2 SAMUELA 3:21 - Khumi Common Language Bible

²¹ Abana my Davida teng y, “Kai ly vai chei iy Israela cheng vui jynreichi, samrang nang mang y amkawm ai nai sa pi ai. Nichi ly nang ai mymychi i samrang ne, nanai dawn u patyp ai. Naibaly nang ly nangmy ngai nai kamta, Israela pri verei y peang ai nai nga ai,” napi. Davida ly Abana ai chymme naimy pato jo bo.

2 SAMUELA 3:21 ပူးပေါင်းရင်းမြစ်များ

2 SAMUELA 2:9

Abana ly huni mary Kilead khu ka-peang, Aserkhu ka-peang, Jezarela khu ka-peang, Ephraim khu ka-peang, Benjamin khu ka-peang hawi Israela pri verei peang ai nai, Isboseth ai samrang palyn bo.

2 SAMUELA 3:12

Huni neng khala y Davida ly Hebron mary y awm i, Abana ly savaichi pato i ni teng y, “Hini pri y ami my peang mo? Kai hawi vuinai asa baly, Israela pri verei nang mang y abawi pa-rei, kaimy sabawm ai,” napi.

2 SAMUELA 3:20

Abana ly khumi leaung apomreichi hawi, Hebron mary y awm nai Davida teng y tym nai khala y, Davida ly nichi i vui pawi sa pi i, pacho panei bo.

2 SAMUELA 5:3

Naibaly Israela cheng lu sa nai keung bawibawichi ly samrang Davida awm nai Hebron mary y tym u. Davida ly Tameuh i mo y nichi hawi vaineng asa nai deaungkho y, nichi my Davida ai samrang y palyn nai asitui leih pi u. Naibaly Davida ly Israelachi i samrang y lawm bo.

1 ARENG KEH 11:37

Aw Jeroboam awi, kai ly nang ai Israela samrang ra y kang khai ai; nang ly nangmy i ngai nai khu ka-peangchi peang ai nai nga ai.

SAM 20:4

Nang i ngai nai angym hai iy dawn tau nai ngiereichi py, eaung ai nai sabawm pi sy.

PHILIPI 2:21

Nichi bawibawi ly Isu Krista i vui hau y naimy amy i vui hau u lawh veng.