2 SAMUELA 3:8 - Khumi Common Language Bible

⁸ Huna nai neng hai nai molam y Abana ly khri pa-rei kado theu nai deaungkho y, “Kai ly Sawla hawi atakai nai khumi, nanai nang dawn sai a? Kai ly Juda pri hawi ai nai sa nai khumi, nanai pany ba. Angchei khala i dengdairei kai ly nang i ngampo Sawla i tlang tleaung y py, ni i amjo amnauchi hawi ahawi kamrawichi tlang tleaung y py, ka-ym awm nai keung ne. Nang ai py Davida i kiu y tym y ai nai atleu bo. Huna nai i py vaini nang ly kai ai hini neampachy hawi neng hai lawh lo-oh!

2 SAMUELA 3:8 ပူးပေါင်းရင်းမြစ်များ

2 SAMUELA 16:9

Zeruiah i chapo Abisai ly samrang teng y, “Areng awi, ati mana nai hini ui kadei ai ly ati mana nai nang ai pasawi ai nai pei lawh mo? Kai ly chei iy ni i lu tameang vui si!” napi.

2 SAMUELA 2:8

Sawla i tavailu areng, Nera i chapo Abana ly Sawla i chapo Isboseth hawi vanrei Jordan tavo angpeang iy, Mahanaim mary mang y preang hawi bo.

2 SAMUELA 3:18

Vai ly nangchi i vui neng kahawi ne. Areng my, ‘Kai i khumichi ai Philistia chengchi hawi, takhra paleung ka-echi kiu i nai kai i miseaung Davida kiu hawi atleu ai’ nanai ang thui pi nai ly pany u,” napi.

2 SAMUELA 3:9

Areng ly Sawla ai ni i katu chanauchi teng i nai pri la pi vui iy, Davida teng y pri khuteng taki y khrairei, Israela pri hawi Juda prichi i samrang y palyn ai nai adeu yb bo. Vai py kai ly huni adeu nai leu angym pa-rei so y lawh baly, Tameuh my kai ai dei pa-rei pajeng sy!,” napi.

2 SAMUELA 5:2

Vaichi khala Sawla samrang lawm nai thym khala y, nang ly Israela cheng theaung bawibawichi ai lu sa iy, tavai thau nai ne. Areng my py ‘Nang ly kai i khumichi ai lu sa iy, nichi ai peang ai nai tla ai’ nanai nang ai leu ang pei bo,” napi u.

2 SAMUELA 9:8

Mephiboseth ly lu meung bi iy, “Ui kadei kamta lawm nai kai ai, nang ly ati mana nai pahen lawh mo?” napi.

2 ARENG KEH 8:13

Hazaela my, “Kai ly ati sai py ny y nai khumi ne! Kai ly sa thai naira ma i nai nga ai mo?,” napi. Elisa my, “Nang ly Suria pri y peang ai, nanai kai teng y Areng my ang thui pi bo,” napi.

SAM 76:10

Khumichi i kado theu nai ly nang ai palo tleaung palora naira lawn hai ai; tavai keung y dei y naimy heng rai naichi ly nang i pawi sa naichi typ u ai.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

Leu Thui Nai 23:18

Bima kalopra i nga nai tangka ai tauh iy, nangchi i Areng Tameuh i meingtym kachaira y talam ai nai avo y. Areng ly huni kalop ai paso nai ne.

1 SAMUELA 15:28

Samuela my ni teng y, “Areng ly vaini my Israela pri ai, nang teng i nai la vui iy nang tleaung y hawi keh nai khumi leaungrei i kiu y au veng bo.

1 SAMUELA 17:43

Ni my Davida ai, “Tuni cheaungvawi hawi ati aly jeu nai mo? kai ai ui niu lawh sai a?,” napi chum baly, my i tameuh amyn y Davida ai pasawi bo.