1 NENG SATANG 11:2

Lawn veng nai neng khala samrang Sawla deung y, nang ly Israela khumichi ai lu sa iy tavai thau bo. Nang i Areng Tameuh my py, nang ly mymy i khumichi i lu, nichi i samrang lawm ai, nanai leu pei bo,” napi u.

2 NENG SATANG 1:10

Hunai deaungkho y huni khumichi ai peang ai nai cheng naira hawi pany thai naira pei kyh ba. Ti y baly kai ly hina tanrei nawi nai nang i khumichi ai ati mana peang pajau ai mo?,” nanai pathang.

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

ISAIA 55:4

Kai ly ni ai khumi cheng cheaungkhangchi i tavailu areng kehra y khai iy, kai i sa thai naira ly khumichi i mo y, pany hai pi ai.

Ezekiela 34:23

Nichi i vui beram typ nai keung leaungrei lawm ai nai, kai i miseaung Davida ka-tawm samrang khai pi ai. Ni my ly nichi ai kry ai.

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

Kati Nai 27:17

tavai theung y lu sa ai nai khumi leaungrei vawi takhra pi kyh,” nanai takeng bo.

MATTHAI 2:6

amo my ly, ‘Judai pri i Bethlehem avang awi! Nang ly Judai pri i avang theung y theang keh y leang! Kai i khumi Israelachi ai typ nai keung lawn ai nai, Nang theung i dengdairei peang nai keung leaungrei theu ai,’ nanai hina nai tajiu,” napi.

JOHAN 10:11

Kai ly beram typ nai keung kahawi ne; beram typ nai keung kahawi ly beramchi i vui mymy i hengra patlaw pi.

HEBRAI 2:10

Ati mana nai mo nabaly ni i vui y ati cheaungkhang awm nai hawi, ni i saho y ati cheaungkhang awm teang nai keung i vui ly, chanau neangneangchi ai nang parai naira y hawi ai nai, nichi i heng naira sa pi nai keung ai ly patang nairachi deaungkho y angym hai ai nai avo parai.

1 SAMUELA 13:14

Na i py vai nang ly samrang deung sau y leang bo; nang ly nangmy i Areng Tameuh my leu pei nai akhi vui lawh bo i, mymy ly my i khumichi ai peang hai ai nai, my i paleung kangai hawi avum nai khumi ai khai ai,” napi.

1 SAMUELA 16:1

Areng my Samuela teng y, “Nang ly Sawla i vui y mana tanrei paleung si hai jo ai mo? Kaimy ni ai ly Israela samrang i nai kapala vui bo; na i py Olive asitui syn iy, Bethlehem mary y awm nai Jesai napi nai khumi leaungrei teng y chei; kai ly ni i chapo leaungrei ai, samrang lawm ai nai vawi takhra yb veng bo,” napi.

1 SAMUELA 18:13

Hunai deaungkho y Sawla ly Davida ai, khumi leaung sangrei peang nai tavailu areng pei iy, kamlo y pato vui bo. Davida ly my i tavaimi risachi hawi vanrei tavai keung y kun i,

1 SAMUELA 18:16

Na i py Israela hawi Juda khuchira i khumi bawibawichi my ly Davida ai khrei u. Ni ly khumichi ai hawihai palai lu sa pajauiy, tavai thau pajau nai khumi ne nai deaungkho y ne.

1 SAMUELA 18:5

Davida ly Sawla i pataw nai kalop ngiereira y eaung jojo nai ne. Hunai deaungkho y Sawla ly my i tavai lura y khai. Huna nai sa nai ai Sawla i miteaung kehchi hawi mipuichi my py amo theu nai ne.

1 SAMUELA 25:28

Kai i sa tamang nai molam y kamngo pahen pi kyh ba. Nang ly Areng i vui tavai atiu pi nai deaungkho y, Areng ly nang hawi nang i katu chanauchi ai samrang y palyn pi ai. Nang py nangmy deungrei, patangra avum ai ny y.

1 SAMUELA 25:30

Areng ly mymy i adeu nai ngierei, hawi nairachi nang teng y ang pei takengkei iy, Israela samrang y ang khai takhra nai khala y,

1 SAMUELA 9:16

“Khawndam hini neng y Benjamin cheng theaung theung i khumi leaungrei ai, nang teng y kang pato ai; huni khumi ai Israela chengchi i samrang y khai takhra ba; ni ly kai i khumichi ai Philistia chengchi my ana naira i nai ama hai ai; kai ly kaimy i khumichi ngari patang nai kaniu bo; nichi ai sabawm ai nai palau nai raawi py kathai bo,” napi.