2 SAMUELA 3:39 - Khumi Common Language Bible

³⁹ Kai ly Tameuh my khai takhra nai samrang ne teu i py, vaini kai ly atho di bo. Zeruiah i chapochi ly kai i vui khri pa-rei paleung no hai au na lawh ly. Hini khumi hawi y naichi ai mychi i kamngolai y, Areng my pajeng na sy!,” napi.

2 SAMUELA 3:39 ပူးပေါင်းရင်းမြစ်များ

2 SAMUELA 16:10

Samrang ly Abisai hawi ni i amjo Juaba teng y, “Hini ly nang i kalop ny y leang; Areng my leu pei nai deaungkho y, kai ai pasawi nai ne lawh baly ni teng y, ‘nang ly ati mana nai y hina nai sa lawh mo?’ nanai ami my deng ai mo?” napi.

2 SAMUELA 19:13

Huni bo y Davida ly Amasa teng y, “Nang ly kai i amjo amnau ne; vai i dengdairei nang ai Juaba i meingtym tavailu areng kehra y kang khai bo. Kai ly huna nai kaso y lawh baly, Tameuh my kai ai dei pa-rei pajeng na sy!” nanai amti pi ai nai py leu pei bo.

2 SAMUELA 19:22

Na i py Davida ly Abisai hawi ni i amjo Juaba teng y, “Nangni i dawn nai ly ami my hnei takeng mo? Nangni ly kai ai patang hai ai nai ngai nai sai a? Vai, kai ly Israela samrang lawm veng bo. Hunai deaungkho y vaini ly mani Israela cheng leaungrei ai py padei u moh,” napi chum baly,

2 SAMUELA 3:38

Samrang ly mymy i bangtangchi teng y, “Vaini ly Israela chengchi ai lu sa nai keung kalen leaungrei i dei nai kani ne, nanai nangchi pany u y a?

1 ARENG KEH 2:32

Kai i ampo Davida pany y naimy sa nai, khumi ai padei nai molam y, Areng ly Juaba y pajeng ai. Juaba ly mymy tleaung y hawi keh nai Israela tavailu areng Abana hawi, Juda tavailu areng Amasa napi nai, kamngo by y nai khumi leaung nyhrei ai padei nai ne.

1 ARENG KEH 2:9

Na i py nang ly ni ai pajeng y naimy awm moh; sa ai nai kalop ai nangmy pany nai kamta, ni ai padei ai nai tla,” nanai leu taviu bo.

1 NENG SATANG 22:5

Davida ly “Kai i chapo Solomon my sa ai nai Achura yhm ly apu parai iy khaileaung pri y amyn amthang ai. Na i py Solomon ly saneng theang i pany nai sai angym y rai nai deaungkho y, kai ly Achura yhm i vui pasym pi yb ai,” nanai adawn pasym i, mymy dei y rai khala Achura yhm sa ai nai vawnsaichi kachu pi yb nai ne.

1 NENG SATANG 29:1

Samrang Davida ly khumi mipui bawibawichi teng y, “Kai i chapo Solomon ly Tameuh my vawi takhra nai khumi ne. Na i py saneng theang i pany nai sai angym y rai. Ni i sa ai nai kalop ly khri pa-rei len parai. Ati mana nai mo na baly vai sa ai nai ly khumichi i vui samrang yhm ny y, Areng Tameuh i vui Achura yhm ne lawh nai deaungkho y ne.

2 NENG SATANG 13:7

khumi hawi y naichi ai kachu bo. Nichi ly Solomon i chapo Rehoboam ai mymychi ngai nai kamta sa hai bo. Rehoboam ly saneng nau iy, pany nai sai di nai deaungkho y, nichi ai ei pajau y.

SAM 101:8

Kaichi i pri y awm nai khumi aso y naichi ai ly, kaimy kani tleirei tamyh vui ai; Areng i mary pui i dengdairei, khumi hawi y nai bawibawichi ai, kaimy patheu pawn ai.

SAM 28:4

Nichi i sa nai saichi hawi, sa tamang nai kamngochi molam y, nichi ai kamngo vang pei pi ba. Nichi i kamngo nai saichi molam y pajeng kyh ba. Mychi i kamngo hawi ataing nai kamngo vang pajeng kyh ba.

SAM 62:12

Aw Areng, nang ly nangmy kypkyp naimy, khumi bawibawichi ai mychi i atiti sa naira y hawi nai, hawi y nai vang pei pi nai ne.

SAM 7:16

Hunai deaungkho y nichi ly mychi i hawi y sa nai molam y, pajeng naira avum u bo; mychi i khrukhra nai molam y tamo nga u nai ne.

SAM 75:10

Mymy ly khumi hawi y naichi i sa thai naira panem pi vui ai; na i py khumi kahawi i sa thai naira ai ly asang hai jojo ai.

THEU NAI 21:12

“Ami py ne sy, khumi leaungrei ai padei ka lawh baly, huni khumi ai ly padei teang ai nai tla.

LEU KACHENG 20:8

Samrang ly tara bailangra y ateh iy, hawi y nai ngiereichi ai chih i, pany thai nai ne.

LEU KACHENG 25:5

Hawi y nai tau pei nai khumi ai ly samrang teng i dengdairei patheu vui; hunaibaly samrang ly mipui i kangai peang ai.

ISAIA 3:11

Khumi hawi y naichi ly taham si u ai. Mychi i hawi y naira dawn nai, tau nai, sa naichi molam y, kamngo pajeng naira avum u ai.

ISAIA 7:4

Ni ai tau awm ai nai, paleung khaw ai nai, kaso theu y ai nai hawi paleung khrukhra y ai nai thui pi. Samrang Rezin hawi vanrei Suria khumichi i kado theu nai hawi samrang Pekah i kado theu nai ly maisaku nyhrei mang theu nai maikhyh tanrei, ka-jeira pei pajau y leang.

JEREMIA 38:5

Hunaibaly samrang Zedekiah my, “Hawi mang, ni ai nangmychi ngaingai so u; nangchi ai kam y leang mang,” napi.

DANIELA 6:16

Hunaibaly samrang i leu pei nai kamta, Daniela ai khrangsi paeung nai angawm y aphi u bo. Samrang my Daniela teng y, “Nang i ka-ym awm naimy chiu nai Tameuh ly nang ai atleu pi na sy,” napi.

Kati Nai 32:23

Na i py nangchi ly leu adeu nai taphra baly, Areng i tlang tleaung y sa tamang nai lawm ai. Huna nai khala nangchi ly pajeng naira avum takengkei ai. Hini molam y tamang u moh.

ROM AVANGCHI TENG Y PAWLA I CHA PA NAI 13:4

ni ly nang i hawi ai nai vui ly Tameuh i kalop sa nai keung ne. Na i py nang ly atiti hawi y nai sa baly jei phai jei; mymy i haisau syn nai ly jawm my syn atyhtyh nai ny y leang; mymy ly Tameuh i kalop sa nai keung ne i, atiti hawi y sa naichi i tlang tleaung y vawitheung tha ai nai keung ne.

II TIMOTHEI 4:14

Kheupaja thip nai Aleksandra ly kai i tlang tleaung y khri pa-rei hawi y naira sa: Areng ly mymy i atiti sa nai kamta vawitheung tha ai:

TARA CHIH NAI KEUNGCHI 9:57

Kideon i chapo Jotham my pasawi nai kamta Sekhem mary i khumichi py, mychi i hawi y nai molam y, kamngo pajengra avum u nai ne.