2 SAMUELA 22:4 - Khumi Common Language Bible

⁴ Kai ly Areng teng y hnei takeng nai khala, mymy ly kai ai paleung ka-echi kiu i nai atleu pi bo. Areng ai ly palo u!

2 SAMUELA 22:4 ပူးပေါင်းရင်းမြစ်များ

2 NENG SATANG 20:22

Nichi khulym thui u amteaung nai thym khala, Areng ly tym dudu nai tavaimichi ai ahei hai phro bo.

NEHEMIA 9:5

Naibaly Levi theaung Jeshua, Kamiela, Bani. Hashabaniah, Sherebiah, Hodiah, Shebaniah hawi Pethahiahchi my, “Angthau ly nangchi i Areng Tameuh ai palo u; mymy ai ly deungtasarei palo u! Tameuh ly khumichi my palo nai tleaung y phum-ang nang parai nai keung ne iy, achi bawibawi tleaung y amyn nang parai nai y palo u sina,” nanai chiu sa amteaung ai nai khumichi ai palau u bo.

SAM 106:2

Mymy i sa nai lyh ai hawi parai nai bawibawichi ai, ami thui pajau ai mo? Mymy i nang parai nai bawibawichi ai ami palo pajau ai mo?

SAM 116:13

Kai ai atleu nai deaungkho y kawn naimy palo ai nai Areng teng y kai ly kreip hang talam ai.

SAM 116:17

Kai ly nang teng y kawn nai kapathypra talam ai; nang teng y chiu sa ai.

SAM 116:2

Kai i palau nai tleirei y mymy ly tangai pi bo.

SAM 116:4

Huna nai khala y, “Aw Areng, nang teng y kang takeng nai ne; kai ai atleu kyh ba,” nanai Areng teng y chiu kasa bo.

SAM 18:3

Kai ly Areng teng y kahnei nai khala, mymy ly kai ai paleung ka-echi kiu i nai atleu bo. Areng ai ly palo u!

SAM 34:6

Jeaungmang nai khumichi ly mymy ai palau u nai khala, mymy pathang pi iy, nichi ai ngari kamtangchira i nai atleu bo.

SAM 48:1

Areng ly nang parai keh nai ne iy, chai parai nai mawi pui napi nai achi i Tameuh i mary puira y, khri pa-rei palo ai ataing nai ne.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 55:16

Kai ly Areng Tameuh teng y, kasabawmra nga ai nai chiu kasa bo; mymy ly kai ai atleu ai.

SAM 56:9

Nang teng y kai i hnei takeng nai kani y, paleung ka-echi ly anaw u pawn ai. Tameuh ly kai mang y awm, nanai kapany bo.

SAM 66:2

Amyn nang parai nai sai ai khulym thui u; mymy i nang parai nai ai palo u!

SAM 96:4

Areng ly nang parai keh nai ne iy, khri pa-rei palo ai ataing nai ne; mymy ly tameuhchi bawibawi tleaung y, jei kaji naimy tahm khai ai ataing nai ne.

ROM AVANGCHI TENG Y PAWLA I CHA PA NAI 10:13

Ne, “Ami py Areng i amyn palau nai ngierei ly hengra nga ai,” napi nai ne.

AMTENG HAI NAI 4:11

“Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne; Ati mana nai mo nabaly nang ly ati cheaungkhang sa i, hunichi nang ngai nai deaungkho y awm nai hawi sa nai ne,” nanai thui ai.

AMTENG HAI NAI 5:12

Nichi ly tao pajeng parai naimy, “Beram Cho tleh nai ly sa thai naira hawi, nang parai naira hawi, cheng naira hawi, ham naira hawi, tahm pasang naira hawi, palo naira hawi, amtheaung naira py nga ai nai ataing,” napi.