2 SAMUELA 23:5 - Khumi Common Language Bible

⁵ Hunai kamta teang, Tameuh ly kai i katu chanauchi ai amtheaung naira pei ai; ati mana nai mo nabaly mymy ly phra pajau y, athli vui thai y nai deungtasa Leu Maikawm ly kai hawi asa nai deaungkho y ne. Hunaibaly kai i kangai angym bo; hini ly kai i eaung naira ne; huna nai kamta tym hai ai nai Tameuh ly dawn pi khyp ai.

2 SAMUELA 23:5 ပူးပေါင်းရင်းမြစ်များ

ATITI AWM ANGCHEI NAI 9:16

Tamai salo y seaungjai amteng nai kaniu nai kha y, khaileaung salo y heng nai amjy cheaungkhangchi hawi, kai hawi sala deungtasarei Leu Maikawm asa nai ai ly kapany jo ai.

2 SAMUELA 12:10

Nang ly kai i leu pei nai tangai y naimy, Uriah i aju ai la veng nai deaungkho y, nang i kangpreangchi teng y ka-jei hawi parai naimy dei naichi awm ai.

2 SAMUELA 13:14

Na i py Amanon ly Tamar i leu tangai pi y. Ni ly Tamar tleaung y atho awm nai deaungkho y, Tamar ai pajang bo.

2 SAMUELA 13:28

Abasalom ly samrangchi hawi amlau nai cha nei pawi pui angveirym iy miseaungchi teng y, “Amanon ly kreip hang nei nai pavui tleaungleaung nai khala y, kaimy leu kang pei ai. Huna nai khala y nangchi ly ni ai tleh u, jei u moh. Kaimy rara ne sy. Vam parai naimy so u! mynkym u moh! " napi.

2 SAMUELA 18:14

Juaba my, “Kai ly nang hawi neng pasum atyhtyh bi ai nai ngai y leang bo,” nanai thui chum baly tivi jeung thomrei syn iy, ngopraibiu keung ra y abang hau naimy heng rai nai Abasalom i paleung y thun vau bo.

2 SAMUELA 7:12

Nang ly dei iy ngamsichi hawi vanrei a-up nai khala y, kai ly nang i chapochi theung i leaungrei ai samrang palyn ai i, ni i pri khaw hai ai.

2 SAMUELA 7:18

Samrang Davida ly Areng i kanih yhm theung y kun iy ateh i, “Salo kangteng aw Areng, kai hawi kai i yhm dengtheungchi ly kai i vui nang i pahen naira hawi ataing y leang.

1 ARENG KEH 1:5

Davida hawi Hakith nini i chapo Adonijah ly khri pa-rei mo-cha hawi parai; Abasalom dei nai bo baly ni ly Davida i chapochi theung y, chapo kalen lawm bo. Davida ly ni ai ati mo ra py, thui parip nai awm vai y; ni ly samrang lawm ai nai athang khai nai ne i, my i vui ka-richi, keaungngochi hawi mo amtheung nai khumi leaung vui pangreichi py awm.

1 ARENG KEH 11:38

Nang ly kai i leu pei naichi tangai angchi khyp iy, kai i Reitachi patawm naimy kai i miseaung Davida kamta, kai i leu tangai nai hawi kai khrei pa-rei sa baly, nang hawi vanrei kang awm hai jojo ai. Nang ai Israela samrang y kang palyn ai i, Davida i katu chanauchi vui y sa pi nai kamta ly nang i katu chanauchi ai py, nang bo y meitang khyp naimy samrang lawm hai ai.

1 ARENG KEH 12:14

thawndeangchi i tau pei nai kamta nichi teng y, “Ngaai ly nangchi ai myn ji parai naichi pho hai bo; ne, kai ly hunichi tleaung y ji nai kang pho hai ai. Ni ly nangchi ai thengbeang hawi ang pakhau; kai ly vuiha cheaungvawi hawi kang pajeaung ai,” nanai amangrang naimy pathang pi bo.

SAM 111:9

Mymy ly mymy i khumichi ai tlamsa naira pei chum baly, nichi hawi deungtasarei Leu Maikawm asa bo. Mymy ly kachai ne iy sa thai naira len parai na a!

SAM 119:81

Aw Areng, kai ly nangmy atleu ai, nanai ajeng i atho khei be bo; kai ly nang i leu ai ym nai ne.

