2 SAMUELA 3:1 - Khumi Common Language Bible

¹ Samrang Sawla ai sabawm naichi hawi, Davida ai sabawm naichi ly kra parai naimy tavai atiu u nai ne. Davida ly atho awmryh awmryh iy, my i paleung ka-echi ly atho diryh diryh bo.

2 SAMUELA 3:1 ပူးပေါင်းရင်းမြစ်များ

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

2 SAMUELA 2:17

Naibaly khri pa-rei tavai atiu u i, Abana hawi Israela mipuichi ly Davida i khumichi kiu y tavai sum u bo.

2 SAMUELA 2:28

Naibaly Juaba ly baw eng i, ni i khumichi ly Israela chengchi ai hui nai anawn u bo. Hunaibaly tavai atiu nai ly anawn u nai ne.

2 SAMUELA 22:44

Nang ly kai ai tiu nai mipuichi kiu i nai atleu iy, khumi cheng cheaungkhangchi ai peang ai nai pei bo. Kai apany vai y nai khumichi ly vai i neng y kai teng y kahm pei u.

2 SAMUELA 3:6

Sawla i samrang kangpreang ai sabawm nai khumichi hawi, Davida ai sabawm nai khumichi tavai atiu nai krara krara nai dengdairei, Abana ly Sawla i amjo amnauchi tlang tleaung y sa thai naira awmra awmra bo.

2 SAMUELA 5:10

Ati cheaungkhang sa thai nai deungtasa Areng Tameuh ly Davida hawi vanrei awm hai nai deaungkho y, sa thai naira awmra awmra nai ne.

1 ARENG KEH 14:30

Huni neng khala y Rehoboam hawi Jeroboam ly avawrei atiu hawi nai ne.

1 ARENG KEH 15:16

Juda samrang Asa hawi Israela samrang Baasa nini ly myni i samrang deungrei tavai atiu nai ne.

1 ARENG KEH 15:32

Juda samrang Asa hawi Israela samrang Baasa ly myni samrang sa nai deungrei tavai atiu hawi nai ne.

1 NENG SATANG 11:9

Samrang Davida ly sa thai naira awmra awmra. Ati mana nai mo na baly ati cheaungkhang sa thai nai keung Areng ly samrang hawi vanrei awm nai deaungkho y ne.

1 NENG SATANG 3:1

Samrang Davida ly Hebron mary y awm nai thym khala nga nai chapochi i amyn ka-thui thui pi ai na baly: Jezarela mary i Ahinoam my tapen nai Amanon, Karamela mary i Abikaila my tapen nai Daniela, Keshura samrang Talamai i chaniu Maaka my tapen nai Abasalom, Haki my tapen nai chapo Adonijah, Abitala my tapen nai chapo Shephatiah, Ekala my tapen nai chapo Ithaream.

ESTHER 6:13

Mymy i aju hawi ahawichi teng y my i avum nai leaungsai bawibawichi amti pi. Huna nai khala y aju hawi mymy i ahawi kachengchi my, “Nang ly Modekai teng y sum amteaung bo; ni ly Juda cheng ne khyp lawh baly nang ly ni ai pajau y leang; ni ly nang i tlang tleaung y pajau takengkei ai,” napi u bo.

ESTHER 9:4

Vai ly Modekai ly samrang yhm y sa thai naira awm nai khumi leaungrei ne nai hawi, ni i sa thai naira ly kani tleaung kanirei lenra nai py, empara pri y amthang nai ne.

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

JOBA 8:7

Nang i sum veng chum nai yhmtheaung katuichi ly vai, Tameuh my ang pei ai nai yhmtheaung katuichi hawi pata baly, ati sai py thui kra ai naira by y leang.

SAM 18:43

Nang ly kai ai tiu nai khumichi my patang hai naira i nai atleu iy, khumi cheng cheaungkhangchi ai py peang hai. Kai ly kaimy pany vai y nai khumichi ai, vai ly peang ai nai kanga bo.

SAM 46:9

Mymy ly khaileaung pri verei y atiu naichi ai anawn hai bo; thailihochi ai khei vui iy, tivichi tameang pawn iy, khopuichi ai py mai y veang pawn bo.

SAM 84:7

Nichi ly tako nai tarawi y atho nga u ra nai ne; Zion mawi salo y tameuhchi i Tameuh ai niu u ai.

KALATIA 5:17

Tlang my ly Phailo ai tiu iy amymy ngaingai sa ai nai ngai: phailo py tlang ai tiu iy amymy ngaingai sa ai nai ngai; hunaibaly nangchi ly nangchi i atiti sa ai tau naichi ly so u thai y; hunini ly aawi hawi cheng vui veng.

EPHESI 6:12

Ati mana nai mo nabaly achi i ani nai ly thi hawi ngan hawi ny y leang, na i py areng naira hawi, aly peang naira hawi, hini veng nai tleaung y khaileaung pri peang nai keungchi hawi, kani laileaung y awm nai vawinamchi hawi ani nai teu.

AMTENG HAI NAI 6:2

Naibaly kai ly khen i, khen cham keaungngo kangleung harei awm i, huni tleaung y atang nai keung ly thai syn bo; naibaly areng lukhym mymy teng y pei bo; mymy ly pajau nai thym khala y pajau ra ai nai theu bo.