2 SAMUELA 23:10 - Khumi Common Language Bible

¹⁰ ni ly anaw y naimy kiu khohai iy haisau patlaw thai y na pa-rei, Philistia chengchi ai tiu bo. Huni kani y Areng ly eaung pui eaung hai nai deaungkho y, atiu nai pajau nai khala Israela chengchi ly kadeichi teng i, tavai ateaungchi la ai nai Eliaza i awm naira y jeu u bo.

2 SAMUELA 23:10 ပူးပေါင်းရင်းမြစ်များ

2 SAMUELA 23:12

Shamah ly khubi bai i anaw y naimy, amtang iy Philistia chengchi ai tleh i, huni kani y Areng ly eaung pui eaung hai bo.

2 ARENG KEH 5:1

Suria tavailu areng Neaman ai ly Suria samrang my, khri pa-rei tahm khai nai ne. Ati mana nai mo nabaly Neaman saho y Areng ly Suria tavaimichi ai, tavai eaung hai nai deaungkho y ne. Neaman ly sorai pui leaungrei ne i py, ka-jei awm nai keaungsi man bo.

1 NENG SATANG 11:13

Ni ly Pas Damim tavai keung y Davida hawi vanrei Philistia chengchi ai tiu nai khumi ne. Israela chengchi tavai anaw y kyh rai khala, ni ly chohpui chomaw bai hareira awm nai ne.

SAM 108:13

Tameuh my kaichi mang y awm ha ai nabaly, kaichi ly eaung naira nga ai; mymy ly kaichi i paleung ka-echi ai sum hai ai.

SAM 144:10

Nang ly samrangchi ai tavai eaung ai nai pei pi; nang i miseaung Davida ai atleu bo.

SAM 68:12

“Samrangchi hawi nichi i tavaimichi ly anaw u pawn veng bo,” nanai satang ahei u ai; neampachychi ly mychi i yhm y, lawmra i nga nai vawnsaichi amji u ai.

ISAIA 53:12

Hunai deaungkho y kai ly ni ai tahm asang nai khumi, sa thai naira awm nai khumichi hawi vanrei, tahm teng nai meingtymra y pei ai. Ni ly mymy i tlang ai pasai y naimy apei iy, khumi hawi y naichi i taham si nai kham pi. Ni ly kamngo sa naichi i jeng y huni khumichi hawi ataing nai kamngo amtym pi iy, nichi i kamngo lawi ai nai chiu sa pi bo,” napi.

ROM AVANGCHI TENG Y PAWLA I CHA PA NAI 15:18

Krista ly Cheng Takhrachi ai leu tangai hai ai nai, leu thui naira y hawi atiti sa naira y py,

II KORINTH 4:5

Kaichi ly kaimychi i satang thui nai ny y leang, Krista Isu ly Areng ne, nanai thui nai teu; kaichi py Isu deaungkho y nangchi i miseaung lawn nai py thui pi teang.

JOSUA 10:10

Areng ly paleung ka-echi ai ahei phro iy preang hai bo. Huna nai khala Israela risachi ly Kibeon mary theung y, paleung ka-e neangneangchi ai tleh iy, Bethoron mawi aleaung palem i, tokalawi mang Azeka mary hawi Mekeda marychi khrairei tiu u nai ne.

JOSUA 10:42

Israela chengchi i Areng Tameuh ly Israela chengchi mang y asa hai nai deaungkho y, Josua ly huni samrang bawibawichi hawi, nichi i prichi ai tiu i eaung veangveang nai ne.

JOSUA 11:8

Areng ly Israela chengchi teng y paleung ka-echi tlang tleaung y eaung hai bo. Nichi ly tosyh mang Sidon mary hawi, Misrhoth Maim marychira y tym pa-rei py, nisi mang Mizapa leaunghawi y tym pa-rei py, paleung ka-echi ai tiu u i, leaungrei py tleaung y pa-rei padei u bo.

TARA CHIH NAI KEUNGCHI 15:14

Lehi meingtym y tym nai khala, Philistia chengchi ly aeu naimy ni teng y angpreng u. Areng i sa thai naira ly tlenrei khyhmy Samson teng y atho ham hai nai deaungkho y, ni ly my i kiuchi ai kawmcheng nai vuinawnchi ly mai my kang nai kalang amai kamta, leuby hai vui nai ne.

TARA CHIH NAI KEUNGCHI 15:18

Naibaly Samson ly khri pa-rei tui ahai i, Areng teng y, “Hini eaung nai pawi pui ai nangmy kai ai pei bo; vai, kai ly tui kanghai y dei ai bo a? Tameuh by y nai hini Philistia chengchi kiu y, kai ai patiu hai ai bo a?,” nanai chiu sa.

1 SAMUELA 11:13

Na i py Sawla my, “Vaini ly Israela chengchi ai atleu nai Areng i kani ne; vaini ami ai py padei moh,” napi.

1 SAMUELA 14:23

Israela chengchi ly Philistia chengchi ai Bethavan mary katlen nai ryrei tiu u; huni kani y Areng ly Israela chengchi ai atleu nai ne.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.

1 SAMUELA 17:53

Israela chengchi ly Philistia chengchi ai hui nai ali teang chum baly, Philistia chengchi i tai naira y kun u iy lawm u bo.

1 SAMUELA 19:5

Ni ly my i tlang areu naimy Koliatha ai padei bo; hunai kamta Areng ly Israela chengchi ai eaung pawi pui nga hai bo. Hunichi nang niu nai khala y amo theu bo. Na i py nang ly kamngo by y nai khumi leaungrei ai ati mana nai tamang ai mo? Ati mana nai Davida ai padei atyhtyh lawh ai mo?,” napi.