SAM 27:4

Areng teng y hnei ai ngai nai, kai i kadeaung nai langseaung harei awm; huni langseaung ly Areng i yhm y deungtasarei awm ai nai, kawn nai leu thui naimy palo ai nai hawi, mymy i patei pi nai lam nga ai nai py ngai nai ne.

SAM 62:2

Mymy naini kai i abyhra lengseaung, kai ai atleu nai keung ne; mymy ly kai i khengsi apai lawm bo; kai ly mana khala py sum ai ny y.

SAM 89:3

Nangmy ly “Kaimy vawi takhra nai khumi hawi Leu Maikawm asa bo; kai i miseaung Davida teng y,

ISAIA 11:1

Samrang Davida i kangpreang ly paliu vui nai dengkeaung keung hawi atawm. Na i py dengkeaung miukhiura i chethe kangpho pati nai kamta, Davida kangpreang theung i, samrang kangtha leaungrei amthawn ai.

ISAIA 27:6

Huni kani y Jakob i katu chanauchi napi nai Israela chengchi ly dengkeaung keung kamta, tangjyn pala iy pau ai. Khaileaung ly thengthaichi hawimy kawi na ai.

ISAIA 4:2

Areng ly hini pri theung y dengkeaung katheang kalen bawibawichi ai keung pui cheang iy, ngam sai heng-up nai neng tym hai ai. Dei kamthum Israela cheng bawibawichi ly hini pri i theu nai thengthaichi molam y amo theu u ai.

ISAIA 54:10

Mawi katheang kalenchi ly anawi iy phra pawn ai. Na i py nangchi i tlang tleaung y kai i tamen nai ly mana khala py tem ai ny y. Aly nai leu ka-deu ai, kai ly khaw hai jojo ai, nanai nangchi ai tamen nai Areng my leu pei bo.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

ISAIA 61:8

Areng my, “Kai ly leu meitang adyh adawi nai ai kawn, lawm nai hawi pahyp y naimy ana nai ai ly niu ngai y. Kai i khumichi teng y ka-ym awm nai kawn vang pei ai Nichi hawi py deungtasarei leu maikawm asa ai.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

JEREMIA 32:40

Kai ly nichi hawi deungtasarei Leu Maikawm asa ai. Nichi ai amtheaung hai jojo ai. Nichi ly kai ai mana khala py khai su y ai nai, nichi i paleung theung y kai ai jei kaji naimy tahm khai nai paleung ka-dawn nga hai ai.

JEREMIA 33:21

Hunai kamta ly Davida i samrang kangpreang avaw by y ai nai hawi, kai i kalop sa pi nai Levi theaung i pathyp pi nai keung avaw hai by y ai nai, kai i miseaung Davida hawi asa nai Leu Maikawm ai py, taphra pajau y.

Ezekiela 37:26

Kai ly nichi hawi deungtasarei aly ai nai Leu Maikawm asa ai. Nichi ai kapalum iy khumi peung hai ai i, kai i Achura yhm ly nichi pri y khaw hai jojo ai.

AMOS 9:11

Areng my, “Anawi nai yhm hlau kamta lawm nai Davida i pri ai, kaimy palum teang nai neng kani tym ai. Ako nai lengseaung apaichi ai kaimy palum teang ai. Jangni i awm nai kamta, kaimy palum teang ai.

AMTAW 13:34

“Naibaly veaung ai naira meingtym y chei bi y ai nai Tameuh my ni ai ly kadeichi theung i dengdairei pathau, nanai leu hina nai thui bo: ‘Davida teng y pahen naira kai adeu kheng nai ly nangmy ai kang pei ai mang,’ nanai ly.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

HEBRAI 6:19

Achi ly huni athang khai naira ai ly phailo i cheuha kakhaw hawi ka-ym awm nai nga bo; huni ly kanih jang nai theung y khrairei kun nai ne.

1 SAMUELA 2:35

Kai i tlang tleaung y ka-ym awm iy, kai i kangai sa ai nai pathyp pi nai keung leaungrei ai, kaimy vawi takhra ai. Ni ai katu chanau thawn hai ai. Huni khumichi ly kaimy khai takhra nai samrang i mo y kalop sa u jojo ai.

1 SAMUELA 25:28

Kai i sa tamang nai molam y kamngo pahen pi kyh ba. Nang ly Areng i vui tavai atiu pi nai deaungkho y, Areng ly nang hawi nang i katu chanauchi ai samrang y palyn pi ai. Nang py nangmy deungrei, patangra avum ai ny y.