2 SAMUELA 23:22 - Khumi Common Language Bible

²² Hini ly amyn kamthang risa leaung phaireichi theung i, Benaja i sa vam nai saichi ne.

2 SAMUELA 23:22 ပူးပေါင်းရင်းမြစ်များ

2 SAMUELA 20:7

Hunaibaly Juaba i khumichi, samrang i tamcheaung tavaimichi hawi takhra risa bawibawichi ly Abisai hawi vanrei Seba ai hui ai nai, Jerusalem mary i dengdairei theu u bo.

2 SAMUELA 23:20

Kazila mary y awm nai Jehojada i chapo Benaja ly amyn amthang nai sorai risa leaungrei ne. Ni ly vam parai nai kalopchi sa; ni ly khri pa-rei tlang atho awm nai Moba tavaimi risa leaung nyhrei ai padei nai ne. Naibaly khri pa-rei savai nanai kaseih neng, kanirei nai khala y ni ly tapiu theung y kun iy, khrangsi harei ai padei pajau.

2 SAMUELA 23:21

Ni ly khri pa-rei tlang len iy tivi syn nai Aikupta khumi leaungrei ai py padei nai ne. Benaja ly huni khumi ai tamtleang hawi ni iy, ni teng i tivi lawm vui; naibaly huni tivi hawimy, huni khumi ai padei nai ne.

2 SAMUELA 23:23

Ni ly amyn amthang nai risa leaung phaireichi theung y amyn amthang nai ne i py, sorai risa leaung thomrei kamta amyn len y. Davida ly ni ai tamcheaung typ nai risachi i lu y khai bo.

2 SAMUELA 8:18

Jehojada i chapo Benaja ly samrang Davida ai tamcheaung typ nai keungchi i lu ne. Davida i chapochi ly pathyp pi nai keungchi lawm u bo.